شلون لو كفي تضمه اياديك؟

[راعي الفزعات]

تجفل عيوني لا إلتقت في عيــونك
وترجف مشــاعر كم تمنت أياديك

هذا الخفوق يموت ظميان دونك
أسقه وصالك .. بح صوته يناديك

الليل ياخذ روعته من سكــونك
والـورد يسـرق حمرته من أشافيـك

دام القمـر والشمـس مايشبهونك
ليه النجوم تغــار لاجت حواليك؟

حـاولت أخـونك صرت غصب أصونك
حاولت أهاجر منك .. وأثر السفر فيك

حـاولت أسهّر يا حيـاتي جفونك
لقيت عيني في هدبـها تغطيــك

اصـــد عــنـك وكل كلــي يبونــك
تصـد مثلي.. راح بعضي يباريك

رغم أن قلبي ممتلي من طعــونك
اليـا زهمته بالغلا قال :لبيك

تدمع عيوني لا التقت في عيـونك
وشلـون لو كفي تضمه أيـاديـك..؟!!!

أخ ـوكــم
راع ـي الفـزع ـات

[وردة قــطــر]

دام القمـر والشمـس مايشبهونك
ليه النجوم تغــار لاجت حواليك؟

وااي وااي

ابدااع مشالله

يعطيك الف عافيــه رعووي عالقصيده الحلــوه

ولاتحرمنا من هالتميـز

[راعي الفزعات]

تسلميـن ورده على الطلـه الحلـوه
وجزاج اللـه ألف خيــر

[أسيرة الشوق]

واي قلبي ^^

<<<لحظه هالمراهقه اندمجت حبتين

ماشاء الله عليك

صدق رووعه واكثر من روووعه

رهيبه.. تفجير :85:

ما اقول غير الله يعطيك العافيه وماقصرت على هالابداع ...

يحفظك لمغلينك ان شاء الله
أختك:أسيرة الشوق

[غزاله]

الليل ياخذ روعته من سكــونك
والـورد يسـرق حمرته من أشافيـك.......

صح لسانك رااعي الفزعات ...

غزاله