... شـــبـــــاب ع الكيــــــف ...

[راعي الفزعات]

ســلام

شلــونكم شباب وبنـات المنتدى

ان شالله تمـام ؟

أكيد أشتقتوا لي ولـ..نكي اللي منور لكم المنتدى أناره طبيعيه ..

ومن بعدي قمتوا تشغلون ليتات على وعسى يعوضونكم عن نوري شوي
<< ياواثق خخخ

المهم

هذي قصــه من تأليفي ..
صار لي من قبل رمضـان بشهرين يمكن وأنا أكتب فيها
وأبطــالهـا شخصيـات حقيقــه اللي هم أنــا والربع خخخخخ

وعلى فكــره الاحــداث خيــــــــاليــه مالهـا صلــه بالــواقــع أبد
لا من قريب ولا من بعيـــد خخ
أحداث القصـه راح يكون فيهـا عبط ساعات وجد ساعات ..
والهدف من هذا كلـه التسليــه ..ورسم البسمه على شفاتكم ..

..ابطــال القصـه ..

خــالد
احمد
جاسم
مبارك
عبدالعزيز
على
عبدالرحمن

واللحيــن نبدا القصـــه


أخوكم ...
راعي الفزعــات

[راعي الفزعات]

بسم الله الرحمن الرحيم ..

كــانوا 7 شبــاب ســاكنيــن ببيـت شعبــي ..
فيه غرفتين وحمــام واحد مشترك بينهم كلهم( الله يعز السامع )
وصــاله وميلس وحوش كبير يركض فيـه الخيل ...

كـانوا هالشبــاب فـاشلين درااسيــا ( بالعربي محد كمل دراسته فيهم )
كل واحد مبسط بالبيــت لا له ولا عليــه

المهم
مثل ماتعرفون البيــت كله مافيـه الا غرفتيـن ومقسمين روحهم الشباب فيهم
3 في غرفه و3 في الغرفه الثــانيه
وطبعا بقى وااحد وهالواحد هو عبدالعزيز أحيان ع حسب المزاج ينام بهالغرفه
وأحيان ينطرد من هالغرفه يروح الغرفه الثانيــه ..
كل يوم ينام بمكان <<يتنقل الاخ خخخخخخخخ

.....

في يوم كــانت اشعت الشمــس شارفت على المغيــب ( يعني المغرب )
كــان البيــت هــادي الكـل نــايم ويحـلم...
( خبركم بعد سهر طول الليل ورقـاد طول النهــار)
قــام انشط وااحد فيهـم اللي هو أحمد ..فتح عينــه ..
وهو يقول : يالله صباح خير < مضيع الاخ
وشـاف المنظر اللي تعود عليـه مثل كل يوم ..
مبــارك كـالعاده محتل اللحـاف ومخلي هالمسكين احمد ..
( ينامون بسرير واحد لانه الغرفه مافيهـا غير سريرين وكل اثنيتن على سرير )< حالتهم صعبـه ههههه


عــاد احمد من الحــره وزود القهــر
سحب اللحـاف بقوه منه وهو يقول : قوووم
مبـارك اللي قاعد يحلم ومو متفرغ له قال : فكنـا زيـن
أحمد : برووك وصمخ ..قوم لا ألعب بويهك بكسـات اللحيـن اصمخ انت ؟
مبــارك بصوت شبه عالي : شفيك صاير نحيس اليوم أبي انــام يااخي ..
وله انت تشبع نوم وغيرك يموت جوع < والله ضعيف لا تشكون خخخخخخخخ
أحمــد قام وقف على السرير وهو يقول بقلبـه :* زين ارويك *
ويدوس فوقه وهو نازل من على السرير
مبـارك قام وهو في قمه غضبــه : أحمدووووووووه
أحمد بنذالـه : أرجع نــام ..نوم العواافــي
مبــارك : اوريك يالخبــل ان مارديتهـا لك ماكون عمك برووك
أحمد وهو يسحب الفوطـه من الكبت اللي لايعه جبده من كثر الثياب قال : تخسي الا انت

