قصيده رائعه لأبن فطيس

[ريانة العود]

هلاااااا غلاااااااا بالجميع

اخترت لكم قصيده للشاعر المبدع ابن فطيس ابيات جميله تعيش معها قصه أجمل اذا تأملت ابياتها

اترككم مع الابياات وان شاء تعجبكم

يامؤمن الريفي انا جيتك زبـــــــــــون : جيتك علي مدح اكثر الناس وعنيت
جيتك وتعالى الله عما يشركــــــــــون : لولاه يا مؤمن لطبك ما أهتديـــــــت
راضي بحكم الله علي مهما يكــــــون : عالج عيوني لو بعد طبك عميـــــــت
ودي أخاشر في البصر من يبصــرون : وأشوف دربي لاسرحت ولا ضويت
والاِ قنصت اثبت مع الي يثبــــــــتون : وأشوف طيري كل ما أوميت ودعيت
ياكثر مايضرب خويي الطبلــــــــــون : من كثر ما أكلته مطبات وكليــــــــــت
ودي أشوف الِي علي يعْرضـــــــون : وبعض الليالي ودي أسري دون ليت
وأشوف ناس في القفا مايرحمــــون : أما وقفت لصاحبي ولا مشيــــــــــــت
من دون نظاره ولاهم يحزنـــــــــون : ياكثر ماكسرت كشمات وشريــــــــــت
لاكْن يادكتور جعلك ماتهـــــــــــــون : ابغيك كلمه راس دامك مابديـــــــــــت
أسمع ولا أبغي الي وزانك يسمعون : ربي كتب يكشف لك اسراري وجيـــت
صوره عديل الروح عندك في العيون : وأخاف تقطعها بموسك ماوعيــــــــت
ولا عليك امر اطوها تحت الجفــون : وعقبه لو تقطع عيوني ماشكيــــــــت
هي راس مالي والعرب مايدركون : أني علي باب الممات وما حكيـــــــــت
ياقو قلبي يوم قفْن الضـــــــــــعون : ألي علي ذاك الموادع مابكيــــــــــــت
وياصبر صبري والعواذل يحسبون : أني دلهت من الهواا ولا سليــــــــــت
أسكت عساهم من سكاتي يسكتون : وأنا عن اِلي في ضميري ماأنتهيــــــت
أدور الفرحه معا اِلي يســـــهرون : وأن ذكروني خذت فنجال وسريــــــت
أخذت من وقتك يادكتور العيــــون : عالج عيوني لو بعد طبك عميــــــــت
وأستر علي واِلي معك لايفطنون : أنت الوحيد اِلي بعد ربي دريــــــــــــت

[وردة قــطــر]

يسلمـوو عالقصيـده الحلـوه ريانة العود

[بو شهد]

يسلمو ريانو على القصيدة

روحه مرحة وايد بن فطيس

[عـصـفـوـوـوـر]

صوره عديل الروح عندك في العيون : وأخاف تقطعها بموسك ماوعيــــــــت
ولا عليك امر اطوها تحت الجفــون : وعقبه لو تقطع عيوني ماشكيــــــــت
.



00


0روووووووووووووووووووووووووووووووعـــه


شكرا ريانه ع القصيده

[ريانة العود]

يعطيكم الف عافيه على هالطله الحلوه ..

واتمنى لابن فطيس يفوز باللقب في شاعر المليون . قولوا امين ..

[الأصيلة]

يسلموووو والله يعطيك العااافية .