مصلحة الفتاة اين ؟؟ اكـ ـمـ ـال الـ ـدراسـ ـه ... ام ... الـ ـزواج ؟؟

[الوطن]

خير الكلام ماقل ودل

اذا شافت حال المتقدم لها ممتازة اتزوج وتترك الراسة
لكن اذا حالة المتقدم لها مقبولة وميسرة اتزوج وتكمل دراستها علشان تساعده بعدين
سلام

[أسيرة الشوق]

حـــــــــــلو

بس انا اقول في الحالتين تكمل دراسه شاللي يمنع

و احترم وجهة نظرك الطيبه وماقصرت على المشاركه والتفاعل

[الوطن]

وجهت نظرت مقبولة بس اذا حالة المتقدم ميسورة ليش اتكمل دراستها وشو الهدف المطلوب من دراستها وين تبي توصل الحمدلله زوج مقتدر وبيت وفي المستقبل بيجونها عيال وبتتفرغ لتربيتهم .
اذا عرفت وشو الهدف من دراستها بارد عليج لكن السؤال المطروح مابين سبب اكمال الدراسة في حال تقدم زوج مقتدر الحال

[بو شهد]

أخالفك أخوي الوطن

الدراسة مب عشان البنت تتباهى بالشهادة ولا ترفع راسها على زوجها
الدراسة تخلي المرة عاقلة وفاهمة في أمور كثيرة وبتخليها أقدر من غيرها على تربية عيالها ومساعدتهم في دراستهم.

[أسيرة الشوق]

تمام التمام
لانه الدراسه للبنت اليوم مو هدفها تشتغل لا بالعكس ممكن نفس ما قلت زوجها مقتدر وخلاص لا تشتغل بس الوحده المتعلمه افضل لهزمن لانها تكون مكونه ذاتها صح فالوحده اللي تبده بذاتها راح تقدر تكون الاسره و بعدها المجتمع
يعني التعليم والدراسه شي اكبر من الشهاده وبس

و ولود ما قصر عساكم ع القوه وتسلمون ع المشاركه وننتظر وجهة نظرك الوطن :)

[*أحاسيس الورد*]

انا الصراحه جايه اشوف ارائكم لاني وايد افكر في هاي الموضوع
البنت تقدر اتكمل دراستها وهي متزوجه
ليش كله ايقولون لا لا البنت دراستها اهم لازم ايكون عندها شهاده لانه الزوج ما راح ينفعها....((((ايعقدوون الواحد اف))))

بس انا فكرتي عن الزوج عكس هالشي انا بدرس واذا جاني نصيب
وكان اوكييه ليش ارفض ما عندي سبب يخليني ارفضه ومثل ما قلت يا اخوي ولود
البنت فرصها اقل من الشاب صح كلامك
وبعدين عادي تقدرين يالبنت تدرسين وانتي متزوجه خلي العياره عنج
الا بالعكس بيكون ونااسه في بيت ريلج مرتاحه
بدون ازعاج الياهال وحنتهم<<مشكله اللي يعاني منهم ءهءهء
وبعد بتكون حياتها احسن مع الريل وطلعات ونااسه
انا اشوف ما في شي يمنعها هيهيهيهي

مشكووره اسور والله الموضوع فلله
اتعرفين اراء ناس وشلون تفكير كل واحد فيه
شي جيد
يسلممووو ما قصرتيش

*احاسيسوو*
:28:

[أسيرة الشوق]

وعيالج فديت ويهج لووووووووول

مشكله عاد الميتين يبون يعرسون لوووووول "شاسوي احاسيس اخوي اصغر منج هءهءءه "

وانا اايدج البنت تدرس و تتزوج مافيها شي وهي متزوجه تكمل دراستها وتوفق بين الاثنين ... وسبق وقلنا شلون ممكن دراستها تاثر في بيتها ..

لا تتعقدين يمه في ريايل عقولهم كبيره و بالعكس يدفع المراه لانها تكمل زود ماهي تبي

الله يعطيج العافيه ويرزقج بولد الحلال اللي يفكني منج <<عايشه عندج مثلا لوول
وعساج ع القوه ماقصرتي حبوبه

[الأمورة]

تحياااااااتي لولد فلان وأسورة .. حبيت أرجع أرد على هالموضوع لأني شفت أخونا الوطن طرح قضية مهمه جداً:

الوطن خير الكلام ماقل ودل
اذا شافت حال المتقدم لها ممتازة اتزوج وتترك الراسة
لكن اذا حالة المتقدم لها مقبولة وميسرة اتزوج وتكمل دراستها علشان تساعده بعدين
سلام .........

