هل يحق للأخ يتدخل في أخته إذا كان الأب موجود ؟؟!

[زاجــ ZAJIL ــل]

السلام عليكم ورحمة الله وبركاته

حبيت أعرض لكم هذا الموضوع .. ونقلته لكم للنقاش وكلنا من بنات وشباب نعيشه ..

(( هذا واحد من الشباب اطلعت أخته لعيد ميلاد صديقتها مع

مجموعه من صاحباتها .. عاد اشترط عليها قبل لا تطلع إنها

ترجع للبيت الساعه 9ونص .. لكن البنت عجبتها الجلسه ومع

السواليف ما ردت إلا الساعه 11 وهناك بالبيت استلمها

أخوها بالضرب والرفس المبرح .. تنومت بعدها من كثر ما ضربها

بالمستشفى ؟؟! .. ومع كذا ما ندم بالعكس قال

أحسن .. عشان تعرف إن بالبيت رجـّال لازم تخاف منه وتحترمه ..

وثاني شي أنا قاعد أحميها من نفسها .. لأن الوقت

هذا مافيه أمان والبنات فسدت أخلاقهن .. وصعب علينا نصلحهن

بدون شده وعنف ..؟!!))


هذي سالفه ثانيه

وحده من البنات تقول : أنا استأذن من أبوي أو أخوي إذا بغيت

أسوي شي وإذا رفضوا أسويه بالســر .؟! لأني ما

أبي أضيّع حياتي ومستقبلي في خرافات حطوها الرياييل

عشان يرضون غرورهم؟! .. وأنا مالي ذنب إني صرت

بنت .. وما دام إني ما أخطئ ما أبي أحد يفرض سيطرته

ويتحكم فيني ..؟؟! مع العلم إن أخوي يخطئ ويكلم بنات

بالتلفون وما أحد يعاقبه وأنا تقوم الدنيا وما تقعد لو أخطأت خطأ

بسيط تافه !!.. و أخوي يجلس على النت بالساعات

؟! وأنا ما أجلس أبداً عشان ما أخترب ولا أنحرف!! .. طيب شو

الفرق بيني وبينه ؟؟!! كلنا محاسبين أمام الله.بنفس الحساب؟!



المناقشــه :،،،،

1- وشو تعليقكم على ماسبق ؟

هل صحيح قول (( اكسر للبنت ضلع يطلع لها 24 ضلع )) ؟؟

2- هل صحيح إن الولد غير البنت في الخطأ ؟؟

3- هل صحيح إن لايحق للأخ يتدخل في أخته إذا كان الأب موجود

[زاجــ ZAJIL ــل]

ومشكوره زاجل
ادري انج تفكريني استعبط لكن ترى انا عطيتج مثال بس
وتسلمين عالموضوع

تسلم على المرور وعلى الرد وعلى المثال

والله يسلمك من كل شر

[تكفيني الذكرى]

يسلمووووووو خيتوو على الموضوع

مواضيعج كلها قمه والله


الف شكر


تحياتي

أخوج .. تكفيني الذكرى

[زاجــ ZAJIL ــل]

يسلمووووووو خيتوو على الموضوع
مواضيعج كلها قمه والله
الف شكر

يسلمك ربي من كل شر انتوا اروع والله

وتسلم على المرور والرد

[بو شهد]

السلام عليكم ورحمة الله وبركاته

يسلمو خيتو على الموضوع
طبعاً التصرف اللي سواه الأخ مب مقبول حتى لو البنت تأخرت ما يصير يضربها ويكسر عظامها في شي اسمه كلام وهواش ونصيحة مب على طول ضرب.
بس الحالة الثانية الصراحة يبين عليها البنت خربانة لأنها تقول ممكن أسوي بالسر فهذي ما تخاف ربها وإذا انخشت عن أهلها وين بتنخش من رب العالمين.
طبعاً الغلط هو الغلط والزنا هو الزنا بس الشباب يحللون على نفسهم المنكرات وما يرضونه على أهلهم ولكن كما تدين تدان ويا غافل لك الله.

[زاجــ ZAJIL ــل]

الف شكر لك ولد على المرور واحترم رايك بالموضوع ويعطيك الف عافيه على المرور والرد

[مثـــ؟ـــير]

السلام عليكم ورحمة الله وبركاته

يسلمو خيتو على الموضوع
طبعاً التصرف اللي سواه الأخ مب مقبول حتى لو البنت تأخرت ما يصير يضربها ويكسر عظامها في شي اسمه كلام وهواش ونصيحة مب على طول ضرب.
بس الحالة الثانية الصراحة يبين عليها البنت خربانة لأنها تقول ممكن أسوي بالسر فهذي ما تخاف ربها وإذا انخشت عن أهلها وين بتنخش من رب العالمين.
طبعاً الغلط هو الغلط والزنا هو الزنا بس الشباب يحللون على نفسهم المنكرات وما يرضونه على أهلهم ولكن كما تدين تدان ويا غافل لك الله.

