حمدان يا حمدان .....
........... أمك توصيك
قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها

ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب

ويارب تكون هالقصيدة درس للكثير من الأبناء

ودرس لزوجات الأبناء الي يحرضون الاولاد على عقوق أمهاتهم

والدنيا دوارة

اترككم مع القصيده


ويـــن انـت يا حمدان امـك تناديـك .. وراك مـا تسمـع شكـايــا ونــــدايـــــا

يا مسندي قلبي على الدوم يطريـك .. ما غبت عن عيني وطيفك ســمـايـا

هذي ثلاث سنين والعيـن تبكــيـــك .. ما شفت زولك زايـر يـا ضنـايــــــا

تذكر حياتي يـوم اشيلـك واداريك . . والاعبـك دايــم وتـمــشـــي ورايــــــا

ترقد على صوتي وحضني يدفيـك .. ما غيرك احدٍ ساكن فـي حــشــايــــا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمــــل يــــا مـنـايــا

لكن خساره بعتني اليـوم وشفيـك .. واخلصت لـلـزوجه وانـا لــي شــقـايـا

انا ادري انها قاسيـه مـا تخليـك .. قالــت عــجـــوزك مــا ابـيهـــا مــعايـا

خليتني وسط المصحه وانا ارجيك .. هذا جزا المعروف وهـــذا جــزايـــا

يـا ليتنـي خدامـة بـيـــن ايـاديــك .. مــن شــان اشــوفــك كل يوم برضايـا

مشـكور يا ولدي وتشكر مساعيـك .. وادعـي لــك الله دايـــم بــالـــهـدايـــا

حمدان يا حمـدان امـك توصيـك .. اخـــاف مــن تــلـحق تشـوف الوصايـا

اوصيت دكتور المصحه بيعطيـك .. رســالـتــي واحروفهـا مــن بـكـايـا

وان مت لا تبخل علـي بدعاويـك .. واطـلـب لـي الغـفران وهـذا رجـايــا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون في عونها آميــــــــــــــــن
منقووول ..