حاول فضحها ............فبلاه الله

[زاجــ ZAJIL ــل]

حاول يفضحها ...فبلاه الله ...فكانت المفاجئه في النهايه
يقول اخونا راوي القصه انه كان في زياره لاحد اقاربه في المستشفى .... مر الوقت وجاء الدكتور كعادته يزور المرضى ... المهم

...قعدنا ناخذ ونعطي الين اعجبته السواليف وجلس...
سألته وش المواقف العجيبه الي مرت عليك..؟؟

قال قلي وش النوع الي تبيه حوادث..امراض نفسيه..قصص..؟ وش تبي؟؟

قلت اعجب ما مر عليك خلال عملك بالمستشفى..

قال الشي الي موب طبيعي ومر علي خلال 13 سنه عمل بالمستشفى هو:

انه مره احد المرضى شاب عمره 22 سنه جا يستشيرني بخصوص شي اعتقدت بالبدايه انه بسيط وعلاجه مره سهل..
هو انه حسب ما قالت لي الممرضه قبل ما يدخل انه فيه بقع خال بيده ويبي يستشيره بأي طريقه يشيله...

يوم دخل علي الشاب لاحظت انه لابس قفازات وسلم علي وهو لابسهن ويوم حاولت معه يمين شمال ابي اشوف يده وبقع الخال عيا وقال انت استشاري وبس

قال الدكتور لهالشاب انا ما اقدر اساعدك الا اذا شفت الحاله بعيني.. اقتنع الشاب بصعوبه

فصخ القفازات....قال الدكتور: شفت شي عجييييب

مكتوب ببقع الخال على يده اليمين بس اسم بنت...فلانه بنت فلان

يقول انا احسبه بالبدايه مكتوب بخط يد او وشم لكن يوم دققت فيه طلع فعلا دم جامد او مثل ما يسمونه بقع خال....

استغربت وسألت المريض كيف جاك هالشي هل هو من الولاده..(الدكتور يقول توقعت انه ولد غير شرعي او من هالقبيل واسم امه مكتوب على يده من يوم ولد)

لكن الشاب رفض يتكلم... ويوم حاول معه الدكتور وقاله استنتاجه انه يمكن هذا اسم امه وانه ولد غير شرعي واستفزه)

عصب الشاب وبكى وقعد يقول القصه للدكتور..

قال الشاب ودموعه تنهمر : عرفت فتاة بنفس عمري عن طريق الهاتف و صارت بينا مكالمات على مدى 8 شهور وثقت فيها البنت فيني وقالت لي اسمها كامل وتعرفنا على بعض زين...

ويوم من الأيام طلبت منها اننا نتقابل بأحد الأسواق والبنت رفضت رفض كلي وصرت اترجاها على مدى شهر مافيه فايده البنت اصرت انه ما تقابله طفح فيني الكيل وهددته اني افضح اسمه لو ما قابلتني فرفضت وقالت انه عذابه خير له من انه تقابله

وفعلت فعلتي ونشرت اسمها بين اصحابي وكتبت اسمها على احد الجدران فلانه بنت فلان...
بعدها بأسبوع او اسبوعين ظهرت البقع على يدي وما كانت بقع....خط عادي كأنه مكتوبه بخط اليد وانكتبت على يدي بالضبط نفس الخط اللي كتبته على احد الجدران...

وانا نادم على الي سويته وودي لو اتخلص من يدي بأي طريقه..

الدكتور: نعم انت غلطت أليس لديك اخوات تخاف ان يفعل بهن مثل ما فعلت انت ببنت فلان إلي مكتوب اسمه على يدك.؟
ولم يستطع الشاب نطق كلمه واخذ يجهش بالبكاء...

الدكتور يكلمني الآن: بعد كذا حولته على مختص الليزر والحروق (مدري نسيت اسم اختصاصه )

واتفقوا على موعد ويوم راح الأسم الي مكتوب على يد الشاب.. ارتاح نفسيا ونام في المستشفى على احد الأسرة بعد هالتعب النفسي

لكن يوم صحى بصباح ذاك اليوم رجع على يده الأسم مثل ما كان عليه قبل العمليه....

