-- ( تدري ؟ متى ! تخنقنـي العبـره ) --

[ريانة العود]

آمر .. فديتك لو عشانـي ! قـول : واطلـب ماتريـد
وان قلت لك : شلي تبـي ؟ .. لاتقوللـي : سلامتـك
خلنـي احـس .. بلـذة العشـق ومعانـاة الحـديـد
وارقى بسلم نظرتـك ,,, وآآطيـح بأعلـى قامتـك
توني عرفت ! اني ( أحبك ) واني مـن غيـرك وحيـد
لاتلومنـي .. لاضقـت منـك والمشاعـر لامـتـك
القلب شجره .. لو تهـز غصونهـا يـا شيـخ غيـد
كل الحمام يطير ! .. مـا تبقـى سـوى * حمامتـك *
بيديك ,,وهج النـار ,, وبيدينـي ,,ذوبـان الجليـد
,,ابتلـت ايدينـا .. وصـار المـا يبيـن بخامـتـك
انت الذهب بيديك ! خلى للذهـب .. سعـر ٍ جديـد
في معصمك .. ما تخسر اسواق الذهـب .. لاسامتـك
طعم الهوى : ماهو / بضمـة صـدر ولا مسكـة ايـد
طعمه : ليا ( دخت بنداك ) و ( ضعت فـي دوامتـك )
حتى الجمـاد ؟ ان فارقـك ! ينتابـه الحـزن الشديـد
تشتـاق لـك وسادتـك و تحـن لـك بجامـتـك
وشلون اجل !! لاصار . كائن حي . واحساسه زهيـد
بيموت مـن طفـرة غـلاك و مـن ضمـا فطامتـك
كنك ملك .. واحلا العذارى صـاروا بقصـرك عبيـد
واللـي يأكـد ! ((( امبراطوريتـك ))) زعامـتـك
تقـول : كلماتـك ماهمتنـي وغزلـهـا .. مايـزيـد
وتضحك بوجهي .. وانت ضايق .. وادري انها هامتك!
الشامه اللي ! بين (وجنتـك / وثغـرك) تجيـب عيـد
لبـى الثغـر .. والوجنـه اللـي ميـزوا علامـتـك
تقول : منـا شامتـي ؟ .. ولا انـا مضيٌـع اكيـد !
واقول : .. لا يـا بعـد عمـري لا .. منـا شامتـك
تزعل علي وارضيك يا اغلى من سكن حبـل الوريـد
وانسـى ( همومـي ) كلهـا ! لا بانـت ابتسامتـك
يامليُن القلـب القـوي ... ومخضُـع الـراس العنيـد
كلك حـلا يازيـن .. مـن ماطـاك حتـى هامتـك
انا معك روح وجسد / وانتـا معـي قلـب ونشيـد
واللـي يمسُـك مسُنـي .. وكرامـتـي كرامـتـك
ياللي ؟ لعبـت بحسبـة الشٌعـار واسرفـت القصيـد
ما زانـت حـروف القصيـد .. إلا علـى فخامتـك
لاشفت عينك !! والله اني ما احسـد راعـي الرصيـد
ولا اغبط ابن سعود في حكمـه .. لاشلـت لثامتـك
ناس ٍ معك كل يوم و تشوفك .. وانا ؟ عنـك بعيـد
متى على الله ؟؟ .. تفطر بشوفـك عيـون ٍ صامتـك
معك !!! ياحظ ( اثنين ) واحسدهم على .. الحظ السعيد
ياحـظ ! سايقكـم معـاك وحظهـا ! خدامـتـك
مايقدر احد ٍ ؟ ياخذك مني ,, يابـو الوصـف الفريـد
مدامـك بقلبـي ( هنـا ) وانـا بقلـبـي غامـتـك
تدري ؟ متى ! تخنقنـي العبـره واحـس أنـي وحيـد
لا قلت : تامرنـي بشـي ؟ وقلـت لـي : سلامتـك

[روح طفله]

يعطيج الف عافيه روعه

[ريانة العود]

يعطيج الف عافيه روعه

مرورج الاروع الغاليه .. شاكره لج هالطلع الحلوه ..

[الأصيلة]

تسلمين يالغلاااااااا والله يعطيك العافية .

[بو شهد]

يسلمو ريانو على القصيدة الحلوة

[ريانة العود]

ربي يسلمج حبوبه .. ويعافيج ..

[ريانة العود]

يسلمو ريانو على القصيدة الحلوة

ولكمووو ولدفلان .. مرورك الاحلى ..

منورين :)

[شيختهم]

تسلميييييين اختي ريانه ويعطيج العافيه

[ريانة العود]

ربي يسلمج الغاليه .. لاهنتي عالرد والمرور الطيب ..

[اخر العنقود]

جناان
تسلمين عالقصيده

[صعبة المنال]

روووووووووعه ولاهنتي اختي يعطيج العافيه ..

[جرووووح]

تزعل علي وارضيك يا اغلى من سكن حبـل الوريـد
وانسـى ( همومـي ) كلهـا ! لا بانـت ابتسامتـك


رهيبه .. تسلمين ع النقل

جروووح

[عمر]

يعطيج العافيه اختي