التدخين ظاهرة غير صحية ... (( رايكم يهمنا ))

[أسيرة الشوق]

كتبته للنقاش وعسى ان نصل الى حل وتصل كل مدخنه الى اقتناع تام ..

تدخين البنات تمرد على العادات حوار بين الفتيات والشباب ...


موضوع مهم اتمنى يشارك فيه الجميع ويبدون رأيهم بصراحة ، بعد ان ظهرت في الأونه الأخيره
للأسف ظاهرة تدخين البنات سرا وجهرا والمراقب لهذه الظاهرة يتسأل عن أسباب هذه الظاهرة ...

هل هي الحضارة أم التحضر كما يعتقد البعض !!

ام هي ظاهرة تقليد ا الشعور بالتمرد على القيم والعادات أم أنها ظاهرة لإثبات الوجود ؟؟

ففي عصر العولمة والإنفتاح الفضائي وتقنية المعلومات الإنترنتية هل أصبح تدخين الفتيات
عادة من العادات المفروضة ، و اذا كانت الفتاة لا تهتم بصحتها و تتهاون في مسالة الخطر
الذي يحدق بحياتها , فهل تتساهل في الخطر المحدق بانوثتها ؟

لا اعتقد ان اي فتاة قد تتهاون في هذا الجانب الذي يمثل معنى وجودها في الحياة !!!

ايتها الفتاة المدخنه ...

الانوثة هي بريق عي--- و انت ذابلة العيون ، الانوثة هي لون شفتيك و انت قد طليت شفتيك
بلون اسود كتوم !! ، الانوثة هي عبير انفاسك و انفاسك انت كأسوأ ما تكون !!
الانوثة هي اشراقة وجهك و انت وجهك غائب بين الدخان و السموم!! ، فأفيقي قبل فوات
الاوان و قبل حدوث مالا يجب ان يكون !!!!

السؤال هنا ...

هل السبب في ذلك الحريه من الاهل ؟
ام الثقه القويه من اولياء الأمور ؟
ام التهاون في التربيه والانشغال في امور الدنيا ؟
ام نابع من الفتاة في تجربة هذه المرحلة ؟
ام ارتباط الفتاة بصديقات السوء ؟

وهل يوجد في حياتكم امثال لفتياة عاصرو مرحلة التدخين بسبب التجربه والتقليد الحريه والطفش والهم والمشاكل العائليه ...

الحوار بين ايديكم ونحتاج الى النقاش الجاد

وحتى انتوا يا الشباب الكلام لكم .........صحتك بالدنيا

اختكم اسوره
لاطشه الموضوع

ليش الهوى مزورع دربه بالاشواك..... ليش النهاية في المحبة كئيبة ..

[همس الليل]

تسلم يمناج اسورتي على هالموضوع الخطير
والي منتشر في هالوقت وصاير شي عادي انه انشوف البنات ماسكين الزقاره ولا قاعدين في القهاوي قسم النساء وكل وحده حاطه ريل على ريل وتشيش ،اول شي الاهل غايبين عن البنت ولايحاسبونها في دخلاتها وطلعاتها ولا مع من تكون وثقتهم الزايده هي الي خلت البنت تلعب على كيفها ولاتحط احساب لحد ، اكيد الربع والاصدقاء لهم دور في هالشي لان اكثر الي صارت عاده عندهم التدخين انهم اول شي يبون يجربون ويقلدون الربع القراب منهم ولا ننسى انه اكثر البيوت يكون رب البيت مدخن والاطفال يشوفون هالشي ويحبون يجربونه ويقلدون الاب في هالتصرف ، ولا ننسى العادات الغريبه الي ادخلت علينا في مجتمعنا من الغرب ومن الدول القريبه ولاننسى ان باقي الدول عادي عندهم هالشي واحنا تعلمناه من التلفزيون .

اسمحو لي على الاطاله واخر شي اقوله ، اللهم اهدي شبابنا وبناتنا لما تحب وترضى واستر علينا وعليهم في الدنيا والاخره يارب العالمين.

[حمانو الكواري]

مشكوووور على الموضووع بس سؤال شيبووون في الزقاااير

[أسيرة الشوق]

تسلمين هموسه ورايج اكثر من روعه ومميز و كل كلامج صح واضم صوتي لصوتج هالاهل هم السبب الاول "رقابة الاهل " يعني مثلا في بنت لو تقولين لها امشي نروح القهوه هاي للحين ما قلتي ندخن تقولج ماطب لو على قص رقبتي لوول يعني مو خوف ولاشي بس هاي الصح وانها تربت على جي وتعرف مكانها كبنت ودمتي بخير واشكرج مره ثانيه

تسلم شكوسي على الرد المميز والرائع ... وانا وياك .. نفس ماقالت هموسه الاهل والاصدقاء وبس اقولك شي الصراحه لاتقول ما خلو شي للشباب هي صح معاك انا انوثة البنت غير وطبيعتها يعني شكلها زفت وهي تدخن لكن هم الشباب لازم يبطلون هالعاده وقلتها انا صحت الواحد بالدنيا واشكرك مره ثانيه ....ماطلبت شي نحاول نطرح مواضيع كثر مانقدر واذا توهقتوا مالقيتوا شي سولفوا عني لوول :) تسلم شكوسي

منور اخوي حمانو واللي يبيه الشاب من وره الزقاير والشيشه هم البنت ممكن تكون تشترك بنفس الاسباب قبتالي ثنينهم غلط و اعتقد لفت النظر والرزه اللي مالها معنى من اهم اسباب بنات وشباب هاليوم و تسلم على المرور الطيب

اشكركم على تفاعلكم :42:

