دوائر الخبز المحشوة بشاورما الدجاج

[همس الليل]

المقادير :

لشاورما الدجاج :

دجاجه كامله او قطع صدور دجاج مسلوقه مقطعه لمكعبات - نص ملعقه قرفه او دارسين - نص ملعقه هيل ناعم - ملعقه طعام سمااق او سماك - ثوم مهروس على حسب الرغبه عادة فص واحد يكون كافي - بصله مقطعه شرائح - مكعب ونص ماجي او ملح - عصير ليمونه - ملعقه صلصله طماط او تقدرين تستغنين عنهااا انا عن نفسي استخدمها - ملعقتين بقدونس مفروم - 3 ملاعق ميونيز مخلوطه معه خيار مخلل مقطع لقطع صغيره - ربع كوب ماء

+

نحتاج خبز دوائر من الحجم الصغير


الطريقه :

حمري البصل على النار تشويح بسيط وبعدين تحطين معه البهارات وربع كوب الماء عشان تختلط البهارات مع الدجاج زين
- لما ينشف الماء الموجود شيلي الدجاج عن النار وحطي عليه قطع الطماط والبقدونس واخليطهم زين
- جيبي الخبزة انا استخدمت الخبز الدوائر الجاهز وافتحيها من النص وامسحي عليها بخليط الميونيز والخيار المخلل وحطي شويه من الشاورمااا وانا ضفت من عندي شريحة من الفلفل المخلل الكبير وشوية خس وقفلي الخبزة

وبالعافية عليكم

[ضباااااب]

ياويلي ويلاه


خوووش دواير خبز:74:


مشكوره همس ع الطبخه

[همس الليل]

العفوووو خيو ضباااب ومشكور على الرد

ومبين انك ناوي على الخبز كله

[الرقيقة]

ثانكس همووس


عاد هاي صعب مااقدر اسويه

خخخخخخخخ

[همس الليل]

لا صعبه ولا شي بالعكس وايد سهله الطبخه وانا مجربتها اكثر من مره

مشكورين ماقصرتو بالرد وعساكم عالقوه يارب

[وردة قــطــر]

واااااااااااااااااااااااااااااي


يمي يمي

مشتهيته

مشكوره هموس على هالطبخه الحلوه

[همس الليل]

العفوووووووووو وردتي ومشكوره على الرد وماقصرتي