خنقتيني00 من شعر وجد الكتابه

[الأصيلة]

وتاليهـا مـع قلبـك؟ انـا ناقـص وجـع وجـدان!!
دخيلـك فضـي السيـره... تعبـت انـزف معانـاتـي

تعالـي ننهـي الماضـي ... ويكفينـا نكـون اخـوان
ابطوي صفحة العاشـق... واعيـد احسـب حساباتـي

انا المذنب وانا المخطي وانا الاااااسف وانـا الغلطـان
ويا ليتك يا الزمن ترجـع ... واكفـر عـن خطيئاتـي

وانا الجاني وانا المجرم وانـا الغـادر وانـا الخـوان
وانـا اكبـر غبـي شافـك حديقـه فـي مساحـاتـي

ما عاد اقوى علـى الظلمـه ولا اقـدر علـى الكتمـان
احـس انـك خنقتينـي !! وجـت ساعـة نهايـاتـي

يا وجه الله يا وجه الله .... يا وجه الله بشر!! انسـان!!
على بالك حجر جامد ؟؟ ...... اجل وشهـي كتاباتـي؟

نسيتـي ساعـة اللقيـا ؟ نسيتـي لمـة الاحـضـان!
نسيتي وشكثـر كنتـي ... تموتـي فـي لقاءاتـي !


نسيتي دفتـر اشعـاري... نسيتـي اعـذب القيفـان !
نسيتي كـل قلـم يكتـب ... قصايـد مـن عذاباتـي !

نسيتي من رفع قدرك ... وخلـى لـك مكـان وشـان !
وعزيتـك وعليتـك .... علـى كــل الاميـراتـي !

نسيتـي ذلـك البرقـع؟ نسيتـي ذلــك الفسـتـان؟
نسيتـي ذلـك الخاتـم .... نسيتـي كـل هديـاتـي!!

نسيتي من عجف شعـرك... جدايـل كنهـا شرطـان !
وزينتـك وبخرتـك وقلـت امــرك يــا مـولاتـي

نسيتي من ربط خصرك... وهو عينـه علـى الرمـان
ومـدن صـدرك تنادينـي ... تبـي اعلـن فتوحاتـي

ولـولا خوفـي الخالـق ... حبيبـي ربـي الرحمـن
لكنـت بساعتـي هـذي اعـض اصـبـع حماقـاتـي

تغيرتـي ولاعدتـي ... مثـل اول زهــر عطـشـان
وحنانـي للأسـف كنـه ... بقايـا مــن خرافـاتـي

تكبرتـي وتجبرتـي ... وصـارت شوفتـك سلطـان
وانا اهبل على النيـه ... مـا غيـر ارسـل جواباتـي

اقـول بخاطـري يمكـن ... تغيـر عندهـا العنـوان
يا شيخ اسكت متى تفهم! صحيـح انـي وهـم ذاتـي

حسبتك مني وفينـي ... واهمـك لـو اجـي فرحـان
ولكـن شفتـك بعيـنـي ... تصـديـن ابتسامـاتـي

حسبتـك تفتحـي قلبـك ... اذا كـان الوجـد زعـلان
ولكن مـا كـذب خـدي ... وهـو يشهـد بكاءاتـي !

فراقـك اصبـح الغايـه ... ولانـي عالهجـر ندمـان
قـراري بالبعـد عنـك ... تـرى اسهـل قـراراتـي

وداع الـذل يـا ذلـي ... وداع الـمـوت والأكـفـان
عطيتـك قلبـي وروحـي ... ولا صنتـي امانـاتـي

وش الحيلـه اذا فكـر... قتيلـك يهـجـر الأوطــان
طلبتـك زيـدي الطعنـه ... ابـي اشعـر بنوبـاتـي

وعلى شانـي اذا باقـي ... بداخـل حضرتـك ايمـان
ابيها مـن ورى ظهـري .... وانـا اتلـو صلاواتـي

وخنجر طعنتك يصرخ ... ضحيـه مـن بنـي قحطـان
وانا اخـر حكـي عنـدي ... فمـان الله يـا طعناتـي

يا من تقدر تعوضني ... عن الضيقـه وعـن الاحـزان
بشـرط انـي انـا الكوكـب وهـي ابعـد مجـراتـي

يا من تقدر تخليني .... كبيـر اعظـم ملـوك الجـان
لجـل يصعـب تحضرنـي ... قبـل تطلـب قريناتـي

سجى مولخ شرو سادو ... وزنديـب الجـدي طوسـان
طلاسم وحدهـا تعـرف.... نسيمـي مـن عجاجاتـي

سمعتوا من قبل عنها ... سمعتـوا معشـر النسـوان؟
بعيـده للأسـف عنكـم ... مثـل قلـبـي ودقـاتـي

نبيله..ساميه..عليا.. فضيلـه ..سوسـن ... وأشجـان
اسامـي تحيـي الميـت ... ولكـن اهلهـا امـواتـي

يجوني في صور شتا .... ومعظمهـا صـور غربـان
وانا عذري مثـل ماهـو .... صديقاتـي ... صديقاتـي

خلاص بذمتي والله ... ما عـاد ارجـع الـى الادمـان
عرفت ان الغـدر انثـى ..... وانـا اجمـع علاماتـي

صفر طيبي.. صفر صدقي ... صفر حتى مع الاحسـان
صفر شعـري .... وأقلامـي ... وممحاتـي ومبراتـي

صفر ليلي... صفر ويلي .. صفر خافق نطـر سهـران
صفر دمعي ... صفر شمعي ... صفر بوحي ونبراتـي

صفر شوقي.. صفر عشقي ... صفر مغرم.. صفر ولهان
صفر وجدي .. صفر شهدي .. صفر نوحـي وزفراتـي

بعد كل العمـر هـذا ... عرفـت انـي انـا الكسـلان
حسافـه جتنـي متاخـر ... مـراحـل اكتشافـاتـي

لكـن مـا اقـول الا ... خـذوا خالـد بعـد قـربـان
حقيقـه مالهـا معنـى .... اسولـف عـن حكايـاتـي

فمـان الله ... فمـان الله ... فمـان الله انـا ذبــلان
وحسافـه تنوجـد عـذرا تشـوف احـرف معاناتـي

قصيـدي لا تواخذنـي ... مسيـري ابعـد الشيـطـان
يكفـي اذكـر اسـم الله ... وجنـب عـن تفاهـاتـي


------------------------

[الــشــامــخ]

الفجر البعيد

لقد نثرتي احرف في هذا المتصفح جعلتني اتوقف
ويتوقف قلمي عندها وظللت اتامل في حديقة
احرفكِ الرائعه التي تتناسق مع بعضها البعض
ويزيدها جملا ذاك الاحساس الرائع
انني اتشرف بوجودي بين هذا الابداع
سلمتتِ وسلمت يداكِ وسلم ذاك الاحساسك الرائع
لاحرمنا الله هذا التميز

ودمتي بهذا التميز .....

[الأصيلة]

يسلمووو اخوي لمرورك بالمشاركه والله يعطيك العافيه وسلمت يدك ويد كاتب القصيده وبارك الله فيك 0