الإساءة لكبار السن ((قضية ساخنة)) ....

[أسيرة الشوق]

[align=center]الإساءة لكبار السن ((قضية ساخنة))


يتعرض العديد اليوم ومنذ زمن من كبار السن سواءا الوالدين او غيرهم الى الاساءة في المعاملة من الابناء او الاقارب .......وحتى من الاحفاد انفسهم عن طريق التجريح باللسان او التطاول باليد .......وغير ذلك من الوسائل العديده التى تهينهم وتحقر من شأنهم وتشعرهم بالحزن والضياع والندم بعد ماقدمته ايديهم من الحنان والعطف لهم وفي المقابل هذه الاساءه.

قضية اجتماعية ..

مااسبابها ؟؟

ومالعلاج بمنظورك ؟

وهل للفضائيات دور في خلق هذا السلوك الغير سوي ؟
ننتظركم ياسادة

فبالمشاركة

وبالتحاور نصل للهدف

م ن ق وو وو ل

اختكم : أسيرة الشوق
انا حبـــك أنا كلكــ ... وفيـــــتك والعذاب ألـــوان ... عشقـتك والألم ((سكين)) يركز داخل إلهاتي [/align]

[ريـ مدريديةـال]

والله أستغرب من اللي يصرخ على أمه بعد هالعمر كله...اشوف الاسباب ترجع لعلاقة الأم مع الابو شلون...يمكن ابوه ما يحترم أمه ..ما أظن انه هو راح يتعلم منه و السبب الثاني تكون فيه مشاكل بينهم من قبل...يمكن انه هو يأخذ حقه منهم بهالتصرف... في البعض يشوف لو سوه هالشي راح يثبت نفسه وشخصيته وراح يكون له راي ويلبون له رغباته ....الغريب انهم يجحدون باللي سوه لهم...يعني امك اللي سهرت عليك وكبرتك...وابوك اللي يصرف عليك وهم اللي تعبووا عليك هاي حقهم في الاخير؟؟
ما أظن الفضايئات لها مثل هالدور الكبير
العلاج للمشكلة؟ اممم يعني واحد كبيروفاهم الحياة ؟؟ المفروض يفهم بروحه.. الله يهديهم اللي يسون جييه

[أسيرة الشوق]

ويكملج بعقلج ان شاء الله و تسلمين على وجهة النظر الطيبه ما قصرتي ريال عساج على القوه

[همس الليل]

تسلمين اسوورتي على هالموضوع
الصراحه في وايد ناس اشوفهم يتطاولون على كبار السن بس المشكله انهم مايفكرون انهم في يوم من الايام ممكن يكونون في هالموقف وعيالهم هم الي يتطاولون عليهم واكثرهم يتناسون اجر الوالدين وفضلهم في التربيه والحنان والسهر والتعب لين ماكبرو وصارو يعتمدون على انفسهم،والواحد مايحس بالكلام الي يقطه الا اذا هالكلام رد له من شخص ثاني وعزيز عليه ذاك الوقت ممكن يتذكر الي كان يسوويه في والدينه ويتحسف على كل كلمه اجرحتهم . والفضائيات مالها دخل في هالسالفه لان كل واحد ياخذ التربيه من البيت الي هو عايش فيه او ممكن يتعلم من الاصدقاء وبالعكس انا اشوف هالايام مواضيع المسلسلات حلوه وتهدف لتحسين العلاقات .
اسمحو لي على الاطاله
الله يهدي الجميع ويخلي لنا امهاتنا وابائنا ولا يحرمنا منهم يارب

[أسيرة الشوق]

ولا يحرمنا من ردرودج و وجودج ان شاء الله
تسلمين هموستي على الرد الطيب ما قصرتي :)