اهانه في حق بلادي قطر الغاليه(عندما تنوح الزهور)

[زاجــ ZAJIL ــل]

السلام عليكم ورحمة الله وبركااته

-عندما تغني الزهووور مسلسل دراامي يعالج قضاايا المجتمع القطري صح ولا ؟

قلنا صح...

-عندما تغني الزهور مسلسل يثبت مهارة المرااه القطريه؟؟
قلنا اوكيه...

-عندما تغني الزهووور مسلسل يصوور اسلووب الحيااة القطريه؟؟

عاد اهنييه المشكله...ماعرف اذا الكاتبه وداد الكووراي نظرتها للمجتمع القطري بهالشكل ولا شلوون

بس الكااتبه كل سنه قااعده تصوور وتنشر صور عن المجتمع القطرري خاطئه و تشووه فيه

انتووو نفسكم رااظيين بهالصوره .. :08:

انا اعترف ان الكاتبه وداد الكووراي عندها مووهبه مااختلفنا

لكن ماتتكلم عن مجتمعنا وبلادنا وعاداتنا وتقاليدنا من وجهة نظرها لازم تراعي المشاهدين اذاوجهة نظرها ان هل قطر كلهم زط وفقر وبخل ومافيهم خير الاحسن انها ماتكتب شي مره ثانيه

يعني مثلاا جووفوو فجر السعييد اشلوون اتصوور المجتمع الكوويتي نااس لابسييين كااشخين على الاقل مرتبيييييييييييييين فيهم حب لبلاادهم...احنا من متى المراه دخلت االانتخبات عندنا قبلهم لكن محد صور هالشي ...لا صورة المراه في قطر سواااااااااااقة تاكسي يالللعجب يالله قولولي اعزائي الي في المنتدى حد يعرف مرأه في قطر سواقه تاكسي وين الواقعيه؟؟؟؟؟؟؟؟ :08:

قالولونا والله هي تصوور قصة فقاارا قلناااا اووكيه بس ليش ليش الممثلاات مشمطاطات حتى لو يووكم اغنيه حدهم جلابياات ام 30 ريال والله حتى الناس الي على قد حالهم في قطر انظاف وكرماء ومافيه احسن منهم

انززين اشراايكم في الكلااااااااااام لهجه غريبه عجيبه هل هم يطنززوون ينكتوون ولا من صجهم...

والا الامااكن اللي يصووروون اخس اماكن في قطر والقهر يوم صوروا في مركز الشرطه صج فشيله انا كنت في دبي وقالولي رفيجاتي لهدرجه مراكزكم خاااايسه والله ما عرفت شرد عليهم الكل يعرف ان قطر في تقدم مستمر وبدال ما نظهر بلادنا بطريقه عدله جدام الناس تظهرها الكاتبه بهالصوره
ليش اتصوور في امااكن محلطه خاايسسه ماادري والله ماااادري من ويين ايدلوونهااااااااا

ولا تعالوو القصه القصه مبتذله درجه اوووووووووووووووولى زوجها شرد بلاده خاطري اعرف وين بلاده يوم انهم كل دقيقه يقولن هل قطر وين بلاده عيل... الاخو شرير والام شريره والاخت شريره وريل الاخت شرير الطلبه الي عندهم اشرار مايدفعون فلوس المدرسين نست الكاتبه ان المدرسين في قطر
ناهبين اهل الطلبه نهيبه والاهل يدفعون بكل طيبة خاطر

وكلهم بخلاء انا الي اعرفه ان هل قطر كرمااااء واكبر دليل مسجات التبرع الي منتشره وني حق الاسامي حسينه وعطيه ومادري ايش
وفي نقطه استغربت منها يوم الاخويقول حق حياة الفهد ليش تيبين عيال هالكثر تحسبين الحكومه بتكرمج!!!!!!!!!! نعم عزيزتي الكاتبه,, بتكرمها اعتقد ان حكومتناالغاليه قدها وقدود :08:

