متى تصبح (سيلين) مكاناً محرماً؟!

[بو شهد]

للتو جئت من صلاة جنازة لشاب من معارفنا لم يبلغ 20 عاماً وقد توفي في حادث انقلاب سيارته في منطقة الطعوس بسيلين.
كان أبوه يبكي في المسجد وكذلك أعمامه وجده الذي شهد كذلك منذ فترة وفاة أحد أبنائه بمرض.
وهكذا يستمر مسلسل الوفيات بشكل شبه يومي، ومن المستفيد في رأيكم؟ هل استفاد شيء هذا الميت الذي قضى على حياته وجعل أمه تبكي الدم عليه.
لقد تعبت الأم في حمله وعانت ما عانت في حمله ثم رضاعته وتربيته، وكانت تنتظر اليوم الذي تراه فيه عروساً ولكنها الآن تتلقى فيه العزاء.
يا ترى هل ستتخذ الحكومة اي إجراء لتنقذ به هؤلاء الشباب من الموت؟

[سلوم المسلماني]

اخووي اول شي تسلم على الموضوع والله يرحمهم .. سيلين مكان اوكي بس في ناس مخهم في ركبهم .. يسوون حركات غريبه فوق الطعس وبعدين يموتون .. مب من الطعس الامنهم .. وتسلم

[بنت الفريج]

صج هالايام وايد حوادث تصير فسيلين =/
بس صج تونّس هالحركات يعني لو انا بدال الشباب عادي بروح استانس عالطعوس
ولا علي من الحوادث اللي تصير P:

و فالأخير الاهل هم اللي يحاتون ويتعبون
الله يرحمه ويصبّر هله انشالله ='(

مشكوور ولود عالموضوع

[الغالية]

الله يرحمه ويغمد روحة الجنه
انا رااايي في هالسالفه ان الصراااحه المكان حلوو ووناسه ممكن الاحد يسوي حركات لكن مو خطيرة وايد يعني الي سمعنى عنه بالبرشووط يطير ومتعلق بسيارة والي يووقف فوق السيارة وسيارة اتحرك ؟؟
انا اعتبره ذي انتحااار
وكل شي له حدوود
ووقيل " ان لعلى نفسك حق " ووين هالحق ؟
باجر هالجسد يشتكي منك عند رب العالمين
الله يهدي هالشباااب
وياارب يطلعون قوتهم ومهارتهم في شغلهم وفي بناء الدولة
ومشكور ولد فلان على نقل الخبر المحزن والله