مو عيب إنك تروح للمسجد بملابس رياضة أو جلابيه بينما تروح للربع بثوب مكوي وطيب يشق الخشم
مو عيب إنك تتصل على ربعك كل يوم وبالساعات أو أكثر بينما عمك أوخالك أو عمتك أو خالتك لهم شهور ماسمعوا صوتك !!! .
مو عيب تدور بسيارتك بالساعات وماتخلي شارع ما حفظته وكل هالدوران غالبا لأسباب قليلة أدب بينما أهلك لو يبون مشوار ساعة وحدة قلت: الليموزينات وايد !!
مو عيب إن اللاعبين والمطربين يكرمون ويغرقون بالخيرات بينما المشايخ ربك يستر ياكثر ماينسجنون !!!
مو عيب او والله اعلم حرام إن الواحد يضبط ساعته على الدوام بينما صلاة الفجر مايدري متى وقت أذانها !!!
مو عيب إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بثمن بسيط ولو يهديه واحد شريط إسلامي سجل عليه ( أغنية تافهة)
مو عيب اذا جيتي تطلعين لعرس او لزيارة تتزين وتتعطرين واذا جلست عند زوجك تقعدين بما انتي فيه من رائحة البصل الزكية !!!
مو عيب ان الوحده تقعد على التلفون ساعه وتقعد في صلاتها دقيقه
مو عيب اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني
مو عيب إن الواحد يشوف ( قلة الأدب ) ولايقول عنها ( قلة أدب ) !!!
مو عيب انك تجد شخص يحترم الناس كلها الا امه او ابوه تلقاه يكلمهم بطرف خشمه
مو عيب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر
مو عيب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك
مو عيب لماتشوف واحد في الشارع وتستصغره ولا تسلم عليه
مو عيب اذا شفت صديقك في ورطه ولاتساعده
مو عيب اذا قدم لك صديقك خدمه وأنكرت فضله عليك .
مو عيب انك تحط سيارتك عند باب جارك ..وعندك مكان ..
مو عيب لما تجلس بمكان عام تتقهوى انت وعيالك..وتقومون وزبايلكم وراكم.. مع ان صندوق الزباله حولك...
مو عيب انك تكون مسئول عن عمل يتوقف اداؤه عليك..وتطنش وتتأخر ويتحمل الباقين مسئولية إهمالك
مو عيب انك تستغل فرصة لتطول لسانك على من يكبرك سنا مجرد انه اخطأ او اساء التصرف بدون قصد .
مو عيب لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ
مو عيب لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه
مو عيب انك متعلم وحاصل على شهاداة عاليه..وماتفقه شي في دينك
مو عيب أنه مانشوف القرآن إلا من الجمعه للجمعة على شان قراءة سورة الكهف .. مو عيب نسهرساعات على النت ولانصلي لو ركعة لله الا من رحم ربي .
مو عيب اننا نستهزئ باخطاء من حولنا وكأننا منزهين عن الخطأ .
موعيب اننا نريد ان نأخذ القدر الاكبر من الاحترام حتى لو كان على حساب افضل الناس .
مو عيب اننا نشاهد اخواننا في مضطهدين وناكل ونلمئ البطون ولا نلتفت لهم حتى بالدعاء
+ الرد على الموضوع
النتائج 1 إلى 13 من 13
الموضوع: عيب والله
-
04-09-05 06:44 PM #1
عيب والله
-
04-09-05 10:43 PM #2
مشاركة: عيب والله
صراحه عيب
قال الرسول صلى الله عليه وسلم : ( خذوا زينكم عند كل مسجد )
المفروض احسن كشخه حق المسيد
لكن شنقول
لكن صج في ناس فقاره ومايقدرون لكن مع ذلك يحاول بلي يقدر عليه
والف شكر اختي على الموضوع
وانتي ماشاء الله عليج كفيتي ووفيتي
يعطيج العافيه
تقبلي تحياتي
أخوج .. تكفيني الذكرى
-
04-09-05 10:54 PM #3
مشاركة: عيب والله
والف شكر اختي على الموضوع
وانتي ماشاء الله عليج كفيتي ووفيتي
يعطيج العافيه
العفو وتسلم على المرور والرد
ونورت
-
04-09-05 11:06 PM #4
مشاركة: عيب والله
يسلمووو على الموضوع الي تحمل كلماته كل الصراحه الي تصير في مجتعنا ونتمنى ان تختفي هذي الظواهر
والله يعطيك العافية 0
-
05-09-05 02:44 AM #5
مشاركة: عيب والله
بسم الله الرحمن الرحيم
اشكرج على الموضوع
واتمنى الكل يقراه ويفهمه
تقبلي مروري
-
05-09-05 02:41 PM #6
مشاركة: عيب والله
الله يعافيكم ويسلمكم
وتسلمون على الرد والمرور
وانتظروا جديدي
-
06-09-05 08:38 AM #7
مشاركة: عيب والله
بدون لا تقولي إنتظروااا جديدي ...
