صنع أديا وحياة عينيا ( السينبوون )

[همس الليل]

لأول مرة في تاريخ منتدانا العزيز احط موضوع من صنع ايدي

( السينبوون ) وادري ان الكل يحبه

المقادير :
3 أكواب طحين , 3 ملاعق كبيرة حليب بودرة , 3 ملاعق كبيرة سكر , ا ملعقة كبيرة خميرة , 1 ملعقة صغيرة بيكيج باودر , علبة روب , ثلاث ارباع الكوب ماء دافئ , ربع كوب زيت .

مقادير الحشوة : 2 ملعقة طعام قرفه مطحونه , 2 ملعقة طعام سكر مطحون , 2 ملعقة طعام كاكاو بودرة , نخلطهم مع بعض .

مقادير الصوص : نصف علبة حليب مركز , 4 حبات جبن كيري , ( اختياري : نصف باكيت دريم ويب , نصف باكيت كريم كراميل البودرة )

الطريقة :

نخلط المقادير الجافه للعجينه ثم نضيف المقادير السائلة بالتدريج ونعجين حتى نحصل على عجينه لينه ملساء ونتركها تتخمر لمدة ساعه .

ناخذ جزء من العجينه ونفردها بالنشابه



ثم ندهن سطح العجينه بالزيت بواسطة فرشاة



نرش سطح العجينة بخلطة القرفة مع السكر



نلف العجينه من الطرف الي النهاية على شكل رول



نقص العجبنة بالخيط عشان مايخترب الشكل



نرص القطع في صينه ولازم يكون في فراغات بين القطع عشان مايتلزقون



ندخلهم الفرن لين تتحمر العجينه من تحت وعقب انشغل الفرن من فوق ونحمر شوي مب وايد , واول مانطلعهم من الفرن نصب عليهم الصوص



وعقب ممكن اتزينين القطع بالمكسرات مثل الجوز أو انحطين عليه اخطوط من الشوكولاتة النوتيلا مثلي



وبس بالعااافيه

والسموحة على رداءة التصوير لأن من الجوال وغير اني كنت مستعجلة

انطر ردودكم وتعليقاتكم

[بو شهد]

يسلمووووووووووو هموس تسلم يدينج على السنيون أنا أحبه وايد وشهود تحبه بعد :)

المرة الياية نبي تندوري سمج

<<< همه على بطنه خخخخخخخخخخخ

[بنت الفريج]

ماشاااءالله شكله مضبوووط
تسلم يدج حبييبتي ومحظوظيين اللي ذاقوه
خخخخ عليكم بالعافيه :d

[همس الليل]

اوووكي يابوشهد ولا يهمك التندوري في الطريج خخخخخخخخ بس انت ييب السمج

بنتووووه تسلمين حبيبتي على الرد والصراحه نورتي الموضوع

اشرااايج تجتمعون عندي واسوي لكم كل الي في خاطركم , اتفقي مع البنات

[عبادي للأبد]

ماشاء الله وفيها العافيه إن شاء الله

[الغالية]

[align=center]واااااوووو تسلم ايدج همووووس شكله لذيذ بس ننطر السمج هاهاها[/align]