عـــــزتي فـــوق جـــرحي !! (( من كتاباتي ))

**ريانة العود** · 13-03-07 10:55 PM

ماعندي كلام اقوله .. غير اتمنى تعجبكم القصيده ..

صدقيني صار عادي لو رحلتي من حياتـي

وللأمانه صرتي عندي شي اقدر اخسـره!!

كان اهون عندي انك تضحكي حزت وفاتـي

من خيانه لي مـع شخـصٍ عزيـز آقـدره

الغدر ريحته فاحت ومايبـي لغـدرك ثباتـي

كان باين كان واضح بـس مقـدر اجهـره

كان يحلف كان يقسم كان يقولـي لاتحاتـي

وراس امـي ياغلاتـي البعـاد مـا اقـدره

المحاجر متعبه وطول عمـره يقـول هاتـي

بعثر احساسي شظايـا والخطـاوي مبعثـره

بالغدر ياما جرحني ويفـرح بطعنـه لذاتـي

بس صراحه يمكن اني اقدر بيـوم اعـذره

لكـن انتـي يالقريبـه ياصديقـة ذكرياتـي

صعبه انسى كذبتك لي صعبه قلبـي اقهـره

صعبه ادمح ماجرالي وابدا بسرعـه حياتـي

وعمري من بعد الدمار قولي كيف آعمـره؟

وقف للحظه ياخلي ودلني ويـش السواتـي

اكتم الوضع واكابر وكـل نـزف آسطـره؟

ولا اقهر عاذليني وانتظر عمري اللي آتـي

وقلبي المجروح منـك بالتناسـي اجبـره!!

لذتي في وحدتي وعزلتـي فيهـا راحاتـي

ومالـي الا قلبـي اللـي بالامـل آصبـره

ماتلاحظ يازماني هو لعين واطـي الصفاتـي

وهيّا نفس الطقه يعني من عطاهـا تغـدره

اجتمع شمل اللكاعه والكذب كـل الاوقاتـي

هي (........) وهو غطاها ياخذ وهي تستره

الله يقلعهم بغربـه بلتفـت لـي ولحياتـي

لكن انتي شي عادي شـي اقـدر اخسـره

لاتحاتوني ترانـي ابتلعـت صافـي اهاتـي

واي جرحٍ في خفوقي أقـدر إنـي أكسـره

بس حسافه ضاع وقتي معك وماتت امنياتي

ليت ربي ماكتـب لـي هاللقـا او عسّـره

وياقصيدي ياعضيدي يامجمع لـي شتاتـي

مالي غيرك اشتكيله مـن بعـد رب اشكـره

ادري كثرت بكلامي من بعد طول السكاتـي

بس لكن ياقصيـدي لـو غلطـت المعـذره

ولو خذى ربي روحي سمّع لربعي وصاتـي

لاتخوّن من شـراك وكـل قريـبٍ احـذره

انتهت هذي الحكايه والحياه فيهـا عظاتـي

والله يسترنـي بثوبـي بدنيتـي والآخـره

هذي قصة من طعني وتعتبر أقرب خواتـي

وأنا راسـي دوم عالـي ماتحركـه اشعـره

وسلامتكم ..
واتمنى انكم ماتبخلون علي بردودكم ..
اختكم/ ريانه

**عـصـفـوـوـوـر** · 15-03-07 01:04 AM

لكـن انتـي يالقريبـه ياصديقـة ذكرياتـي
صعبه انسى كذبتك لي صعبه قلبـي اقهـره
صعبه ادمح ماجرالي وابدا بسرعـه حياتـي
وعمري من بعد الدمار قولي كيف آعمـره؟
وقف للحظه ياخلي ودلني ويـش السواتـي
اكتم الوضع واكابر وكـل نـزف آسطـره؟
ولا اقهر عاذليني وانتظر عمري اللي آتـي
وقلبي المجروح منـك بالتناسـي اجبـره!!

انتهت هذي الحكايه والحياه فيهـا عظاتـي
والله يسترنـي بثوبـي بدنيتـي والآخـره
هذي قصة من طعني وتعتبر أقرب خواتـي
وأنا راسـي دوم عالـي ماتحركـه اشعـره

احم احم

لا تعليق

بس فالج المليوون خخخخخخخ

تحياتي

**ريانة العود** · 16-03-07 03:36 PM

مافيني حيله :42:

يعطيك الف عافيه عصفووور على هالطله الحلوه .. والرد الاحلى اكيد :42:

منور ..

**وجـ المرايا ـه** · 16-03-07 08:08 PM

قصيده جميله الصراحه اخت ريانه ,,
ابدعتي بوصف احساسج ومشاعرج ,,
ومثل ماقلتي انتي ( وأنا راسـي دوم عالـي ماتحركـه اشعـره ) ,,
وصح لسانج اختي ويعطيج الف عافيه ,,
( بانتظار جديدج ) ,,

**ريانة العود** · 16-03-07 10:25 PM

مرورك الاجمل خيو ..
ويعطيك الف عافيه على هالاطراء الحلو :42:

صح ابدنك اخوي .. لاهنت على هالطله الحلوه ..

الموضوع: عـــــزتي فـــوق جـــرحي !! (( من كتاباتي ))

أدوات الموضوع

عـــــزتي فـــوق جـــرحي !! (( من كتاباتي ))

رد: عـــــزتي فـــوق جـــرحي !! (( من كتاباتي ))

رد: عـــــزتي فـــوق جـــرحي !! (( من كتاباتي ))

رد: عـــــزتي فـــوق جـــرحي !! (( من كتاباتي ))

رد: عـــــزتي فـــوق جـــرحي !! (( من كتاباتي ))

معلومات الموضوع

الأعضاء الذين يشاهدون هذا الموضوع

المواضيع المتشابهه

صعب نسيانك ..:: من كتاباتي ::..

من كتاباتي .. ياخساره فيك حبي ..

وفترقنا .. من كتاباتي ..

ليل الولايف من كتاباتي

قصيدة دمــوع من كتاباتي

ضوابط المشاركة