ماقدر ازيد على ولد فلان الي ابي اقوله قاله

ومشكوره اختي على الموضوع

[زاجــ ZAJIL ــل]

العفو

وتسلم على المرور والرد

[زاجــ ZAJIL ــل]

وشو تعليقكم على ماسبق ؟ كل شيء اذا كان بأعتدال يكون افضل يعني الشده والعصبيه والضرب المبرح اللي يكون منصب على البنت ماله داعي لان هالشيء راح يضرها انا بالنسبه لي الكلمه هي تكون مؤثرة بالنفس اكثر من الضرب اللي ماله داعي ...
أما بالنسبة للحاله الثانية البنت اذا سوت شيء من غير علم اهلها راح تندم عليه في الاخير.. يعني تخش عليهم ...؟ ليش تخبي عنهم سلوكها وتصرفاتها ..؟ اكيد تسوي شي غلط وبنفس الوقت تبرر تصرفها انها ماتبي ابوها او اخوها انه يفرض سيطرته على اخته ..

هل صحيح قول (( اكسر للبنت ضلع يطلع لها 24 ضلع )) ؟؟ لا طبعا ... لان البنت مثل الرجل بس في المجتمعات العربيه نشوف هالتمييز الحاصل بين البنت والوالد انا مب مع تحرر البنت ولكن ارد واقول خير الامور الوسط بس جرت العادة بأن المجتمع يردد هالجمله ( الولد يشيل عيبه معاه ) يعني الولد نازل من السماء يعني ؟؟!!!!!!!!
2
- هل صحيح إن الولد غير البنت في الخطأ ؟؟
يس ... الولد مهما يسوي الكل يوقف معاه لكن البنت لو سوت شيء تقوم الدنيا على راسها !!
3- هل صحيح إن لايحق للأخ يتدخل في أخته إذا كان الأب موجود
اممممممممم لا له الحق مو هي اخته من حقه انه يتدخل ويسألها عن كل شيء ويراقبها من بعيد لبعيد يعني مايعذب اخته معاه بس يحسسها ان في ريال وراها ,,,اذا الاخ ماتدخل لو حتى بالشيء القليل وغار على اخته بالله عليكم عيل شفايدته ....اهم شيء الوسط بكل الأمور...

وشكرا لهذا الطرح ....

[زاجــ ZAJIL ــل]

العفو

وتسلمين على على هالرد والمرور ويعطيج الف الف عافيه

[أسيرة الشوق]

موضع حلو
اول شي انا اقول بوجود الاب الاخ يسكت ههههه لا مو يعني يسكت يسكت لكن تكون الكلمه الولى والاخيره للوالد
الشي الثاني المسكله انه في واجد من الريايل يحسون انهم لازم يثبتون الرجوله بلضراب ولا بالهواش عاد هاي كله على راس البنيه الحمد لله والشكر
هل صحيح قول (( اكسر للبنت ضلع يطلع لها 24 ضلع )) ؟؟
نو نو مب صحيح الضراب ما ينفع يمكن يأثر شوي شوي بس ما يصلح الخطأ
- هل صحيح إن الولد غير البنت في الخطأ ؟؟
لاااااااااا طبعا بس المعتاد والي نشوفه انه الولد له حريه حبيتين زود عن البنيه بس الزبده لا الولد مو غير البنت
- هل صحيح إن لايحق للأخ يتدخل في أخته إذا كان الأب موجود
لا مو لا يحق له انا اقولج ممكن يدخل بس الحبيب المفروض ما يحط الأوامر بمعنى آخر ما يكسر كلمة الوالد
اسيرة الشوق

[زاجــ ZAJIL ــل]

انتي احلى

وتسلمين على المرور والرد

[عذبني السهر]

1- وشو تعليقكم على ماسبق ؟
مو من حقه ايمد يده على اخته لانها تاخرت ..ومثل ما قالوا اللي قبلي التفاهم احسن حل لانه ايثر في البنت لاكن الطق نو نو...
وهاي الغبيه اللي اتسوي كل شي بالسر اشكره مسويه شي غلط لان ما في شي اسمه يفرضون سلطتهم هاي ايدافعون عنها وايخافون عليها ...

هل صحيح قول (( اكسر للبنت ضلع يطلع لها 24 ضلع )) ؟؟عاد هااااي اللي لا وبعطيكم مثاال وحده اعرفها قبل .. كانت اذا تبي شي امها اتقول لها او اخوها وخري لا اضربج اتقول عاادي الضرب تعدوت عليه بس سوو اللي ابي .. هاي اعتقد ايكفي انه ما ينفع ..

2- هل صحيح إن الولد غير البنت في الخطأ ؟؟ما في فرق بين البنت والولد كلهم محاسبين يوم الحساب ويوم كان القصاص ايام الرسول كان ايصير على البنت والولد ...

