ميني تيراميسو

[همس الليل]

أخواتي الغاليات.. طريقة لذيييييذة للتيراميسو السريع
محتفظة فيها ضمن مجموعة الحلويات اللي دوم أسويها ..

وما في أحلى من الصووووووووووور:


المقادير والطريقة:

الطبقة الأولى: كرتون كيك اليمامة بالفانيليا.. (عبارة عن قطعتين كيك مستطيلات بينهم كريمه )
نفك طبقات الكيك عن بعضها.. ونصفها في الصينية.. وتكون الكريمة وجها لفوق

الطبقة الثانية: 2 كيس كريم كرمل.. ( يعني كرتون واحد فيه كيسين ) + 17 حبة بسكويت جلوكوز + علبة قشطة + ملعقة كبيرة نسكافيه.
نخلطهم مع بعض.. ( خلط بسيط لأنه عقب هالمكونات راح تنحط في الخلاط )

الطبقة الثالثة: 3 ملاعق حليب بودرة + 2 جلاص ماي + 2 باكيت كريم كراميل نحطهم على النار وبعد ما يفور دقيقتين.
نحطيه في الخلاط ونضيف عليه مكونات الطبقة الثانية.. ونخلطهم دقايق في الخلاط لين يغلظ القوام.. ونصبه فوق كيك اليمامة اللي رصيناه في الصينية.
ونكون مجهزين كاكاو بودرة ونرشه ع الويه بالمشخال لين نغطيه تماماً.. ونتركه خارج الثلاجة لمدة عشر دقايق.. وعقب نحطيه في الثلاجة لحوالي 5 ساعات.. وكل ما تم في الثلاجة طلع متماسك وأحلى.

[الأصيلة]

يسلمووو اختي على الطبق والله يعطيك العااافية .

[همس الليل]

الله يعافيج ويسلمج اصوووله ومشكوره على الرد

[بو شهد]

يسلمو هموس على الوصفة الحلوة

يا حبج للخساير خربتي الميزانية

[همس الليل]

احلى شي اني اخسر الميزانيه

لووووووووووووووول

مشكوور ولود على الرد