يعني قضية مساعدة الزوجة لزوجها .. أنا طبعاً ..لا أعارض أن تساعد الزوجه زوجها في المعيشة لكني أشعر بأن أخونا الوطن شوي متشدد وآراءة متعصبة شوي .. يعني ما علاقت التعليم في العمل ومساعدة الزوج في الحياة ..
رداً على كلامه :
1) إطلبوا العلم من المهد إلى اللحد .. هذا أول شيء. يعني سواء البنت تزوجت أو لا لازم تكمل دراستها لأنها بتكون أم والأم مدرسة .. (إذا أعددتها أعددت شعباً طيب الأعراق )
2) واجب الزوج إنه يقوم بواجبات بيته كامله وواجبات زوجته .. وأنا أعتبر إن الرجال إلي يعتمد على أن زوجته تساعدة في مصروف البيت ماهو رجااال إسمحولي على هالكلمة .. لكن أنا إلي أعرفة إنه الواحد يمد رجوله على قد لحافة .. يعني كلمت الوطن مثلت لنا كثير من الأسر إلي جالسين نشوفهم الزوجة تشتغل وتصرف على نفسها .. والزوج مستانس عليها .. لا وحالياً .. صار شرط الشباب إنه أمه دور له على عروس موظفة طبعاً إلا من رحم ربي من الشباب ..
يعني بالله عليك أخوي الوطن إنت تقبل إن تتزوج وحدة وتقولك أنا بشتغل علشان إنت مو قادر تكفيني وتقوم بطلباتي .. عجل ليش رب العالمين جعل الرجال قوامين على النساء وليش للذكر مثل حظ الإنثيين ..
3) عمل المراءة في بيت زوجها عبادة .. يعني لما تطبخ له لها أجر ولما ترتب بيتها لها الأجر لما تناول زوجها كاس ماي لها أجر .. ليش البنت تحرم نفسها كل هالحسنات وتروح تشتغل برااا ببلاش بدون حسنات .. لا أشتغل عند زوجي بحسنات أبرك <<<< ولا شرايكم ؟؟
## الزواج سنته الحياه وأستر للبنت إنها تتزوج والعلم واجب على البنت والرجل ##
إعزروني على هالمداخلة .. وتقبلوها مني
إختكم الأمورة

[أسيرة الشوق]

تسلمين اختي الأموره على المرور والرد والمشاركه وكلامج صحيح العلم مطلوب للبنت والولد لكن الاجر اللي راح تحصل عليه من تاسيس بيتها تاسيس صحيح و القيام بواجباتها والاجر اللي تحصل عليه ما يمنع عملها خارج المنزل

بالعكس اذا كان العمل اوكي شلون مافي اجر .. ابسط مثال المدرسه هاي العمل مو بس اجر الا من اعظم الاجور اذا كانت تادي بصوره صحيحه

وبعدين تعليم البنت ينفعها مو بس في بيتها و عيالهال اللي راح تخرجهم ينفعون مجتمع لا طبعا بعد تقدر تكون هي فايده للي برع "المجتمع الخارجي" مافيها شي لو تشتغل و تعطي ماتعلمته برع بيتها ما توقع مالها اجر

وتسلمين مره ثانيه ع المشاركه والمداخله منج ومن اخوي الوطن و شاكره لكم تفاعلكم و اتمنى نشوف ارائكم كلكم واستمروا في النقاش "اخذوا راحتكم^^"اهم شي الفايده..

[الأمورة]

تحياتي لتفكيرك الرااائع .. وكلامك صحيح وماعليه كلام .. وطبعاً تأجر الموظفة على عملها لكن المقصد في أجر أداء واجباتها الزوجيه .. وأكيد العمل بكون عائق أمامها لتلبية الواجبات الزوجيه ..
يعني لما تكون موظفة في القطاع الحكومي على سبيل المثال إلي طرحتي كمعلمة وطبعاً ما ننكر دور المعلم في الحياة والأجر العظيم إلي يترتب عليه تربية الأجيال .. متى بترجع للبيت .. تخرج من خمس ونص صباحاً ترجع على 2:30 ولا 3 بالله عليكِ أكيد بترجع يادوب تتغسل وتريح جسمها .. متى بتطبخ لزوجها وعيالها ولا متى بتنظف بيتها ولامتى بتتعدل حق زوجها .. ولا ولا لولا... ترى الحياة الزوجيه ماهي بتلك السهوله..
أنا أتصور الزوجة العامله مقصرة بشكل أو بآخر في حياتها وواجباتها الزوجيه ..

وشكراً .. سلااام

[بو شهد]

وأنا معاج يا الأمورة إن الزوجة العاملة يكون عندها نوع من التقصير في واجبات الزوج سواء من ناحية الطبخ أو الاهتمام به أو بنفسها.
بس ترى الوطن زميلي وما أعتقد يقصد اللي فهمتيه من كلامه، يمكن يقصد إذا الزوجة كملت دراستها في المستقبل فأكيد بتطلب إنها تشتغل ومحد يدري وشو اللي بيصير في المستقبل، وفي هذي الحالة ممكن تساعد زوجها في بعض الشغلات يعني مثلاً في قسط البيت أو السيارة أو أو ....

كل بيت يعرف وشهي ظروفه واحتاجاته وفي هذي الأمور ما نقدر نتكلم بشكل عام لأن لكل بيت خصوصياته، وأهم شي في الأخير ما يكون في نوع من الظلم يعني ما يكون الريال من النوع اللي يستولي على راتب زوجته ويمكن بعد يطقها وقد توصل لأنه يطلقها ويتزوج غيرها.