الا جـاسم قام على صوت صراخهم : هييييييييييييييه انتوا مافي حد نايم هنــي
مبــارك رجع انسدح ونفسه بخشمه وقال : كل من شين الحلايه احمدووه
أحمد وهو طالع من الغرفه : تــاج راسك

مبـارك بقهر وصوت عالي زلزل الغرفه : يبط الجبد واااااااااااااالله
جــاسم اللي انزعج من صراخ مبارك : هد اعصـابك ..لا تهدم علينا البيت
بنفسـه بالغصب واقف .. < لا قاعد احسن خخخخخخخ


بالغــرفه الثــانيــه
كــان خـالد توه قايم وقاعد يتمغط ع السرير : ااااااااااااااااااااااااااه ياحلات النوم
عبدالعزيزاللي كان متربع ع السرير: كسر ضلوعي علووي بصرااحـه
خــالد : ع الاقل أحســن من حماني طول الليل يشاخر احس صوت شخيره وااصل لي الحلم
عبدالعزيز : أي احسـن ..!!؟ شوف خلوود من اليوم تجي تنام انت مكـاني
مااقدرر أستحمل اكثـر ضلوعي تقول ارحمني ..
خـالد قـام وراح صوب الكبــت : يصير خير منا لين الفير < حزت النوم عندهم خخخ
فتح الكبــت وانفجر باللي فيـه كومت ثياب طااحت عليــه
خـالد وهو يشيل هالـ كم ثوب اللي طاحوا عليـه من على كتفـه : هذا الكبت كم صار له ماتنظف ؟؟ ولا تعدل ؟؟
عبدالعزيز قام واخذ له فوطه من اللي طلعوا من الكبـت وقال: محد متفرغ ..
خــالد سحب له فوطه هو الثاني وقال: على وين ان شالله ؟
عبدالعزيز وهو يحط الفوطه على كتفـه : رايح اسبح؟ ليش ؟ عندك اعتراض ؟
خـالد : عزوز انت تدخل 6 تطلع 6 ونص ..وانا وااحد مافيني صبر
عبدالعزيز وهو يأشر حق خالد على الثياب اللي متنثره بالغرفه : اقول ردهم دااخـل ..
خــالد بدون نفس : مااالي خــلق
عبدالعزيز : شنو مالك خلق ..اذا انت بتقول مالك خلق وغيرك بيقول ماله خلق عزت الله عشنا بزريبه
خــالد وهو رافع واحد من حواجبـه : بس اشتغل فيلسوف زمـانه
عبدالعزيز : والله بطقــاق ..عاجبك عاجبك مو عاجبك عندك الطوفه ...

طلع عبدالعزيز من الغرفـه
خــالد انقهــر وكـانت اعصـابه على وشك الانفجار من تصرف عبدالعزيز
بس هــدى اعصــابـه
وقـال وهو يرفس الثياب : مااني شايلهم ..

طلع هو الثاني من الغــرفـه


( أكيــد مستغربين من مزااجهم اللي يعل القلــب ..بس هم دوم جذي من يفتحون عينهم محد له خلق روحـه
بستثنـاء أحمد اللي دوم مزااجه راايق )

وصل عبدالعزيز عند باب الحمام ( الله يعزكم )جاء بيفتح البـاب بس مااقدر
الباب مقفول من دااخـل وصوت المــاي يدغدغ مسامعــه هههههه
طق البـاب بقوه
رد احمد اللي يغني ياليل تحت المـاي ( منتعش الولد هههههههههه )
أحمد : خييييييير .. من يطق الباب جذي
عبدالعزيز : اخلص بسرعه أبي اسبح
أحمد طنش لـه ولا رد
عبدالعزيز رجع طق الباب بس هالمره اقوى من اللي قبلهـا
أحمد بصوت عــالي : عزوز وجع ان شالله الله يكسر ضلوعك قول اميـن
عبدالعزيز : انا أكلمك رد علي
أحمد : يصيــر خير
عبدالعزيز رفس الـبـاب بريـله بقوه لدرجـه انه أحمد اللي كان بالحمام تصرقع ..