ولا لهدرجه حكومتنا ناسيتنا او يابلفيت انها تنتقد الحكومه يعني البلدان الثانيه بيحسبون هالشي صج واحنا في نعمه الحمد الله
وبرد بعقد مقاارنه بينها وبين الكتاب الثاانيين مثلا مسلسلات الاماراات ولا الكوويت داايماا يمدحوون حكوومتهم يعني الصرااحه لما اجووف هالمسلاسلات احس بووطنيه لكن هاااي المسلسل احس اني ودي افجر التلفزيوووووووون افكر صج هل قطر جي ماافيهم حد فيه خير. :08:

ولا سالفة الززززززط اللي فييهم من غنييهم ليفقيرررهم كلهمم طاييحيين ارياال ماايدفع وارياال مايدفع جاان زيين يقوولوونها صحححححححححححححححح

لا لا تعالوو حق كلمة ياازعم ياااااازعم انا مااقد سمعتها قبل يعني احسسسسسسهادخيللللللللللله من قلب


يعني اوول مسلسل(حكم البشر)كاان اووكيه ثااني واحد(يووم اخر)يلا كاانت القصه شووي وااقعيه لكن قبل الاخير حتى ماااذكر اسمه ولاخيررر يعني الصرااحه ابتذااااااااااال يعني لازم يكوون مستوواها اعلى لانهاا قااعده اتمثل بلدها...

و او او او الي مااله نهاايه لو اتكلم من ليووم لي بكره مب مكفيني لاني احس بقهر لان اي انساان قطررررررررررري فيه وطنييه بييحس شوووويه
ويا قطرين نبي تفاعلكم سلبي كان او ايجابي لان الناس الاجانب مايقولوون مسلسل حياة الفهد ولا مسلسل وداد الكواري للاسف...

يقولون مسلسل قطرررري :08:


وفي الاخييير ابي اعرف راااييييييييييكم

اذا اانتو عاااجبتكم طريقة تصوويرها لبلاااااااادكم

وانتظر مشاركاتكم :08: :08:

[بو شهد]

السلام عليكم ورحمة الله وبركاته

ونرجع مرة أخرى لنخوض في مسلسلات رمضان التي ترفعت عن مشاهدتها منذ سنتين وأكثر.

قبل سنتين في رمضان كان هناك مسلسل ( يوم آخر ) وبالصدفة في أحد الأيام رأيت جزءاً بسيطاً منه ولكنه كان كافياً لأعرف ما الذي كانت تهدف إليه الكاتبة من ورائه.
وفي تلك الفترة كنت عضواً في إحدى المنتديات وكان التلفزيون العماني قد قام بعمل لقاء مع الكاتبة وداد الكواري فقام أحد الأعضاء بوضع الموضوع ونقله إلى المنتدى مع بعض الصور من الحلقة.

وكانت فرصتي لأعلق على هذا المسلسل وأقارنه بالذي قبله وهو ( حكم البشر ) وبالفعل كان ردي على الموضوع مسبباً للجدل والكثيرون عارضوني في حين اتهمني البعض بالتهجم على الكاتبة وليس المسلسل. وبقي الموضوع لكثر من سنة ولكني تفاجأت بأنه تم حذفه نهائياً مع الردود.

ولا أريد الآن أن أكرر ما ذكرته قبل سنتين لأن وجهة نظري لم تتغير، ولكن أستطيع تلخيص ما أريد قوله في هذه العبارة:

لا يوجد مجتمع لا توجد فيه زانيات فهل يصح أن نظهر هذه الظاهرة بحيث تتكرر في كل مسلسل أو فلم؟

[زاجــ ZAJIL ــل]

تسلم اخوي سفير ومثل ما قلت انت المفروض

وتسلم ولد على المرور والرد

اي والله لازم بكل مسلسل وكل فلم الحين
وماقضرت خيو


ويعطيكم العافيه

[تكفيني الذكرى]

هالشي تعودنا عليه من الكاتبه وداد
والله يهديها بس

يسلمووو زجول على الموضوع
يعطيج الف عافيه

[زاجــ ZAJIL ــل]