[بو شهد]

طبعاً ها الكلام أسميه نوع من الشذوذ عند النساء
وصدقوني أي وحدة تدخن مب صاحية عندها نوع من زيادة الهرمونات الذكرية

[أسيرة الشوق]

بل ولود
والله يمكن انا ااشدراني لووول

بس صح السالفه ما تناسب البنت شكو وقسم بالله تخرب معاني الانوثه كلها

منور ولود وماقصرت تسلم على المرور والرد

[Qatar Dream]

[align=center]اول شي مشكوره اختي على الموضوع

وثاني شي

البنت مب حلوه اصلا انها تدخن
تحسين شكلها غلط
ومعروف ان التدخين ضار للجنسين وليس فقط النساء او الرجال
واخيرا انا احب اقول اني اشوف ان تدخين البنت شي غلط 100 %

ومشكوره مره ثانيه على الموضوع [/align]

[أسيرة الشوق]

وانا وياك وحتى تدخين الشاب شي مضر في الصحه ليش تسويه

وتسلم اخوي منور الموضوع واشكرك على الرد الطيب

[الأمورة]

[align=center]أسوره حبيبتي الموضوع مو موضوع ظاهره وهالخرابيط
وشكل حضاري ومو حضاري ولا يبيلها رائي أحد
التدخين حرام مو بس مضر ومو حضاري

هذه الفتوى منقوله من موقع الدكتور يوسف القرضاوي ..
عسى ربي يهدي كل مدخن ويبتعد عن الحرام .[/align]

[align=center]الفتوى[/align]

[align=center]
الله يكفينا شرها.[/align]

[أسيرة الشوق]

تسلمين اختي والله يهدي الجميع اشكرج على المعلومات الطيبه ماقصرتي

[عابر سبيل]

في الاونة الاخيرة كثروا المدخنين والمدخنات ...

وللاسف هذه ظاهرة غير صحية بالمرة ..

وشرايكم ..

في البداية .. انتوا تدخنون ولا ؟؟

وبعدين وشرايكم في هذه الظاهره .. وهل زيادتها شي ايجابي وشي متوقع وما وجهة نظرك فيها .. ؟؟

ولماذا المرأة بدأت بالتدخين بما ان المدخنين يقولون ان التدخين تثبيت للرجولة .. !!!!!

عطونا رأيكم بصراحة في هالموضوع وياليت التحدث بشفافيه فيه ..

بعيدا عن الخروج من الموضوع او استخدام الكلمات غير اللائقة والمنرفزة ..

أخوكم ... (( عابر سبيل ))

[أسيرة الشوق]

يعطيكـ الف عافيه اخوي عابر على طرح الموضوع

واتــوقع انه موجود من قبل...

وبعدين وشرايكم في هذه الظاهره .. وهل زيادتها شي ايجابي وشي متوقع وما وجهة نظرك فيها .. ؟؟

انا من راي انه الظاهره صارت طبيعيه في المجتمع ...على انها غير صحيحيه وغير صحيه.. بالنسيه لزيادتها فانا اقول انها شي متوقع وغير ايجابي طبعا على انه تاثير التدخين يكون على الفرد نفسه اكثر من غيره الا انها ظاهر تبقى سلبيه من وجهة نظري ..واتوقع انها ظاهره في تزايد بحكم عدم وجود اي رادع او شي يوقف المجتمع منها ..فنفس مانشوف يوم عن يوم تكثر الاماكن الخاصه للتدخين و القهاوي وغيرها وهاذي بحد ذاتها عامل لزيادة ظاهر التدخين ..

ولماذا المرأة بدأت بالتدخين بما ان المدخنين يقولون ان التدخين تثبيت للرجولة .. !!!!!

اولا من قال انه التدخين اثبات للرجوله فهو مادلى درب الرجوله
شجاب الدخان للرجوله ولا الشخصيه
واذا المراه تدخن فمنهم من يعتقد انها حريه ومنهم من يعتقد انها مساواه بالرجل مع انه التدخين بما فيه مطابق للمراه والرجل يعني غلط سواء دخنت المراه او دخن الرجل

لكن الصوره تظهر سلبا على المراه اكثر من الرجل ..وانا اشوف تفقد طبيعتها كانثى بالتدخين ..من ناحية شكل ومظهر او حتى اسلوب

يعطيكـ الف عافيه ع الموضوع وسووري ع الاطاله ..

[الأمورة]

ما فيها رئي .. تم تحريمها . وياليت الكل يرجع للموضوع السابق كنت منزله فيه سبب تحريمها وأضرارها.
والله يهدي كل مدخن

[تايه وضاع الامل]

ولد فلان شدخل البنت اللي اتدخن فيها هرمونات ذكريه
اكوووووو في اوروبا مو يدخنوون الا يحششون البنات عندهم بعد و مع اهلهم
وتحصل البنت طبيعتها نفس اي بنت ثانيه
على العموم التدخين ضااااار للبنت و للولد
ويسلمو اسيره على الموضوع

[الأمورة]

ضايع الأمل .. نشكر تواصلك .. وصحيح كلامك عن الغرب لكن أيضاً البنات الي تكلمنا على انهم ظاهرة منتشرة نقصد فيها بلادنا المسلمة ..
وكل بنت تتبع امور مثل هالأمور أكيد بكون في من وراها سبب أو على الأقل مثل م قال ولد فلان هرمونات ذكرية ...
أما اوربا والغرب فالفساد منتشر عندهم من قديم الأزل ولا نقدر نقول ظاهرة تدخين ... أو غيره.
الله يهديهم للإسلام والحمد لله إلي خلقنا مسلمين.