تبيني اعتذر ..؟ ( آسف )

[ريانة العود]

تراني كنت متوقع تصـدق هـرج خلـق الله
ولكن مـا توقعتـك تسولـف بـي لعذالـك!!

تبي تنساني؟ إنساني.. فداك اللي مضـى كلـه
يجوز أحيا من فراقك مدامي ميِت بوصالـك!!

ترى ما يجحد الواقع سوى خـلٍ نسـى خلـه
مثل ما تجحد عيوني حنيـنٍ حيـل يظمالـك

مع أني عارف ما أحدٍ يـداوي غيـرك العلـه
أسج بحالي لحالي لجل مـا ينبـري حالـك!!

وأكابر من خطا نفسي وأزيـد الجـرح وأبلـه
وأتحاول في عبث مضحك أدور غير همالـك

حبيبي حتى لو زولي من غيابـك فقـد ظلـه
كفاية شمسك اليا اليوم تنسج حولـي ظلالـك

تبيني اعتذر؟ (آسف)، ولكن وش هي الزلة؟؟
تبيني أجرحك؟ .. أنا همك وغربالـك

مدام أني سبب دمـع حزيـن ناظـرك هلـه
فعساني يا بعد عيني اجل ما اطري على بالك!!

وإذا قالوا لك إن قلبي من فراقك نـزف غلـه
قل إن: مابه بلى عسـى درب السعـد فالـك

وأنـا والله وثـم والله وثـم والله وثــم والله
لا سوي ما تبي من شان بس تحقـق آمالـك

ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!

[عابر سبيل]

تبيني اعتذر؟ (آسف)، ولكن وش هي الزلة؟؟
تبيني أجرحك؟ .. أنا همك وغربالـك

ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!



صح لسان شاعرتنا ريانة

تسلم يمناج على القصيد الطيب

وننتظر يديدج

[ريانة العود]

صح ابدنك اخوي توم كروز .. ويعطيك العافيه على هالطله الحلوه ..

[جرووووح]

صح لسانج رياانه

وقصيده حلوووووووه

[ريانة العود]

مرورج الاحلى حبيبتي .. شاكره لج هالطله الحلوه ..

[دلـggع قـطـر]

كلماتج رائعة كما انتي

توجب علينا ان نقف احتراما لهذا القلم ،،

ونصفق بحرارة لما خطه من كلمات رائعة ،،،

فهنيئاً لكِ بهذا القلم المبدع ،،،

تقبلي مروري وردي ،،،،



دلوع قطر