هالشي تعودنا عليه من الكاتبه وداد
والله يهديها بس

يسلمووو زجول على الموضوع
يعطيج الف عافيه

الله يسلمك وتسلم خيو على المرور والرد

[الوطن]

بسم الله الرحمن الرحيم
اشكرك اختي زجوووووووووول
رد ك كان جداً طيب ولابد كل واحد فينا تكون فيه الغيرة على بلادنا ولا كان مانسوى أن ندوس على ترابها
وبعدين أنا بصراحة ماعرف شيئ عن هالمسلسل ولا اللي قبله بس من كلامك فهمت أن الكاتبه قاعده تشتهر على حساب سمعة البلاد ؟؟؟؟؟؟؟؟؟ومايحدث في المجتمع نصفه من مخيلتها ولو كان عندها شوية وطنية كان ماتطرقت لمثل هذه المواضيع وبأمكانها تحور وتغير في الأسلوب لأن القلمم عندها بيدها ؟؟
وهناك قلم حسيب ورقيب عليها من الرحمن إن كان لها غايةسيئة .

وعلى قولت الشياب اللي ماخلة شيئ لنا

مافي بلاد مافيها مقبرة
وهذا المثل يؤيد كلام ولد فلان

وسلام

[زاجــ ZAJIL ــل]

الف شكر لك اخوي الوطت على هالرد الطيب وعلى المرور والرد

ونورت موضوعي اخوي

[همس الليل]

السلام عليكم ورحمة الله وبركاته

يسلموووو زجوله على الموضوع وصح كلامج ان الكاتبه ان وداد الكواري تبي تنشهر على حساب سمعه البلاد والحمد لله قطر بلاد الخير والعطاء وماظن انه في ناس في قطر معدومين لهالدرجه ومحد يدري عنهم ،الله يهديهم وتسوي لنا مسلسل عدل السنه الجايه .

[زاجــ ZAJIL ــل]

الله يسلمج غلاي وتسلمين على المرور والرد

[الأمورة]

يمكن رأئي ما يعجبكم بس أنا لي وجهة نظر ثانية ..
لإن أول شي الكلام إلي مكتوب مزودها شوي برد على نقطة مركز الشرطة إلي إنتي حسيتي بالفشيله منه ..
مادري هي غلطة الكاتبه ولا غلطة المركز لإن المركز فعلا مركز التحقيق الواقع بمنطقة المرور القديم في مدينة خليفة الجنوبية .. يعني هي ما جابت شي وفترت على بلادها الشي موجود ..
ثاني شي بالنسبة لنظرة إن أهل البلد بخلاء هي ما صورتهم بهالطريقة صورت أهلها وبخلهم لاكن في النهاية وضحت إن الأم وإلي تسوي كان لإن الأخ والأخت لاعبين براسها على حياة الفهد لكن في النهايه رجعت الأم لطيبتها وشرت بيت ملك وسجلته بإسم بنتها .. ثاني شيء .. الزميل إلي قام يساعدهم مع إنه ما تربطه بهم أي علاقة بس لإن أهل قطر فيهم خير ويحبون الخير للغير قام يشغل لها أموالها في الأسهم والأراضي وهالشي في الواقع مو غريب عن أهل قطر ..
يعني المسلسل جاب لنا جانبين جاب أخوها اللي همه في الدنيا شلون يجمع الفلوس وجاب الطيب إلي يحب يساعد وكريم لأبعد الحدود ..
وطبعا محد يقدر ينكر ويقول أهل البلد كلهم سواسية وكلهم طيبين لا في الطيب وفي الخبيث اللئيم .. ومو بس قطر ما في بلد ما تخلى من أصناف البشر ...
ولو كان المسلسل كله ناس طيبة وممتازه ما كان فيه قصة ..
يعني لو إفترضنا الزوج طيب وكريم ما كان من الأساس حالهم وصل لللي صورته الكاتبه وداد ..
ولو كانت الزوجة الأولى للجار طيبة ماكان في خسارة ولاكان في تفكك أسري ولا كان الزوج بيتزوج الثانية ..
وحتى الدروس الخصوصية فيها شيء من الصحة ..
وسائقة التاكسي إفتحي ملحق الشرق ولا الوطن وشوفي الإعلانات وإتصلي على أي رقم وأنا متأكدة إنك بتحصلين سائقة للطلبه ومن الجنسية القطرية ..
..................
لاكن أنا برغم من كل إلي دافعت عنه لكني أيضاً لي محمل على المسلسل :
في حلقة تقول البنت لأمها أخيراً أحس إنا صرنا قطرين صج ..
من موين جاها الإحساس .. تدرون من وين .. لإن صار عندهم خدامتين...( هذي أكبر إهانه للشعب القطري).
والمسلسل فعلاً واقعي ومن المجتمع إلي إحنى عايشين فيه لكن مزودينها في الكآبه والحزن واللبس يعني جابوا إن البنت سوت دروس خصوصية بسبعة آلاف والأخ توظف على 2500 والأخ الثاني نفس الشي والأم تسوي مخللات ومادري إيش وتبيع وحصلت مبلغ سبعة آلاف وشوي من الجمعيات الخيرية .. وبعد كل هالمبالغ ما قدرت تدفع آجار البيت 3000 ريال ولا تعزرت من الديانه إلي تسبب لها الزوج بسجل التجاري .. يعني بالله وين ودوااا كل هالمبالغ .. وفي نهاية المسلسل تجيب الكاتبة سبب تحسن أوضاعهم المالية إنها ورثت ربع مليون من بيت أبوها وشغلتهم في الأسهم .. وسددت الدايانه ...

