في خاطري كلمتين

[مخاوية الحزن]

من عز نومي صحيت وشفت في عيني
دمع تهادى على جفني وانا غافي

سترت دمعي بكمي قبل يغزيني
واخذت هذا الجسد من باقي لحافي

وسريت تايه ورى خطوات رجليني
لا الوجه وجهي ولا اوصافي في اوصافي

امشي واقول لطريقي لاتوديني
لعيون ناس تبي تدري عن الخافي

امانتك..خلها مابينك وبيني
خابرك يالدرب خوة عمر وسنافي

ماودي الناس تدري وش يبكيني
كرامه النفس ورث ابوي واسلافي

امشي واحس الخناجر في شراييني
والبرد يمشي وراي وينهش اطرافي

وحيد والليل بردونه يغطيني
تقول كن البلد روح بها السافي

إلين ماوحيت لي صوت يناديني
صوت اعرفه مثل مااجهل وش خلافي

قمت اتلفت وانادي لاتخليني
ماغيره..الصوت هذا صوته الدافي

ولمحت زوله من اقصى الدرب لافيني
مدري وش اقول لكن حي ها اللافي

تعال شف غيبتك كيف اثرت فيني
تعال خذني ورحبي من عناويني

تعبت اعدي على جمرك وانا حافي
تعال واقطف بصوتك زهره سنيني

كل المواعيد عقبك شمعها طافي
تعال وازرع خصل شعرك بكفيني

بضمها لين احس بليلك الظافي
تعال وشفيك خايف؟انت ناسيني؟

قطعت صوتي عليك وطال ميقافي
حتى بديت اشعر ان الحب معميني

وان انت حلم عثى فيني وانا غافي
لكن امانه ترى اللي فيني كافيني

ان رحت منك كذا مارحت متعافي
بصدق الحلم واحذر لاتصحيني

في خاطري كلمتين ان قلتها كافي
امانه الله عليك ان غبت عن عيني

لايكون قلبك مثل قلب الزمن جافي
مع كل دمعه تذكر رعشة يديني

ومع كل ضحكة تذكر قلبي الوافي

وسلامتكم

منقول

[اماراتي عسل]

:61: صح لسانك اخووووووووي :61:

[مخاوية الحزن]

صح بدنك

بس أنا مخاويه مب مخاوي

حياك اللهـ