ما نبي نوصل لمرحلة سوداوية في الأمور ونخلي الدنيا هي اللي تحكمنا بظروفها.

[أسيرة الشوق]

مشكورين الاموره و ولود على الردرود الطيبه

صح انا معاكم ممكن المراه العامله تقصر والدليل وجود الخدم في البيت و ووو... لكن انا اعارضكم اسمحوا لي انه في وايد وايد بالعكس موفقين بين العمل والبيت صحيح صعبه لكن فيه ..

مادري اتوقع هاذي الاشياء ضروري تكون متفق عليها من بداية الحياه الزوجيه يعني هل تدرس وتوقف هل تشتغل هل وهل ... التفاهم ضروري جدا في بداية الحياه

وطبعا ما ننسى نوع العمل لانه اللي تشتغل طبيبه مثلا تختلف تمااما عن اللي تشتغل في بنك وماشابه ذلك

طبعا كل حياه مختلفه عن الثانيه وكل ظروف لها قواعد معينه عشان جي ما نقدر نعمم كلام ولا واحد فينا على الكل

واشكركم مره ثانيه على الراي الطيب و ماتقصرون والله كل الفايده منكم والله يعطيكم الف عافيه ان شاء الله

[*أحاسيس الورد*]

الله يعطيج العافيه ويرزقج بولد الحلال <<انقلب ويهي هههه

وانا أايد الامووره في نقطه انه المدرسه او الأم اللي تشتغل صح ما راح تقدر
اتوقف بين الأثنين البيت والشغل ولو اقدرت فتره بعدين بتتعب وهاي كله بيأثر على صحتها ...والحين الدوامات تغيرت اترد متاخره هاي اذا ما زادو على دوامها كم ساعه وين تفضى لبيتها وعيالها وريلها..يعني انا بقول لكم تجربتي امي مثلاُ ((الله ايحفظها ويخليها لنا يارب)) ما اشتغلت تمت معانا في البيت هي كانت موجوده في كل لحظه كنا محتاجين لها ..والله هاي الشي يختلف بدال ما تعتمد على الخدم في تربيتهم
بل بالعكس ..
ترى فترة حياة الطفل لين 5 واايد مهمه منها يكون روحه فلازم على الأم على الأقل اذا بتشتغل اتحاول قد ما تقدر اتوفق بين الأثنين ..ومهما كان بيتي اهم شي عندي
والله اريلي وعيالي اهم من الفلوس ...

[أسيرة الشوق]

الله يعطيج العافيه ويرزقج بولد الحلال <<انقلب ويهي هههه

وانا أايد الامووره في نقطه انه المدرسه او الأم اللي تشتغل صح ما راح تقدر
اتوقف بين الأثنين البيت والشغل ولو اقدرت فتره بعدين بتتعب وهاي كله بيأثر على صحتها ...والحين الدوامات تغيرت اترد متاخره هاي اذا ما زادو على دوامها كم ساعه وين تفضى لبيتها وعيالها وريلها..يعني انا بقول لكم تجربتي امي مثلاُ ((الله ايحفظها ويخليها لنا يارب)) ما اشتغلت تمت معانا في البيت هي كانت موجوده في كل لحظه كنا محتاجين لها ..والله هاي الشي يختلف بدال ما تعتمد على الخدم في تربيتهم
بل بالعكس ..
ترى فترة حياة الطفل لين 5 واايد مهمه منها يكون روحه فلازم على الأم على الأقل اذا بتشتغل اتحاول قد ما تقدر اتوفق بين الأثنين ..ومهما كان بيتي اهم شي عندي
والله اريلي وعيالي اهم من الفلوس ...

تسلمين غلاي على الرد والسالفه مو سالفة فلوس الشغل له فوايد ثانيه .. ونفس ماقلت الاشياء اللي تتفقين عليها في بداية حياتج دائما تسهل الاموره والله يوفقج ويرزقج بواحد طول اسوره "يناسب مو لوول وقفي احذاي خل نجرب لول"

وعساج ع القوه حبوبه ومانقصرين ع المشاركه

[الأمورة]

ما نبي نوصل لمرحلة سوداوية في الأمور ونخلي الدنيا هي اللي تحكمنا بظروفها.

أحييك على هالجملة .. لكن واقعنا للأسف إن الدنيا وظروفها صار حكمها متغلب علينا ... وصرنا نتنازل عن أشياء كثيرة مقابلها ..
وطبعاً دخول الخدم للبيوت مثل ما طرحت أسيرة واحد من التنازلات إلي قدمنها ..
يعني علشان الزوجة تشتغل أكيد التنازلات لازم نقدمها.

يعني أخونا الوطن قرر حياة الفتاه تكون بناءا على حكم الدنيا ..
لو نصيبها كان غير مرتاح مالياً تكمل دراسه علشان تشتغل ... هذه هي المرحلة السوداوية التي تكلمت عنها...

أخيراً :: العلم نور وما له أي علاقة مع العمل أبداً....
تحياتي لكم وتحياتي لنقاشكم وآرائكم.. أختكم الأمورة