لعبة الامثال ارجو الكل يشارك

[زاجــ ZAJIL ــل]

مرحبا

شحالكم؟؟؟؟؟

انا عندي لعبه حلوه لكم وفي نفس الوقت الكل يقدر يستفيد منها اوكيشن

وهذي اللعبه عباره عن انك تحط مثل خليجي وتكتب ليش ينقال هالمثل وفي اي وقت




يالله انا ببدأ


العرس خلص وشايب يرقص



يقال هذا المثل لمن يقوم بفعل شئ بعد فوات الأوان



يللا ابي الكل يشارك .....

[قـــطـــريـــوه]

السلام عليكم ورحمة الله وبركاته

اشكرج اخت ندى الجوري على اللعبه والفكره الحلوه

والمثل اللي عندي هو :

أم ناصر للسان طويل والحيل قاصر... وينقال حق قليلة الحيله اللي مافيها الا لسانها وبس :D

قـــــ%ـــــطـــــ%ـــــريـــــ%ـــــوه

[بو شهد]

السلام عليكم ورحمة الله وبركاته

يسلمووووو أختي ندى على الموضوع ومنها يعرف كل واحد الأمثال القطرية والخليجية اللي قامت تنقرض مع الوقت.

( حلاة الثوب رقعته منه وفيه )

هذا المثل يضرب للي مثلاً يدور على زوجة من بعيد يعني مب من هله وبعدين ما يصير نصيب.

[زاجــ ZAJIL ــل]

هلا اختي قطريوه مشكوره على المرور والرد
هلا اخوي ولد فلان مشكور ع التواصل


(لين بغيت تضمها أسأل عن أمها) يعني اذا الواحد بغى يتزوج لازم يسأل عن ام البنت......وخصوصا ان البنت اغلبيه تصرفاتها تكون مثل أمها.....

[زاجــ ZAJIL ــل]

( اللي يبغي الدح مايقول أح)
يقولون هالمثل للشخص اللي يبغي شيء معين بس يتشكى من صعوبته..... :)

[بو شهد]

السلام عليكم ورحمة الله وبركاته

( من شاهدك يا بو الحصين قال ذنبي )

أبو الحصين هو الثعلب ويضرب هذا المثل للرجل المخادع الذي يشهد على كلامه شخص مثله

[زاجــ ZAJIL ــل]

ايقولك .. الشيفة شيفة والمعاني ضعيفة .

بعد ما يبي لها توضيح كاشفة عن راسها..

يعني تشوف المظهر الخارجي جميل ورائع ولكن عند اختبارة او معرفتة يطلع فاضي ومايستاهل المعرفة..؟

[زاجــ ZAJIL ــل]

يادهينه لاتنكتين :D

هالمثل ينقال مثلا للبنت اللي مدلعينها اهلها واايد ومب عارفيين شيسووون لها

[زاجــ ZAJIL ــل]

عليك بالجار ولو كان يار( يار = جائر)

يبين هالمثل حق الجار على الجار ولو كان جارك يتصف بالسوء او الظلم.... ان شاء الله قدرت اوصل المعنى عدل .... :D

[بو شهد]

السلام عليكم ورحمة الله وبركاته

( يا شين السرج على البقر )

يضرب هذا المثل للذي يفعل شيئاً ليس من عاداته وتقاليده يعني مثلاً إذا شخص لا يفهم في لعبة الكرة وقال إن الهدف يحتسب لو أدخل اللاعب الكرة بيده وليس برجله

[زاجــ ZAJIL ــل]

السلام عليكم ورحمة الله وبركاته

(يامن شرى له من حلاله عله))...

المثل معروووف ياما ناس شروا أشياء بفلوسهم

وكانت سبب في دمارهم...


وبعد هاي مثل ثاني (( ما تعينك إلا يمينك ))

تنقال على الشخص الذي يعتمد على نفسه ويقوم بشغله .. ولا يتكل على غيره


وبعد عندي واحد الحين بذهني (البحر له ناس لفيحه يعرفون الدوح من اليره مهب كل من تاح سريحه قال ذا خيط بايره ..) او بنفس المعنى ( شلك بالبحر واهواله ورزق الله على السيف)

يقال هالمثلين...الاول بان للبحر ناس متخصصين فيه....يعرفون وجهاته ويعرفون مراكز الخطوره,,,,, الثاني ان البحر له مخاطره وليش الواحد يغامر فيه ورزق الله موجود على السيف يعني بمعنى اقنع بالقليل احسن من الكثير اللي ممكن يسبب لك المخاطر
ان شاء الله قدرت وضح المعنى عدل

[زاجــ ZAJIL ــل]

محمر و عصيد و الغريب جديد

يضرب : عندما يصبح الشخص الغريب عزيزا ً و اقرب من القريب.

[زاجــ ZAJIL ــل]

ياداخل بين البصله وقشرتها ماينوبك الا ريحتها

يضرب هذا المثل / للشخص الملقوف اللي يتدخل بخصوصيات الآخرين ( مثل مصري)

[بو شهد]

السلام عليكم ورحمة الله وبركاته

( لا طاح الجمل كثرت سكاكينه )

يضرب هذا المثل للشخص القوي عندما يتعرض لمشكلة فينقض عليه الجميع.

[بو شهد]

السلام عليكم ورحمة الله وبركاته

( لو فيه خير ما عافه الطير )

يضرب هذا المثل في الشي الذي قد يظن أن فيه فائدة ويظهر العكس.