يا وجودي كل ما هب نسناس الشمال******وجد من حده زمانه على اللي مايبيه
وياوجودي كل ما أضحيت ثم مال الظلال*****لا غفت عيني ولا ذقت شيِِ ٍ مشتهيه
وجد من قفا وهو في رجا كلمة تعال ******والتفت من عقب ما اقفى ولأحدٍ لدّ فيه
ويا عذابي لا دنا الليل من روس الجبال ******وانتهى يوم ٍ من العمر ما عاد أرتجيه
وانتي أبعد من سما الحلم ووصالك محال******يا بعد من هلّ دمعي ضحى الفرقا عليه
ياغناتي لا تحسبين دمعي يوم سال*****ضعف.. والاّ خوف.. والاّ كذا والاّ كذيه
والله إني من رجال ٍ يضدّون الرجال*****لكن الحظ ّ الردي ..ساق دمعي كل أبيه
والله إني كلما دار حوليك الجدال*****قمت كنّ الموت يشّر على قبرى بديه
ووالله ان قد لي وانا اصّد لا جالك مجال*****صدّة اللي لا تضايق تذكّر قبر أخيه
ومن سألني قلت مدري..وإذا عاد السؤال*****قلت له تكفى سؤالك ترى ماهو وجيه
وش تبيني اقول عن من ترى ذبحي حلال *****والخطا منها عليّ..صرت أحبه وأهتويه
عذرها لو ماْ تْعذّر مثل واضرب مثال *****واحد ٍ ما يعرف الحرّ الاشقر يشتويه
وان رجعنا للتواصيف لله الكمال *****لأنتهى ليل المزايين جاتك تبتديه
كنّها غفل ٍ مع البدو طاويها الحيال ******ما يميّز وصفها إلا نبيه ٍ من نبيه
واهني اللي وصلها وذاق من الزلال *****رشفةٍ مع غفلة الناس من فيها بفيه
وعزتي للي سواتي .. عشق مالا يطال *****ويوم طاله ضيع الحلم بين امه وابيه
ياْ اول أحلام الطفوله على حد ّ الخيال *****الرجى باللي حمى البيت من حملة بريه
حال دونك سيف عنتر وتاسع حول حال*****باْثر حول ٍ حال دونك وانا ادعى هيه هيه
ياللي غرّك الحسن واطغاك الجمال*****والله أن اموت ما شفت لأوصافك شبيه
لو يسام الحسن والتيه بجنيه وريال *****ما بقى في سوق غيرك ريال ولا جنيه
كيف أهدّك للمقادير وانتي راس مال *****راس مال ومال..والمال ماْ يعطي السفيه
حافظك حفظي لعيني ورمشي لك جلال*****وانتي تْشحّين بالما..وانا شفّي مويه
شايف ٍ ظلمك وساكت وطال الليل طال*****لا تركتي طعن قلبي وانا ما قلت ليه
لو بقى للهيل صبر ٍ على فوح الدلال*****ما بقى للقلب صبرٍ على شي ٍ يجيه
كنت احسب ان الغلا زال واثره لا يزال *****في الحشى ماكنه الا دخيلٍ فالوجيه
ساقني حبك على الموت وسنيني هزال*****والظروف اقسى من الظلم للعرض النزيه
وانتي تْسوقين عقلي على حدّ الهبال ******تحسبين ان من بغى شي ..يقدر يشتريه
والاّ انا يا وجد حالي وجود ٍ ما يقال*****وجد من ضحّى بغاليه لْرضا والديه
ويا وجودي أول العمر قبل ألبس عقال*****وجد من باع آخر العمر ..في رغبة ذويه
ويا وجودي كل ما هبّ صوتك من شمال *****وجد من حدّه زمانه على اللي ما يبيه
شنــــــو احلى بيت في القصيده
وارجو الرد
+ الرد على الموضوع
النتائج 1 إلى 1 من 1
الموضوع: ياوجودي كل ماهب نسناس الشمال
-
21-11-04 04:43 PM #1
ياوجودي كل ماهب نسناس الشمال
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
السلام عليكم
بواسطة نرجس في المنتدى دوحــة الضـيـافـةمشاركات: 1آخر مشاركة: 26-11-10, 04:34 PM -
السلام
بواسطة غامض غموض الليل في المنتدى دوحــة الضـيـافـةمشاركات: 7آخر مشاركة: 18-04-06, 04:55 AM -
السلام عليكم
بواسطة دلـggع قـطـر في المنتدى دوحــة الضـيـافـةمشاركات: 6آخر مشاركة: 19-03-06, 10:00 AM -
بروناي دار السلام
بواسطة همس الليل في المنتدى دوحـة السـفـر والسيـاحـةمشاركات: 10آخر مشاركة: 07-01-06, 03:50 AM