مالي ترى عنك فكة

[همس الليل]

السلام عليكم ورحمة الله وبركاته

والله مامن جور الايام فكه

ولا فيه عبدٍ من عنا الوقت مفكوك

واقلبي اللي لااقبل الليل صكه

همٍ وهو له عام بالهم مصكوك

صدري غدى لطعون الايام دكه

ويدكني في تالي الليل داكوك

قلبي غدى مابين صدقه وشكه

والليل يسريني غرابيل وشكوك

يركي علي طويق وجبال مكه

وارقد على جمره وممشاي بالشوك

وان جيت ابنطق صار بالهرج لكه

مثل الزعيم اليا طلب راي مملوك

شوك الليالي وجه قلبي تحكه

من سبت اللي ياشفا الروح ودوك

قالوا حبيبك ياهوى البال بكه

وخله سهير بتالي الليل متروك

سكيت قلبي يااتلع الجيد سكه

وفركت عرق القلب والقلب مفروك

شالوك للطايف ومريت بكه

وامسيت تسكن بالمدينه مع آبوك

وانا اشيل الهم وحدي واعكه

يومك تضاحك مع ملاعين غروك

حفرت لك في داخل القلب سكه

ولك صورةٍ في داخل القلب والبوك

وقبلي عقدته يالغضي من يفكه

وش صالحك بالقلب لاصار مشروك

فكه وانا مالي ترى عنك فكه

ببقى لك اوفى من وفا امك مع ابوك

منقوووووووووول

[أسيرة الشوق]

مرسي عساج على القوه ننااااااااااااايس

[همس الليل]

السلام عليكم ورحمة الله وبركاته

العفو خيتو اسيروووه ومشكوره على الرد وعساج عالقوه يارب