السلام عليكم ورحمة الله وبركاته
من كثر الملل الي انا فيه حبيت اطرح هالموضوع .. ليش الملل تعرفون ليش حد يعرف ليش ملل شنو الملل ومن شنو الملل .
مع انه التطور الي احنه فيه (انترنت ، وسينمات ، واماكان ترفيهيه .. مجمعات حدايق ملاعب )...الخ وبعد كله نقول ملل قبل ماكان عندهم شي ومايقولون ملل ليش احنه متمللين تعتقدون نقص ايمان فينه وله الفراغ وله في سبب انا صراحه ماعرف ليش كله متملل ابي نقاش حول الموضوع ..
:37: :21:
+ الرد على الموضوع
النتائج 1 إلى 12 من 12
الموضوع: مللxملل
-
27-08-05 04:18 AM #1
مللxملل
-
27-08-05 07:21 AM #2
مشاركة: مللxملل
بسم الله الرحمن الرحيم
اول شي اشكرك اخوي مثير على الموضوع
انا اشوف ان الملل يجي اذا الواحد تعود على الروتين يعني
كل يوم تسوي نفس الاشياء ماتغير حاول تسوي لنفسك جدول وترفه عن نفسك
يعني لا تحكر نفسك بجدول بمعين كل يوم نفس الشي
هذي وجهه نظر شخصيه
ويعطيك العافيه
-
27-08-05 03:32 PM #3
-
27-08-05 05:07 PM #4
مشاركة: مللxملل
صدقننننننييييييييي انه الملل احنا بروحنا نجيبه حق نفسنا ولا كل شي متوفر يعني مثلا لما نشوف نفسنا ما عندنا شغله وهاي الغالب نجابل النت والتلفزيون يوميا شلون ما تبينه نتملل يعني نفس ما قال خطوب الروتين وكل واحد في يده
-
27-08-05 07:12 PM #5
-
27-08-05 09:21 PM #6
مشاركة: مللxملل
احس الواحد لازم يغير اهتمامته وهوايته من فترة لي فترة عشان ما يتملل ويجرب اي شي جديد ومفيد...اممم بعدين الواحد لازم يحسس هله انهم في حياته ويشغل نفسه بهم عشان ما يحس بهالفراغ ويهتم في كل واحد فيهم حتى لوهله ما علموه يقدر هو يتعلم هالشي ويعلمهم
تسلم اخوي مثير حاول تجرب هالشي وصدقني راح تحس بالتغيرالتعديل الأخير تم بواسطة ريـ مدريديةـال ; 27-08-05 الساعة 09:24 PM
-
27-08-05 09:27 PM #7
مشاركة: مللxملل
اي والله احنا الملل انيبه لعمرنا ما نشغل عمرنا باشياء نستفيد منها
نو نفس الروتين انسويه كل يوم
يعني احنا مملين
وتسلمون على الموضوع
-
28-08-05 03:50 AM #8
-
30-08-05 09:36 AM #9
مشاركة: مللxملل
المشاركة الأصلية كتبت بواسطة ريـ مدريديةـال
كلمج ميه فالميه ^_^
لا تعليق نفس ما قالت المدريديه نغير هواياتنا
:67: المدارس على الأبواب والتشقح والترهيب من ادوارنا يالشبابابـــن فــطيـــس مالكـ حـــل
-
02-09-05 01:59 AM #10
-
29-09-05 07:08 PM #11
مشاركة: مللxملل
والله شوف اخوي المثير انت قلت الأوليين ماعندهم شيئ مب متملليييييييين واليوم هندهم كل شيئ ومتمللييييييييييين انا باببين لك الفرق .
1- الأوليييين عيالهم كانو يلعبون مع بعضهم في الفريج خبرك الألعاب القديمة مثل الدحروج والخشيشة ولعبة بوسبيت والقلينة والكورة كانوا يسمونها التمبة يعني كلها لعبة جماعية والبنات يلعبون الصقلة والقيس (( اذا لقيت صور لمثل هذه الألعاب بانزلها انشاء الله )) واذا حد عنده لايبخل علينا )) المهم
تلقى العيال مستانسين وكلهم في فريج واحد ويسولفون مع بعضهم البعض واذا راحو البيت كانت هناك الجدة والجد والأب والأم والعم والعمة يعني هذه الأسرة يسمونها أهل علم الأجتماع (( الأسرة الممتدة )) فكان الولد يتلقى أدب وتعليم وتسلية من جميع أفراد الأسرة الممتدة .
اذا حبيت تقرى بعض قصص الأوليين عليك بكتاب القصص الشعبي في الخليج بتعرف بعدين ليش مايتمللون اليهال والشباب ولايدرون عن الملل خصوصا الشباب يروحون مع ابهاتهم المجالس ويسمعون سوالف الرجال والأمثال اللي لها معنى .
2- اما الحين الأسرة صارت على ماسموها أهل علم الأجتماع (( الأسرة النواة )) واللي تتكون من الأب والأم والأبناء . (( ممكن ننضيف الخدامة والدريول هههههههه مزحةهذه)) المهم
وين الوقت اللي بيلقاه الأب علشان يجلس مع الولد وين الأم الوقت اللي بتلقاه مع ولدها اذا كانت تعود من الشغل تهبانه ويالله ادرسهم طبعا البعض وين يتعلم الولد القصص التربوية وين بيلعب الولد الألعاب اختلفت صارت الكترونية واللعب فيها فردي اوزوجي مع الأخ اللي كل يوم اطل في ويهه لا واللعب داخل البيت يعني حبس بعدين وين دور المجلس للشباب الحين المجالس كلها اذا مب اغلبها اللي يجونها يدخنون وين الواحد يودي عياله قدامهم علشان يتعلم منهم ؟؟
وهذا بعض ما أعرفه عن سالفة الملل (( الملل هو حالة نفسية تنتاب الأنسان اذا لم يشغل نفسه بشيئ يعود عليه بالنفع )) وكما قيل ( النفس أن لم تشغلها بخير شغلت بشر )
طولت عليكم بس الموضوع حقيقة وايد يشتكون منه وحبيت اساهم فيه
وسلاميامقلب القلوب ثبت قلبي على دينك
-
29-09-05 08:04 PM #12
مشاركة: مللxملل
هذا موقع للألعاب الشعبية في دولة الإمارات العربية المتحد وفيه بعض الشروح
http://www.uaearab.com/al3absh3bia/krabee.htm
هذا موقع يبين العاب شبيع من السعودية
http://www.alriyadh.com/s/04-...kafa_15342.php
وهذا موقع بعد في الامارات فيه الغاز شعبية مسلية
http://www.fedauae.net/trathyat.htm
وهذا فيه العاب شعبية جماعية ماعرف من وين بس من الخليج
www.almajedy.com
بس خلاص كفيت ووفيت
سلاميامقلب القلوب ثبت قلبي على دينك
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)