وحاولنا مره ثانيه وثالثه تبقى بعد العمليه مثل الحروق ومن بكرا ترجع مثل ما كانت بعد العمليه...!!

قلنا له انه مافيه علاج ثاني غير المراهم وانه راح تاخذ وقت طويل الين تختفي..(الدكتور:حنا عارفين انه مافيه فايده من المراهم لكن ما نبي الشاب يتعب نفسيا ويجيه شي).

وكل شهر يجي هالشاب يراجعني ويقول ما فاد المرهم وانا اقول له الصبر زين.. ونصحته بأحد المرات انه يكلم البنت اللي نشر اسمها ويروح يمسح الاسم اللي كتبه على الجدار...

فعلا راح مسح الاسم اللي على الجدار وكتب بداله سبحان الله وبحمده سبحان الله العظيم...

ويوم كلم البنت بعد جهد لأنها ما كانت تبي ترد عليه... وقال لها القصة .. والبنت لأنه ما وصل لأهلها قصة انها كانت تكلم فلان واسمها مكتوب على احد الجدران وانه هالشاب مسحه وكتب بداله تسبيح وتحميد الله..

نصحته انه يتوب ويروح لمكة ويدعي لها و لنفسه... ويمسح اسم البنت اللي على يده بموية زمزم خلال اسبوع او إلين يروح الأسم...

وفعلا الشاب سوى الي قالته البنت وقعد بمكه بعد كل صلاه يمسح الأسم على يده بموية زمزم وخلال 10 ايام يقول الشاب للدكتور انه سبحان الله.. والله الأسم انمسح بعد صلاة الفجر من يدي مثل ما ينمسح الحبر من اليد اذا جاه مويه...

والدكتور يكمل كلامه يقول ومن ذاك اليوم (قاطعته انا: متى هالسالفه؟)

قال: من 4 سنوات تقريبا..ومن ذاك اليوم وهو كل شهر يزورني مرة وقال لي إنه تزوج تلك الفتاة اللي حاول يفضحها بعد ما هداه الله وله منها ولد وبنت..وهو الآن يعمل بهيئة الأمر بالمعروف والنهي عن المنكر بالمنطقه اللتي يسكن به..

إن الله يهدي من يشاء

منقول

[بو شهد]

بارك الله فيكي أختنا العزيزة ( زاجل) على نقل هذه القصة .

بحق إن الذي يقع حفرة لأخيه يقع فيها والذي يتصور أنه يستطيع إذلال الآخرين فإن الله هو المعز وهو المذل.

هذا الشاب العابث خانه تفكيره وأوهمه أنه يستطيع بفعلته هذه أن يرضخ تلك الفتاة لمطالبه ونيته السيئة وتناسى أن الله يحفظ الناس وهو خير الحافظين.

هذه قصة من آلاف القصص التي تحدث يومياً، وقد جعلها الله عبرة لمن يعتبر وعظة لمن كان له قلب يعقل به، فليتق الشباب الله في أنفسهم وليحافظوا على أعراض الناس حتى يحفظ الله أعراضهم.

اللهم احفظنا في أهلينا يا ستار العيوب. :)

[راجيه رحمة ربها]

تسلمين اختي على هالنقل :) اللي ان شاء الله يكون عبره وعظه لكل من تسول له نفسه بالاستهتار في اعراض الناس :(

الله يستر علينا وعلى بناتنا وبنات امة محمد اجمعين :)

[Ahmed Al-Ali]

][بســــم الله الــرحمــن الرحـــيم][

سبحـــــان الله ...

قصـــة غـــريبــه ...

اشكــرج اختــي زاجل عالقصه الرائعه ....

:)

[زاجــ ZAJIL ــل]

تسلمون على الردود والمرور ويعطيكم العافيه

[نبراس الدوحه]

:16:

السلام عليكم
مشكوووره اختي زجول على القصه الحلوه ويعطيج الف الف عااافيه

[زاجــ ZAJIL ــل]

العفو وتسلمون على المرور والرد