الا خـالد جــاء وشاف ملامح عبدالعزيز اللي ماتبشر بخيــر قال : شفيك ..؟
عبدالعزيز : أحمدووه محتل الحمام كالعاده ...
خـالد : لااااااااااا ..لااا تقول ..!! اووووف ماصارت حاله هذي
لازم نسوي جدول من يدخل يسبح اول < ههههههههاااااااى
عبدالعزيز : وين قاعدين بمدرسـه احنـا ..؟
خـالد عطى ظهره لعبدالعزيز وهو متجه الصاله : عيل انخيس ونعفن لحد مايطلع حظرتــه ..


مــرت ربع ســاعه وطلــع احمــد من الحمــام
وهو حـاط الفوطـه على رقبــته ..: اااااااااه أحس روحي انولدت من يديد
راح الصـاله لقاهم كلهم متجمعيـن حول الصــحن ( يتريقون ) وريحه البيض حااشره البيـت
أحمد : أمحق ربـع نطروني
عــلي : وصل البطــه
أحمــد حذف الفوطــه على الكرسي وجــا قعد مـعــاهم : مقبوله منك
قام عبدالعزيز وقال : الحمدالله ..انا رايح اسبح
خالد حط الخبزه اللي بيده وقام هو الثاني وقال : لا انا بدخـل صار لي ساعه ناطر
عبدالعزيز طنش له وراح صوب الحمـام ولحقـه خـالد

( وطبعـا تعرفون شبيصير عند باب الحمـام صارت مذبحـه بينهم من يدخـل اول )..

المهم
بعد طول عذااب سبحوا كل الشبــاب
وصــارت الســاعه 8 ونص بالليل
مبـارك وهو واقف جدام المنظــره يعدل غتــرته : شكلي عدل احمدووه
أحمد اللي واقف جنبــه ويمشط شعــره : أأي عــدل

دخل عليهم عبدالرحمــن : شبـاب وين غرشة العطــر
أحمد : بتلقـاها بلـ الغرفه الثانيـه دااخل الدرج
عبدالرحمن : عفست الدرج مالقيتهــا
مبــارك راح صوب السرير ورفع المخده وطلع العطر : تقصد هذي ؟؟
عبدالرحمن وهو فاتح عينه على كبرهـا : وين خاشهـا هني ..؟
مبارك وهو يضحك : ههههههههههه خاشهـا عن خلووود من يشوف عطر استخف حشى يتسبح فيــه مايتعطر
عبدالرحمن وهو ياخذ العطر : هههههههههه بهذي صدقت

دخـل علي اللي كان لابس وكااشخ ومخلص من زمـان
علي وهو واقف عند الباب : تأخرنـا ياشباب بسرعه
مبـارك : انا خلصــت انطر حموود بس ( ألتفت على عبدالرحمن) بتجي معانا وله مع عزوز ؟
عبدالرحمن : لا بجي معاكم
علي : اوكي عيل خلصوا بسرعه
مبارك : هذاا حموود اللي مأخرنا وله أحنا خالصين
أحمد اخذ غترته وقال : خلاص انـا خلصت بس ألبس الغتره


دخـلوا عبدالعزيز وخالد وجاسم
عبدالعزيز : شباب أحنا بنسبقكم الستــي وانتوا لحقونـا
احمد: أوكي
خـالد شاف عبدالرحمن ماسك غرشه العطر : وتقولون لي مااكو عطر بالبيت يالخونـه
(راح صوب عبدالرحمن ) عطرني حماني << يهاااااااال ههههههههه
عبدالرحمن رش رشـه وحده بس وقال : هذي تكفي
خالد : عن السخافه عاااد اقول عطني العطر ( سحبه من يده )
مبارك : خلوود لا تخلصه اقتصد ترى راس مال كشختنـا هذا العطر ماكو غيره بالبيت
خـالد : حتى العطر أقتصد فيه شدعوه
أحمد : صج قح وبخل عيزانين تشترون غيره كلنـا على عطر وااحد
عبدالعزيز وهو يضحك: كشخه ع الطل هههههههههههههه
عــلي : أي والله بهذي صدقت ههههههههههههههه


طلعوا الشبـاب متجهيـن الستــي

[راعي الفزعات]

أذا عجبتكم القصــه بكمــل وأذا لا ..
خل احتفظ بمااي ويهي ع الاقل بدل الفشيله خخخخ

...أنتظــر الردود....

