نـــكــبة السـكن فيــ مكــه !!

**بــ الشمال ــرق** · 20-12-05 10:53 PM

السلام عليـكم

حبيــت انقل لكم موضوع نكبــة الســكن في مكه هذا انا و ربعي انكبنااا في الحجز طبعا ً كنا حاجزين حق العمره في رمضان رفيجي الله يهداه حاجز لنا عن طريـق الانتر نت بس طلع الفندق الي حجزناه نكـــبه هو نزل الموضوع في موقع ثاني و انا نقلته لكم على شان اتحسون بحجم المعانااه خخخ

و الفقره الجايــه هذا رفيـجي يتكلم عن الموضوع :-

المهم ..

قلت بس .. هذا الموقع الي راح يوفر لي السكن في مكة بسعر مناسب وقريب من الحرم

المهم اني اتصلت براعي الشركة الي مقرها في جده .. والشهاده لله كان قمة في الاخلاق والادب والاحترام

وقالي احسن فندقين عندنا ( دار الهدى 1 ) و ( فتح الهدى ) لكن دار الهدى 1 مليان .

قلت له انزين كم سعر فتح الهدى ؟؟ وكم مسافته من الحرم ؟؟

قال مسافته (50 متر ) بس

وسعره للغرفة المزدوجة ( 200 ) ريال فقط ..

قلت له في رمضان ؟؟

قالي اي نعم .!!

يابلاش والله ..

قلت له توكل على الله .. وحجزت وأرسلت له حوالة ..

وقلت حق الربع ترى الفندق الي في مكة مب بذاك المستوى بس اهم شئ مكان نرتاح فيه بس ..

المهم .. أن يوم رحنا الطايف وريحنا في شقق فندقية الصراحة نسيت اسمها كانت جداً كبيرة ووسيعه وراقية .. وسعرها 250 في اليوم ..

اتجهنا صوب مكة .. ويوم وصلنا صوب الفندق .. اتصلنا حق المدير وطلعلنا وجانا بالقرب من فندق سوفيتيل ..

المهم أن الرجال دخلنا الفندق .. دخلنا اللوبي وعطونا من المفاتيح .. والشهادة لله أن الفندق قريب من الحرم .. 3 دقايق توصل للحرم وقريب جداً من الصفى والمروى ..

المهم يوم عطونا المفاتيح .. دخلنا إلى اللفت .. لكن الي شد انتباهي ان ولا خليجي كان في الفندق !! كلهم من الجالية الآسيوية وبالاخص الأندونيسيين .. وقليل من الجالية المصرية والسورية !!

المهم أن دخلنا الطابق الي فيه فندقنا وكانت الغرف متقابلتين .. لكن أنا ماراح اتكلم عن الغرف راح اترك لكم الصور للتعليق !!

المرايه :: ملزقة بتيب شلوشن !!! مضاد للماء الظاهر هههههههههه

دش الماء بالقرب من الكهرباء ( أنظر إلى يمين الصورة !! )

لاتعليق

أنظر إلى مروحة الشفط .. ولكــــــن !! أنظر إلى الصورة المقبلة !!!

ماهذا .. مروحة شفط أخرى !! الظاهر أنها من غرفة الجيران !!! هههههههههه

أين باب الدولاب !!!!!!!!

ستاره طايحه .. حق الشمس الواحد يبي يرقد يرتاح ولا الشمس ترقع ويهه من صباح الله خير هههههههه لا والمكيف يطحن فوق راسه بعد

احسن مافي الغرفه التلفون الصراحة لين الحين انا اشك انه يشتغل لاني ماجربته يوم كنت اهناك !!!

غرفتنا ماكان فيها تلفزيون ومكارويف لكن غرفة ربعنا كان فيها تلفزيون وماكرويف حاطينها فوق الثلاجة كأنك في سوق حراج !!! انظر الصورة المقبلة !!

الباب الي مفتوح هو باب الحمام !! اعزكم الله ! والباب المقابل للصورة هو باب الغرفة يفتح على شكل السحب إلى اليسار فقط .. لأن لايوجد ماكن لكي يضعون لك باب نفس الناس لان لو كان فيه باب ماكان هنا سعه للدخول والخروج !!

تكفون قولولي شلون الكبت يجي ورى السرير يعني لو نبي نفتح الكبت ( الدولاب ) لازم نسحب السرير علشان نفتح الكبت !!! ايش هالعقليه الي صممت هذا الفندق ؟؟

كنا حاجزين لمدة ليلتين .. لكن بعد ماشفنا هذا حال الغرف وضيقهم شلون .. أعتمرنا ورجعنا تسبحنا وتفطرنا .. ووينك يالجــي ((( بإتجاه جدة )) عروس البحر الأحمر .. في فندقي المعهود الي أعتبره فندق سعره مناسب وموقعه مناسب وأثاثه مناسب !! فندق ( كراون بلازا ) .. الشباب اهني حسوا بالفرق ههههههههههه ولا عملوا لنا أبقريت لسويت بزيادة مبلغ مالي بسيط ..

بس تبون الصج أقدر اسمها ( نكبة الموسم ) !!

ننتظر ردودكم ..

وهذه صورة إهداء لكم صورة للحرم المكي من الفندق التعبان

**همس الليل** · 21-12-05 03:26 AM

السلام عليكم ورحمة الله وبركاته

تسلم يمناك اخوي برووق على هالموضوع الطيب وعساك عالقوه يارب

**بــ الشمال ــرق** · 21-12-05 05:03 AM

الله يسلمج هموووسـه

و مشكوووره على المرووور الشيــخه ..

**بــ الشمال ــرق** · 21-12-05 05:31 AM

اي والله يا شكوووس الله يعينهم
و يعطيـك الف عافيـه على مرورك الطيـب..

**زاجــ ZAJIL ــل** · 21-12-05 10:51 AM

اشلون قعدتوا اهناك باربي شنو هاي والله مو شي

هاي احد الشقق صح ؟؟؟ بس في اماكن اوكي وحلوه واسعاره اوكي يعني بدال هالمزبله

وتسلم خيو برق ويعطيك العافيه

ووو عمره مقبوله

**بــ الشمال ــرق** · 21-12-05 01:20 PM

مشكووور اخوي سفيـر على مرورك الطيــب .. نورتنا بردك ...

**بــ الشمال ــرق** · 21-12-05 01:25 PM

زجوووول على فكره هذا المفروض فندق مب شقق و احنا ماقدرنا نقعد هناك اصلا ً اقري ها الفقره :
" كنا حاجزين لمدة ليلتين .. لكن بعد ماشفنا هذا حال الغرف وضيقهم شلون .. أعتمرنا ورجعنا تسبحنا وتفطرنا .. ووينك يالجــي ((( بإتجاه جدة )) عروس البحر الأحمر .. في فندقي المعهود الي أعتبره فندق سعره مناسب وموقعه مناسب وأثاثه مناسب !! فندق ( كراون بلازا ) .. "
والله غرفة الدريـول في بيتنا تطلع عند ها الغرفه 5 نجووم هههههه

يعطيـــج العافيــه على المرووور نورتي ...

**زاجــ ZAJIL ــل** · 21-12-05 02:02 PM

هههههههههههههههههههههههههههه

اها اي والله شنو هاي مو شي

**الأصيلة** · 03-01-06 09:01 AM

يسلمووو والله يعطيك العافية .

**بــ الشمال ــرق** · 03-01-06 01:32 PM

الله يعافيـــج اختي مشكوره على المرور و الرد ..

الموضوع: نـــكــبة السـكن فيــ مكــه !!

أدوات الموضوع