تحمل غلطتك في بعادي

[ريانة العود]

اتمنى تعجبكم



ما كل جرح يطيب من عذر عادي
وما كل غلطة عذرها دوم مقبـول.

عيش وتحمل غلطتك في بعـادي
أنت ولا غيرك عن البعـد مسئـول.

يا ما نصحتك لا تمادى فعنـادي
بس أنت ما ينفع معك نصح أو قول.

كم قلت لك خلك عـادي وهـادي
ولو ما نصحتك قبلها كان معقـول.

أنا كذا عنـدي حـدود ومبـادي
ومن فضل ربي ما معي فكر مشلول.

اشوى اللي ما حطيت فيك اعتمادي
وإلا زماني كنت في وضع مجهول.

ضحيت في حبي وسمعـة ودادي
ومشيتني في عرض الأيام بالطـول.

واجبرتني أقبل عـزاي بفـؤادي
أعيش وأنا شايلـه قلـب مقتـول .

فكرت أجر الصوت لأجلك وأنادي
لقيت مابـه شـئ يستاهـل القـول.

قلت ابتعد وأفـل خطـوة بعـادي
وأقول عن فرقاك شـدة وبتـزول.

خل العناد وخل طـول التمـادي
يبقون في قلبك مكاني علـى طـول

ما كل جرح يطيب من عذر عادي
وما كل غلطة عذرها دوم مقبـول.


حقوق النشر محفوظه لحد يسرقها ..
اختكم / ريانـــه

[عابر سبيل]

صح لسان شاعرتنا ريانة

يعطيج الف عافيه

وننتظر اليديد والمزيد

[همس الليل]

تسلم يمناج ريونه على هالكلمات الحلوه

[الأصيلة]

صح لسانك اختي .. وتسلمين .