[وردة قــطــر]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههه

عجيييييييييييييييبه روووعه روووعه

خلوود عفيييييه كملها بلييزز

خووش كاتب ..انا اندمجت والله فاقعه ضحك

كملها والا بجي باخذ العطر المسكين منكم ههههههههه

لي رجعه انشالله

[أسيرة الشوق]

خويلد عن الهذره حط لنا الباقي وانت ساكت لووووووووول

<<<<<اندمجت البنت وحاط لي نصها يبي لك ضرب

يحليلكم الله يخليكم لبعض ان شاء الله ^^ ويلا كمل ترى فلته

مواهب ياريال كله من ورانا مهب حاسدينك لووووووووول

يعطيك العافيه ويلا ترى ناطره^^

[ريانة العود]

لوووووووووووووووووووووووووووووول خلود مانت بهين والله
عجيبه القصه بس شوقتنا للباقي يالله عاد نزلها

بس فله الشله المشتله ويني عنهم خلوووود دخلني بالقصه لوووووول

[وردة قــطــر]

تخليلي ريانوه يدخلونا في القصه بعد "انا وريانوه واسوره"

لوولز

يلا ترى قاعدين ننطر بمووت انا

[راعي الفزعات]

ههههههههههههههههههه

بصـراحه ردودكم تبشــر بخيــر
اشوه شجعتوني ..

وأن شالله باجر أنزل لكم التكملــه << يموت بحرق الاعصاب خخخخ
كل يوم جزء ..
<< شكله ناوي ينضرب خخخ

[بو شهد]

كمل القصة حلوة ترى

طبعاً أكيد بيدخلكم في الجزء الثاني في الستي

بيبدأ الترقيم والقز وأكيد ثلاثتكم بتكونون هناك أسيرو ووردو وريانو:74:

مولت على البمبر في الستي:118:

[راعي الفزعات]

تسلم أخوي ع المرور
والله يعطيك ألف عافيـه
ولا تسبق الاحداث كل شي بوقته حلـو ..

[ريانة العود]

لوووووووووووول عاد هالله هالله انا الحلوه فيهم ماوصيك هههههههه

[وردة قــطــر]

ههههههههههههههههههههه

لا يمه انا احلاكم واتحداكم بعد << كح كح:59:

وبعدين تهاوشوا وقولوا لي منو ثاني احلى وحده فيكم خ خ خ

يلا انطرالتكمله بموووت ابي اعرف اشصار بالستــي :42:

[*أحاسيس الورد*]

هههههههههههههههههههههههههههههههههههههههههههههههههه ههههههههههههههههههههههههههه
هههههههههههههههههههههههههههههههههههههههههههههههههه ه

رهييييييييبه رعوووي الله يقطع بليسك صج صج اندمجت
ولا واثقه الاخت ادور تحت على التكمله هههه
يالله يالله حط الباقي بذبحك >>>القصه انتيكه روعه
وردووه مع فيسج انا وين رحت هين يالدبه هههه

[وردة قــطــر]

لحظه 7 &#247; 4 =؟؟

لا مايبيله اله حاسبه ههههههه
7
7
7
7

اسوره 2

وردووه 2

ريانوه 2

احاسيس 1

هههههههههههه

يله بنكون شله هناك هههههههههههههه

<< على كيفها

بس خلوه ينزل القسم الثاني ساعتها احلامنا الورديه بتتحطم ههههههاااااااى

فديتج احاسيس سوري هههههه

[راعي الفزعات]

هيــه أنتوا قلبتوا الموضوع شــات مع ويهكم ..
كلكم حلويــن خلاص لا تتهاوشون < يبلفيت حل المشكله اللحيـن خخخخ


المهم ..
وهذي التكملــه ..