مات الامل.. حتى الحلم
لحظة ندم.. فيها شعور من الالم
حزن طغى والحال عنده ما يهم
ليه العناد دامي لك اغليت
دونك وداد وانته عليه تماديت
يا قسوتك يا شوق.. جف القلم
جف المداد.. حبر ٍ ودم
ما باقي غير التوجد على ماش
يا هيه ياللي صحبتك تحرق الجاش
مزاجك .. ياقسوته هذا المزاج
تقسى تروح.. تنقض جروح
وتقول لي هذا مزاج
تدري بعد هذا وذاك
خذه العلم.. اقسم اقسم
انك اللي مبتدي
اصاحبك وانته علي تعتدي
هذه هو مزاجي.. جاك
يا مضلل خطاك
ياخي مزاجي !!!
.................................................. ......................
.................................................. ......................
ماجيت اذل الشعر وارجع واراضيـك=ولا جيت الم لـم عبرتـي فـي غيابـك
ادري خضوعي عندك اغلـى امانيـك=تبطـي عظـم ماجـي ولا دق بابـك
يعني عشانـك زيـن وربـي محليـك=وصلت معك انـك تعجـل ذهابـك
شكلك تبيها جد وبالجد انـا اعطيـك=خذها وانا اللي خابـر ٍ وش زهابـك
سلم على اللي فرحتـه فـي تجافيـك=عَجِّـل خطـاك وبشـره باغترابـك
مادمت انا بالشعـر شلتـك بوطيـك=من حقي اعْدل كلمتـي لـو تشابـك
ياخي مزاجي .. صنّفت قلت ابا اهجيك=دام الـدلال اقصـاك ماعـاد جابـك
يامن شرا لـه مـن حلالـه شرابيـك=حـظ ٍ ردي ٍ ابتـدى وانتهـى بـك
يا قسمـة ضيـزى ظلمنـي تجنيـك=وجدي كما الصالـح بحظـن الاتابـك
ما كنت اظـن الغـدر ذروة مراميـك=بالعكس دايـم رافعـه عـن جنابـك
يامـا نخيتينـي وجيـتـك البـيـك=لا وحسافـه جَيّـتـي بانسحـابـك
في نومـي وصحـوي البيـه داعيـك=يا للاسف بعتي خفوق اشتـرى بـك
روحي عسى ربـي بفعلـك يجازيـك=ومن البـلاوي كـل حـيٍ درابـك
روحي عسى زخ المـزن مـا يباريـك=اليـن اشوفـك لاهثـه فـي سرابـك
عسى ستاد الارض يدمـي خطاويـك=واشوف دمك مختلـط فـي خضابـك
يالله تعدي وارحلـي عـن هواويـك=وتعال يا وجد القصيـد وهـلا بـك
شاعر واجيب الجزل من دون تشكيـك=قول ٍ بـدا بـك يالغضـي وانتهابـك
+ الرد على الموضوع
النتائج 1 إلى 4 من 4
الموضوع: ياخي مزاجي..
-
13-02-06 02:23 PM #1
ياخي مزاجي..
-
13-02-06 04:55 PM #2
مشاركة: ياخي مزاجي..
وااااااااااااااااااااااو واااااااااو العن ابو المزاج لوووول
تسلم حمانو نااااااايس :)
-
13-02-06 07:04 PM #3
مشاركة: ياخي مزاجي..
وااااااااااااااااااااااااااااااااااو .... تجنن روعه ... مشكووور حمانو
تحياتي غزاله
-
16-02-06 03:35 PM #4
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
تحويل الكنائس إلى مساجد في ألمانيا
بواسطة kareem rashad في المنتدى الـدوحـة المـفـتـوحـةمشاركات: 4آخر مشاركة: 02-02-08, 11:25 PM -
تجول فى مساجد مكة والمدينة 000 بالماوس
بواسطة kareem rashad في المنتدى دوحـة الصوتيات الإسلاميةمشاركات: 4آخر مشاركة: 30-03-07, 12:09 AM -
"حرب مساجد" تندلع في العراق بعد اعتداء على مزار ديني شيعي بسامراء
بواسطة بو شهد في المنتدى الـدوحـة الإخـبـاريـةمشاركات: 4آخر مشاركة: 25-02-06, 01:54 AM