((.. امنتك الله حبيبي لا تخليني ..))..!!

[ريانة العود]

يضيـق بالـيمــن الفـرقـى وطاريـهـا
ويرتـاح بالـي بشوفـك يـا نظـر عينـي

اشغلـت فـكـري حبيـبـي وش تواليـهـا
وفي غيبتـك دمعـة الحرمـان تشقينـي

امشي مَعَ الناس لكن دون ما اوحيها
واشلـون ابنسـاك وطيوفـك تخاويـنـي

إليا طرى أسمك دموع العين اغطّيها
خوفـي مـن العـاذل اللّـي مـا يدانيـنـي

وإليـا طـرت لـي وصوفـك جـل باريهـا
مـن فـيـض زيـنـك تــوزّع للمزاييـنـي

تسبى النواظر بنعـس اهـداب تسبيهـا
ومن بسمتك تخطف قلـوب الملايينـي

يا مهجة الروح روحـي كيـف تشقيهـا
صمتـك ذبحنـي ونـار الشـوق تكوينـي

اقـرى الرسايـل لأجـل نفسـي اسليـهـا
وأثـر الرسايـل عـقـب عيـنـك تعنيـنـي

مـا باقـي الاّ طـيـور الــورق الآحيـهـا
اذكـر بهـا احلـى الليالـي يـوم تغليـنـي

بعـت المحبـه مـن اول كنـت شاريـهـا
وعلى الوصل والموده كنـت توصينـي

مـاتـت ورود الـغـلا مـاعـدت ترويـهـا
ماتـت سبـب قسوتـك يـا نـازح البينـي

حتـى العهـود القديمـه صـرت ناسيهـا
ولاعـاد بـاقـي ســوى الـذكـر تقديـنـي

زادت جـروحـي ولا غـيــرك يـداويـهـا
ليـتـك تـشـوف الخفـايـا كــان تبكيـنـي

ضاقـت علـي الوسيـعـه مَــعْ مبانيـهـا
اطـوي سنيـن الرجـا واقـول يـا وينـي

قلـبـي يحـبـك وعيـنـي سـاكـن ٍ فـيـهـا
لاتـنـخــدع بـالـعــواذل والشـيـاطـيـنـي

في روض قلبـي ورودك ليـت تسقيهـا
تعـال واسقـي ورود الحـب واسقيـنـي

جاتك حروف الشّعر من قبـل اسميهـا
دوّر عــبــاره تــواكــب للمضـامـيـنـي

مشـاعـر ٍ مــا تـبـي يــا كــود غاليـهـا
وامـنـتـك الله حبـيـبـي لا تخلـيـنـي ..!!

[زاجــ ZAJIL ــل]

يضيـق بالـيمــن الفـرقـى وطاريـهـا
ويرتـاح بالـي بشوفـك يـا نظـر عينـي

اشغلـت فـكـري حبيـبـي وش تواليـهـا
وفي غيبتـك دمعـة الحرمـان تشقينـي

صح لسانج ولسان قايلها اختي

وتسلمين ع القصيده الروعه

[غزاله]

وااااااااااااااااااايد .. حلوه .....
صح لسانج ...

غزاله

[ريانة العود]

صح ابدنك اخوي شكوس واختي غزاله واشكركم على مروركم

[أسيرة الشوق]

بعـت المحبـه مـن اول كنـت شاريـهـا
وعلى الوصل والموده كنـت توصينـي

القصيده ذوووووووووق وانتي كل الذوووووووووق ريانوعلى هالاختيار الروعه و عساج على القوه تسلميييييييييين

[ريانة العود]

ماتعلمت الذوق الا منج اسوره :)

تسلمين على هالطله الحلوه ومشكوره عالرد اختي

[همس الليل]

في روض قلبـي ورودك ليـت تسقيهـا
تعـال واسقـي ورود الحـب واسقيـنـي

تسلم يمناج خيتو ريانه على هالكلمات الحلوه والله يعطيج العافيه

[ريانة العود]

الله يسلمج همس واشكرج عالمرور اختي