ايام أول... أيام أ نتشرت فيها الخرافة بشكل كبير..وهذا اللي محلنها
/
\
/
بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل .
...
بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.
...
الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلي ولا مشوي على الطريقة الافريقيه شو لاعت جبودكم ؟
...
هاي حق اهل البحر بس إذا بتاكل السمجة لازم تقطع راسها قبل ما تبتدي فيها.
...
تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.
...
الماي مب زين ينشرب حزة الغروب، لأنه يمرض.
...
يوم بتي ترقد لا تحط الماي عند راسك لأنه يخف نظر العين. حطوه تحت المخده
...
- كانوا يقولون رقاد العصر يقصر العمر.
...
النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه وتكفيخ .ويقولون حرام اتم الجهة السفلية من النعال مجابلة السما لان فيها الله...(انزين والوسخ المكود ع الارض...ما يجابل السما؟)
...
كانوا يدخنون بالشبه لأنه يطرد الحسد.
...
كانوا يقولون إذا رفت العين اليمين خير، وإذا رفت العين اليسار شر.
...
إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)).
...
إذا خشمك (الأنف) حكك يعني بتسلم على شخص ياي من بعيد.
...
إذا الأذن صاحت يعني حد يطريك يا بالخير أو بالشر.
...
أذا كان شخص طالع وناديته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.
...
الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.
...
الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .
...
الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه.
...
ونشالله عيبكم الموضوع ...
طبعا منقول
+ الرد على الموضوع
النتائج 1 إلى 8 من 8
الموضوع: ســوالف شيــــاب
-
14-01-06 04:29 AM #1
ســوالف شيــــاب
-
14-01-06 04:34 AM #2
مشاركة: |؛¤ّ,¸¸,ّ¤؛| سـ ـوالف شيـــ ـــــ ــــاب |؛¤ّ,¸¸,ّ¤؛|
يسلموووووووو زجووله على هالموضوع الحلو والله يعطيج الف عافيه
-
14-01-06 04:35 AM #3
مشاركة: |؛¤ّ,¸¸,ّ¤؛| سـ ـوالف شيـــ ـــــ ــــاب |؛¤ّ,¸¸,ّ¤؛|
الله يسلمج من كلشر وتسلمين على المرور والرد
نورتي
-
14-01-06 04:42 AM #4
مشاركة: |؛¤ّ,¸¸,ّ¤؛| سـ ـوالف شيـــ ـــــ ــــاب |؛¤ّ,¸¸,ّ¤؛|
الله يعافيك من كل شر وتسلم على المرور والرد
نورت
-
14-01-06 12:34 PM #5
مشاركة: ســوالف شيــــاب
اي والله للحين شكوس وامي للحيين ادخن بشبه اقول لها يعني احيين اخوي بيصحى اتقول لي لا هاي زين لوووووووووووول
اقول لها اقري عليها احسن لج ...
يعطيج العافية زجووول والله الموضوع عجيب سوالف شياب
-
14-01-06 05:46 PM #6
مشاركة: ســوالف شيــــاب
تسلمين ريال على المرور والرد
نورتي الموضوع غلاي
-
14-01-06 05:57 PM #7
مشاركة: ســوالف شيــــاب
يعطيج العافية زجوول على الموضوع
وعساج على القوة
-
14-01-06 06:29 PM #8
مشاركة: ســوالف شيــــاب
الله يعافيك
وتسلم على المرور والرد
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)