أكيد دايماً ندور على مواضيعك الأكثر من رااائعة ونقرآها .." رَبِّ ابْنِ لِي عِندَكَ بَيْتًا فِي الْجَنَّةِ"قال رسول الله صلى الله عليه وآله وسلم: ( الحمد لله الذي تواضع لعظمته كلُّ شيء، الحمد لله الذي استسلم لقدرته كلُّ شيء، الحمد لله الذي ذلَّ لعزَّته كلُّ شيء، الحمد لله الذي خضع لملكه كلُّ شيء)
من قال هذا الدعاء مرة واحدة، تكتب له 1000حسنة ويرفع به 1000 درجة، ويوكل الله له 70000 ملك يستغفرون له إلى يوم القيامة.
-
06-09-05 03:36 PM #8
مشاركة: عيب والله
مو عيب او والله اعلم حرام إن الواحد يضبط ساعته على الدوام بينما صلاة الفجر مايدري متى وقت أذانها !!!
لا حـول ولا قوة الا بالله
انا الحمد لله
اذا قمت للفجر اقوم واذا ما قمت الله المعيين
ربي يعطيج الصحه والعفايه
ومشكووره على الموضوووع
الأكثر من روعه
عصفورابـــن فــطيـــس مالكـ حـــل
-
10-09-05 02:14 PM #9
مشاركة: عيب والله
انتوا اروع والله
وتسلمون على الردود الحلوه اللي تفتح النفس والف شكر لكم على المرور والرد
-
10-09-05 10:45 PM #10
-
10-09-05 11:19 PM #11
مشاركة: عيب والله
زاجل لو تقعدين تقولين مو عيب لين سنه جدام ما بنخلص لكن المهم ان الواحد يتعظ منها والله الواحد صار يخاف من كل شي ويشك في كل شي حتى نفسه :(
شكرا على الموضوع
نهايــــــــــة لاعــــــــــــب شجـــــــــاع :55:
(راحت ايامك يا كابتن ...)
برطرط ـ ز
-
14-09-05 09:56 PM #12
مشاركة: عيب والله
اشكرج يا زوجله على الموضوع الجيد والى الامام دائماًً :61:
شنتروو&وو&وو:74:
-
15-09-05 02:17 PM #13
مشاركة: عيب والله
العفو للجميع
والف شكر للكل على المرور والرد
وانتظروا جديدي
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
000 والله أعلــــــــــــــم
بواسطة kareem rashad في المنتدى الــدوحـة الإيـمـانــيـةمشاركات: 4آخر مشاركة: 15-07-08, 09:50 PM -
][.•:*¨`*:•.والله لأجرحك و ما أداويك.•:*¨`*:•.][
بواسطة عـصـفـوـوـوـر في المنتدى دوحـة الشعــرمشاركات: 7آخر مشاركة: 02-10-05, 03:22 PM -
هلا والله الداهيه
بواسطة الغالية في المنتدى دوحــة الضـيـافـةمشاركات: 2آخر مشاركة: 10-08-05, 01:11 AM -
هلا والله هلااااا وغلااااااااااا
بواسطة الغالية في المنتدى دوحــة الضـيـافـةمشاركات: 7آخر مشاركة: 08-08-05, 09:33 PM -
لاأحد يقوم من مكانه..والله ماأحد يقوم..لا بس والله توني شارب قهوه في البيت قبل ماأطلع
بواسطة زاجــ ZAJIL ــل في المنتدى دوحــة الضـيـافـةمشاركات: 2آخر مشاركة: 24-11-04, 10:22 PM