((أم تعاتب ابنها العاق بقصيده))الله يسامحا

[بوخطاب]

يا ليتني خدامـة بيـن اياديـك من شان اشوفك كل يوم برضايا




هذي قصيده مؤثرة لأم تشكي حالها بعد ان وداها ولدها (الله يهديه)

للمصحه (دار العجزه) او كما يقااال ( دار النسيان)

والبيت أعلاه يبكي حتى القلب القاسي

اترككم مع القصيده







وين انت يا حمدان امـك تناديـك وراك مـا تسمـع شكايـا وندايـا

يا مسندي قلبي على الدوم يطريـك ما غبت عن عيني وطيفك سمايـا

هذي ثلاث سنين والعيـن تبكيـك ما شفت زولك زايـر يـا ضنايـا

تذكر حياتي يوم اشيلـك واداريـك والاعبـك دايـم وتمشـي ورايـا

ترقد على صوتي وحضني يدفيـك ما غيرك احدٍ ساكن فـي حشايـا

واليا مرضت اسهر بقربك واداريك ما ذوق طعم النوم صبـح ومسايـا

ياما عطيتك من حنانـي وبعطيـك كبـر وتكبـر بالأمـل يـا منايـا

لكن خساره بعتني اليـوم وشفيـك واخلصت للزوجه وانا لـي شقايـا

انا ادري انها قاسيـه مـا تخليـك قالت عجـوزك مـا ابيهـا معايـا

خليتني وسط المصحه وانا ارجيـك هذا جزا المعـروف وهـذا جزايـا

يـا ليتنـي خدامـة بيـن اياديـك من شان اشوفك كل يوم برضايـا

مشكور يا ولدي وتشكر مساعيـك وادعـي لـك الله دايـم بالهدايـا

حمدان يا حمـدان امـك توصيـك اخاف من تلحق تشـوف الوصايـا

اوصيت دكتور المصحـه بيعطيـك رسالتـي واحروفهـا مـن بكايـا

وان مت لا تبخل علـي بدعاويـك واطلب لي الغفران وهـذا رجايـا

وامطر تراب القبر بدموع عينيـك ما عـاد ينفعـك النـدم والنعايـا






(حسبي الله ونعم الوكيــل)
الله يكون في عونهــــــــــا آميــن .............

هذا صنيع المعروف والإحسان إلي الوالدين اللهم أرزقنا برهما وحبهما اخوكم المرعب

منقول

[فتى الوجبة]

يعطيج العافية

والله انها محزنة احزنتني شكل نذل ياالمرعب

ههههههههههههههههههههههههههههه والله دمعت

اشكررررررررررررررررك على هذي القصيدة والله يكون في العون

شكرا

[غزاله]

وان مت لا تبخل علـي بدعاويـك واطلب لي الغفران وهـذا رجايـا

وامطر تراب القبر بدموع عينيـك ما عـاد ينفعـك النـدم والنعايـا

والله حرام ناسي انه هاااي امه .. جنته وناره ... لا حول الله ولا قوه

مشكووور المرعب على النقل ...

تحياتي ..
غزاله

[بوخطاب]

اولا انا واحد يمكن انت مغلط في النك
بس يعطيك العافيه على المرور

[بوخطاب]

منوره اختي غراله ومشكوره على المرور