قولـــنا عيــبــك لا تستــــحي....!! مــحد كــامل..!!

[KaSh5a-GiRL]

بسم الله الرحمن الرحيم

السلام عليكم ورحمة الله وبركاته...

اخواني اعضاء المنتدى.. الي ابي اتكلم عنه هو عيوب الناس....كل انسان عيبه يختلف عن الثاني...في بعض الناس يعرفون عيوبهم (في الطباع) ويقولون ما نقدر نغير هالطبع حنا كذا!!:55: ......تعتقدون ان فعلا "بو طبيع ما يجوز عن طبعه"؟؟:06:...هل انت مع او ضد هالمثل؟.....وياليت اذا كنت ضد تقول لنا طبعك الشين وكيف قدرت انك تعدل هالطبع؟!...والي ما قدر يغير طبعه..يقولنا ليش؟ ياليت كل واحد يعلمنا بطباعه الي متحكمه فيه ويحاول انه يغيرها.....اتمنى فهموتوني! ....


ويعطيكم العافيه....:59:

[ماسح الدمعة]

يسلموو ع الموضوع الحلو
الصفة الشينة الي فيني
هي
النذالة
انا الصراحة ما قدرت اغيرها واصلا ما ابي اغيرها لانها صفة تعجبني بس ما تعجب الناس

[زاجــ ZAJIL ــل]

[align=center]امممممممممممممم من الصفات الشينه واللي ماقدر اغيرها :

أغلى ما عندي كرامتي ونفسي وماذل نفسي حتى لو بيذبحوني وهالصفه اللي فيني تخلي اللي حوالي يقولون عني متكبره او مغروره.. ا
ماتنازل عن كلمتي... كلمتي وحده ماتغير...
عنيده... اللي براسي لازم يصير محد يقدر يمنعني عنه...
اصدق اللي جدامي على طول...
مزاجيه ....
اذا سويت شيء معين وجاني من اشخاص معينين مثلا انتقاد منهم ... بسمع انتقادهم بس مب شرط اني اهتم بكلامهم.... انا وحده مايهمني رايي احد اذا شيء مب مقتنعه فيه والله محد يقدر يجبرني عليه...

وبسسسسسسسسسس عاد موووبي اقول الباقي !!!!![/align]

[حبوووووبه]

[align=center]انا الصفة اللي ماحبها في شخصيتي اني طيبه وعلى نياتي واصدق على طول اي كلمه وهذا شي غلط واحاول اللحين اني مااتسرع واصدق اللي ينقال بسرعه يعني اخذ وقتي وافكر عدل والحمدلله قدرت شوي اغير من هالطبع
لانه هالصفه خلت وااااااااااااااااااااااااااااايد ناس يستغلون طيبتي الزايده وحسن ضني وقامو يكذبون علي المشكله كنت اعرف انهم يمثلون ويكذبون علي بس اسكت عنهم
اللحين اي حد يكذب علي او يحاول يستغل طيبة قلبي اتركه على طول وبدون تفكير وبالفعل تركت ناس كانو عندي يسون الدنيا لاني كنت كاشفتهم وكانو يكذبون علي وانا ادري بس من غلاهم ماكنت اقدر اواجهم وحتى لو واجهتهم ابين لهم اني صدقت تبريراتهم وهذا خلاني دايما افكر وحزينه على نفسي وعلى الناس اللي ماقدرو حبي لهم عشان جذي صار لي فترة احكم عقلي قبل قلبي واستشير ربي ثم عقلي وقلبي والحمدلله توفقت من الله [/align]