بس في الخليج.. لا يفوتك!!

**بوجاسم** · 16-10-04 03:59 AM

السلام عليكم

انا خليجي وانتو خليجيين....
والموضوع خليجي.....

بس في الخليج ...نطلب دبل تشيز برغر وبطاط حجم سوبر و بيبسي دايت !
بس في الخليج ...الناس تروح المطاعم والمجمعات عشان الخز والحش اخر الليل
بس في الخليج...المطار فيه المستقبلين اكثر من المسافرين

بس في الخليج...الهنود والوافدين اكثر من الشعب
بس في الخليج ..لازم مدرس خصوصي
بس في الخليج...الشوارع زحمه ليل نهار لأن الناس فاضيه وماعندها شغل

بس في الخليج...اللي ما عنده شاليه يصير دون المستوى
بس في الخليج...اذا صار حادث على سايد اللي رايح ..السايد اللي راد يوقف يتطمش
بس في الخليج...اللي ما تحط ميك اب معقده وما تعرف الموضه

بس في الخليج...المواقف مليااانه والمجمع زحمه والمحلات هدوووء مافيها احد
بس في الخليج ...اللي عنده فلوس اصيل واللي ما عنده ماله أصل
بس في الخليج ...في ستار بكس في كل زاويه

بس في الخليج ...ينادون الواحد بسم سيارته
بس في الخليج...السايق عنده موبايل
بس في الخليج ...اللي يدخل الجيش بشهاده متوسط راتبه اقوى من راتب الجامعي اللي يشتغل في وزارة

بس في الخليج...التاكسيات والباصات مافيها خليجيين
بس في الخليج...كل بيت فيه خدامه ومربية وسواق وطباخ وزراع
بس في الخليج ...اللي تبي تتزوج تروح عرس او درس ديني

بس في الخليج...السيارة الغالية او الكبيرة يطوفونها والقوطي ماله رب .. يشرشحونه
بس في الخليج...لي سافرت ديرة فيها خليجيين يقعدون يخزون بعض عشان لي ردوا يقولون بنت فلان سوت وولد فلان سوا
بس في الخليج ...يسوون استقبال للي تولد في المستشفى

بس في الخليج ...البزران تحت 10 سنيين يطلعون بروحهم مع السواق يمرون ربعهم ويقزون الديرة قز
بس في الخليج...اذا رحت السوق لازم تشوف احد تعرفه واذا شفته تخزه وتشوف وش لابس عشان الحش تالي الليل
بس في الخليج ...مجمعات كثيييرة جنب بعض وفيها نفس المحلات والمطاعم

بس في الخليج ...سيارة احلى من الثانية
بس في الخليج...قبل لايروحون مطعم كشخة يمرون مطعم وجبات سريعه ياكلون بالسيارة عشان يفضون حق الخز والترزز في المطعم الكشخة

بس في الخليج ...خطوط تليفون اكثر من الناس
بس في الخليج...لازم شاليه ومزرعه ومخيم وبالصيف لازم سفر
بس في الخليج...الناس مو عاجبها شي

منقول

**بو شهد** · 16-10-04 05:03 AM

السلام عليكم ورحمة الله وبركاته
يسلموووووو اخوي على المشاركة
صدقت والله بس ها الشغلات موجودة في الخليج
أكيد عايشين بطرانين
والجيوب متروسة
والعقول فاضية
والله يعلم بالحال
يعطيك العافية وعساك على القوة دووووووم

**ولد العلمية** · 16-10-04 01:23 PM

مشكووور اخوس على هاي الموضوع الحلوو

بس في اشياء ماذكرتها

**بوجاسم** · 16-10-04 06:25 PM

السلام عليكم

يسلمووووووووو لمروركم بالموضوع

**الأصيلة** · 16-10-04 10:50 PM

يسلموووووو اخوي على الموضوع والله يعطيك العافيه 0

الموضوع: بس في الخليج.. لا يفوتك!!

أدوات الموضوع