قصة صارت في بوظبي لا تفوتكم

**زاجــ ZAJIL ــل** · 31-03-05 06:52 PM

اثنين شباب ..من ست ايام بالضبط...شلوا عشاهم و ذهبوا يتعشون في شاطئ الراحه في ابوظبي...

اتت اليهم حرمه عيوز و جلست تلقط من الاكل المتنثر...قالولها يا جده انت جائعه...
قالت هيه انا من الصبح هنيه و ما كليت شي...

قالولها انزين شو جايبك هني؟قالت ولدي نزلني و بيرد ياخذني

المهم شلوا اغراضهم..و حسوا الشباب ان الوقت متأخر و ما يسير يخلون الحرمه العجوز لوحدها في الليل

قالولها..انزين عندك رقم ولدك؟نحن بنتصل له..قالت ايه..و طلعت ورقه صغيره من مخباها...يوم طالعوا
شو مكتوب "من يجد هذه المرأه يأخذها لبيت العجزه"

انصعقوا الشباب من اللي مكتوب...و جلسوا ساعه يترجونها انها تروح معاهم....

لكنها ما رضت ... و قالت لا انا بنتظر ولدي..هو بيجي ياخذني....قعدوا وياها ساعه يترجونها لكنها
كانت مصره ان ولدها بيجي ياخذها"مسكينه ما تدري بحقارة ولدها"

المهم....روحوا عنها الشباب....

واحد منهم ما رضي يرقد....يتقلب و يفكر فيها.....

لين ا اصبحت الساعه 2 في الليل...قام من على السرير و لبس ثيابه بسرعه...

و راح للشاطئ ..شاف اسعاف و شرطه...هجم بينهم و سألهم عن الحرمه...

قالوله توفت...ارتفع عندها الضغط و ماتت...

ارتفع عندها الضغط على حسرتها على ولدها...تعتقد انه صار له حادث او مكروه...

الله يرحمها برحمته...مسكينه...

كتبت ها الموضوع بس عشان يشوفه ولدها على الانترنت...و انا حاسه ان بيشوفه...

ارجوكم ساعدوني و انشروا ها الموضوع...

بس كلمه ابغي اقولك اياها....انت ما تخاف من ربك؟

شو عندك اهم من امك اللي ماتت من خوفها عليك...؟

و انت فارنها مثل الكلبه؟

تعرف اختي شو قالت يوم سمعت السالفه؟

قالت ليش ما يابها عندنا؟ نحن نباها بنحاظيها و بنرعاها..

هاي الغريبه جيه تقول..و انت الابن شوف شو تسوي....

الله بيراويك...الله فوق و يشوف كل شي...

وشكرا

((( منــــقـــول )))

**وجـ المرايا ـه** · 31-03-05 07:16 PM

لاحول ولاقوه الا بالله
الصراحــه مادري شاقول
هذي امك اشلون تتخلى عنها وسبحان الله جوف قلب الام ماتت عشان ولدها عبالها ان سوى حادث
ماقول اللى الله يسامحك وربك فوق وبيجي اليوم وراح يصيدك نفس الموقف
.. .. .. ..
يعطيج العافيه زجووول على نقل هالقصه

**نرجس** · 31-03-05 07:23 PM

القصة وايد حزينة وانا قريتها في غير منتدى

**زاجــ ZAJIL ــل** · 01-04-05 12:11 AM

تسلمون على المرور والردود ويعطيكم العافيه

**SupraGirl** · 01-04-05 01:26 PM

لاحول الله ولا قوة الا بالله
هذا اكيد مش ادمي ....,,, سمحولي على هذي الكلمه
وين بيروح من عقاب ربه يوم القيامه .. ياويله من ربه
حرام عليه عجوز في هذا السن ياخذها ويقلها بحر والله في ذمته هذي الام الي تعبت وشلته في بطنها 9 شهور وتعبت على شانه ..
هذي جزاتهااا
تسلمين حبوبه

على هذه القصه المحزنه والواحد بدون ام ما يسوى شي

اختج
Supra GIRL

**زاجــ ZAJIL ــل** · 01-04-05 04:21 PM

الله يسلمكم وتسلمون على المرور والردود ويعيطكم العافيه

**حــ بوظبي ــر** · 27-03-06 07:23 PM

مشكوره على هالموضوع اختي زجوله
والله يرحمها ويصلح ولدها انشاء الله

:86:

**بو شهد** · 27-03-06 07:53 PM

حسبي الله ونعم الوكيل على ها الولد العاق

**زاجــ ZAJIL ــل** · 28-03-06 04:02 PM

تسلمون على المرور والرد

ونورتوا صفحتي

**ريـ مدريديةـال** · 28-03-06 09:00 PM

اي والله شلون جييه قلبه قاسي وهانت عليه امه اطيب قلب يحن على الولد في هالدنيا

**زاجــ ZAJIL ــل** · 05-04-06 05:47 PM

اي والله

تسلمين ريال على المرور والرد

نورتي

الموضوع: قصة صارت في بوظبي لا تفوتكم

أدوات الموضوع