الصراحة كان بإمكانهم يسون مسلسل أحسن من هالقصة وعلى الأقل لما سوت إعلان في وطني الحبيب صباح الخير والجرائد وطلبت المساعدة جابوا إنه محد تبرع لها .. مع إنه التبرع موجود بشكل كبير عندنا في قطر وبالذات إذاعة وطني الحبيب ..

في النهاية المسلسل له جوانب وله جوانب أخرى ..
ولا تمدحون المسلسلات الخليجية الأخرى لإن يعرضون أشياء أكبر وأحقر ..

طولت عليكم ...
سلام

[زاجــ ZAJIL ــل]

تسلمين الاموره على هالرد ووجهة نظر احترمها غلاي وكلامج فيه الصح لاكن كنا نقدر انصورها بكشل اجمل واحلى

وتسلمين غلاي


ومث لما اقولج هاي بلدنا ونبيها تطلع باحلى صوره جدام الكل

والسموحه

[ريم الغـلا]

السلام عليكم ...

اشكرج زجوول على موضووعج الحلوو و غيرتج على دوولتنا الحبيبة (قطر)
بس اناا ما اواافقج على كل شي ذكرتيه ..
الكاتبه وداد الكوااري هي تكتب من وااقع مجتمعنا القطري وبض من هالقصص ترا حقيقيه ..و ترا لو صج تبين تشووفين .. تعرفين في واايد بقطر بخيلين و في واايد فقرااء .. بس احنا ما نلاحظهم لان احنا ما فكرنا اصلا في هالشي ..
و بعد على طااري السواقه .. انا اخوي الصغير كانت وحده توالبيت و توديه المدرسه مع كم وحده من المدرساات ..
اما باقي الاشيااء مثل مركز الشرطه و الجلابيات و غيره .. نرجع للمخرج و باقي الستاف هم المسؤلين عن هالشي ..

و بعدين ودااد صج بالغت .. س وصلت لنا مشااكل المجتمع القطري .. وفي واايد يعترفوون بهالاشيااء لانهم يشووفوونه .. و عانوا منهاا ..

المهم ما اطول عليكم

اشكرج زجوول مره ثاانيه ..
اختكم
:12: ريمي:12:

[ضباااااب]

يسطفلووووووووووووووووووووووو

[زاجــ ZAJIL ــل]

يؤ يؤ يؤ يؤ ريماني اهني هلا وغلا والله نورتي غلاي هلا والله بطلتج

تسلمين لي على هالرد والمرور ويعطيج مليون عافيه

[زاجــ ZAJIL ــل]

الله يسلمك خيو ضباب ومشكور على المرور والرد