3- هل صحيح إن لايحق للأخ يتدخل في أخته إذا كان الأب موجود ااي من حقه الاخو ايتدخل اذا كان الاب (موجود بالاسم بس) لاكن اذا الاب موجود الصبي من نفسه ما يقدر ايفج حلجه يدام ابووه ..الا هالمراهقين يستقوون على خوااتهم الله ايهداهم ..
كل الشكر على المووووضووع

[الأمورة]

المناقشــه :،،،،

1- وشو تعليقكم على ماسبق ؟
القصة الأولى أنا مع الشاب بس في إنه يضربها لأ مو معاه أخوها ومن حقه يوجها وبفهمها إنه هالشي من صالحها والسهر في بيوت الناس ماهوااا زين لللبنت خاصه إنها لوحدها ما معاها أحد من أهلها ... بس كان لازم هالشي يكون بدون ضرب . ( الضرب للحيوان )
أما القصة الثانيه فأنا من رائي إن البنت هذي أحكم عليها حكمين :
* إذا أهلها كانوا طبعاً يمنعوها عن أشياء كلنا نعرفها إنها غلط وهي تتمادى ..
إلي تسوي شي بالخش هي حيوانه وياليت أهلها يصيدونها
( ترى حبل الكذب قصير وإن طال ) ويكسرون ضلوعها .
* إذا أهلها كانوا من النوع المتشدد جداً ويمنعونها لأتفه الأشياء والأخ يتحكم لمجرد التحكم ...
بعد لازم تكون البنت تراعي هالشي وتحاول تلجاء للأم مو بالغش تنخش من من وبرد أقول حبل الكذب قصر.

هل صحيح قول (( اكسر للبنت ضلع يطلع لها 24 ضلع )) ؟؟
إكسر للبنت ضلع يطلع لها 24 ضلع
فهناك أيضا من تعبيرات وأمثال الشام
"المرأة مثل السجاد ما بتنضف إلا بالخبط"
و "المرأة مثل الزيتون ما بتحلى إلا بالرص" (أى بالضرب)
و "المرأة كل ما بهدلتها حبتك وكل ما دللتها سبتك"
و "المرأة فشه خلق"، (أى متنفس للكبت)
و "اضرب المرأة بدون سبب هى بتعرف ليش".. الخ.
بالله عليكم ليش كل هالأمثال ... لهدرجة الأنثى رايحه فيها الكل يبي يضرب ويكسر
الله يكون في عونا إحنى الجنس اللطيف ... الله يسامحكم يالجنس الدفش والخشن ...
كله هاي حره منا ومن رقتنا تبون تكسرون ضلوعنا .
بس هم لي رأي ثاني ترى نحنا السبب يعني البنيه أخوها يهاوشها ويهددها وهم تتأخر ولا تسوي إلي براسها بالغش .. من جي هم ببهدلونا وبتطلع عنا هالأمثال ...



2- هل صحيح إن الولد غير البنت في الخطأ ؟؟

طبعاً صحيح ونص بعد ... بس في الدنيا ... أما أمام الله فالكل سواء.

3- هل صحيح إن لايحق للأخ يتدخل في أخته إذا كان الأب موجود

أشوف إنه الأخ أصلح من الأب ويقدر يوجه إخته أحسن من أبوه لأنه هو شاب وتدرون زمنا مو زمن أبائنا يعني أخوي بيقدر يفهمني ويفهم متطلبات الحياه والعصر إلي نحنا فيه أكثر من الوالد...

كلمه أخيره لأني أدري طولتها ومصختها ........
رب العالمين قال ( إن كيدهن عظيم ) بنات إلى أخوها مصدق عمره رجال ومستانس ويبي يتحكم ترى إنتي أقوى منه وعندك كيد عظيم بس أحسني التصرف في كيدك وأكيد في النهايه بتستانسي وتحكمه بيطلع على الفاضي ...
بعلمكم ... يعني من بدال ما تشوفين أمك بالصاله وهو راز الويه تستأذنين منها بشغله لا ترى إن وافقت هو على طول بعارض ... لا تستأذنين .. شوفي إذا معزمه على الشي وتبينه إنطري أمك في المطبخ ولا بروحها وكلميها طبعاً الأم مثل العسل إلي يونسنا يونسها لين وافقت .. لا تستانسين واجد ألحين جا وقت الكيد العظيم ... سوي نفسك وبراءتك على الوجنتين تطلع وكل الحياه مبين عليج وتروحين حق أخوج وتقولين له بعد إذنك أنا أبي ...... هو بس ألحين شرط بيوافق بس طبعاً بقول لج كم نصيحة مو مشكله تحمليهم بس أهم شي إنه وافق ....
ألحين هو مستانس وإنتي بعد سويتي إلي براسك لا وغلاتك بتزيد عنده وبيصير دايما معاج ضد أبوج إذا الوالد معارض بتحصلين اخوج يقول يبه خليها معليه إلخ ....

إنشاء الله كل البنات إلي إخوانهم ملعوزينهم هالوصفة بتريحهم .......

باااااااااااااااااااااااااااااي وسوري طولت .


أوه نسيت ...

زاااااجل تسلمين على الموضوع.

[زاجــ ZAJIL ــل]

الله يسلمكم من كل شر يارب

تسلمون على الردود الحلوه والمرور الاحلى


وانتظروا جديدي