صوغتي لكم من النمسا .. حياكم

[ريانة العود]

مراااحب لكل اعضاء ومشرفين المنتدى اللي وحشوني ..

حبيت اهذر معاكم شوي عن سفرتنا قبل لانزل الصور ..
طبعا طرنا من الدوحه تاريخ 30/6 على ميلان وقعدنا فيها حول اسبوع وبعدها رحنا فرنسا وقعدنا فيها يومين وتعالو شوفوا تحدي المواتر اللي صارا هناك بس خسااره لان مواترنا راحت فينا خخخخ المهم من فرنسا رحنا النمسا وبصراااحه كانت رووووعه ولا في الخيال ولو بيدي كان قعدت اهناك بس مصخناها شوي واخر يومين قبل لانعود كنا في ميونخ ورحناها بالسياره لانها مو بعيده واجد حول 3 ساعات
والصور اللي صورتها لكم اغلبيتها في فينا لاني مابغيت افوتها لكم وجبتها صوغه معاااي عاد انشالله تعجبكم


هذي صورة الفندق اللي سكنا فيه (( الهيلتون )) من صوب الشارع اما غرفنا كانت تطل على النهر وكان منظر ولا احلى خاصه بالليل والوناسه ان اللي بالفندق اغلبهم من قطر وبصراحه خساره لان فيه صور كنت مصورتها بالتلفون الثاني بس نيسته بالمطار



اول يوم وصلنا ارتحنا طبعا واول الايام كنا مطيحين بالسوق خبركم بحكم اني بنت لازم يسكتوني يودوني السوووق

بعدها بكم يوم رحنا صعدنا الجبل واااااااخ من هاليوم ما انساه طبعا صعدنا واحنا نمشي وكان الهدف من الصعده ان فيه بوسط الجبل ندخلها وداخل المغاره لازم تركب 780 درج يتكون من 780 اعتبه وتنزل 780 اعتبه عااد تخيلوا واصلين وهلكانين ويركبونا درج رايحين عسكريه بس صج هلكنا ذاك اليوم ما انساه


هاي المنظر واحنا صاعدين الجبل كنت قاعده شوي ارتاح قلت اصور لكم المنظر




وهذي صورة المغاره اللي مابغينا نوصل لها





تخيلوا واحنا ماشين وسط الغيوم كان المنظر روووعه وبرد على حلله
(( المغاره ورى الشجره ))




فجأه ظلم المكان لان غيمه سوده مرت وطق علينا مطر وابتلشنا لان ماتوقعدنا المطر ومظلاتنا كانت بالمواتر خخخخ




دخلنا المغاره وكان المكان ظلاام وعطونا فوانيس تشتغل بمادري شنو لان مافيه هوى يدخل بس يوم دخلنا متنا من البرد واللي شفناه داخله جبال من الثلوج واشكال حلوه سبحان الله







دققوا في هالصوره بتلاقون ممر طويل كنت افكر لما طلعنا من المغاره اشلون صعدنا هذا كله



وبكذي اول مارجعت من الفندق خليت الخدامه تهمز رجلي شنو رااااحه




يتبع ...

[ريانة العود]

مره من المرات رحنا قصر بس لاتسألوني قصر من ماعرف شنو اسمه خخخ

بس شوفو الممرات اللي مشيناها على ماوصلنا القصر



ماصدقنا خلصنا من هالممر جانا ممر ثاني اطول منه



طبعا بعد طول عناء وصلنا لحديقة القصر وكانت روووعه



واخيرا وصلنا القصر بس للأسف على كل هذا التعب كنت تعبانه وعجزت ادخل القصر قعدت انا واخوي العود وهلي ادخلوه خخخ





يتبع ....

[ريانة العود]

ادري بمللكم بس وحيااتكم حتى حديقة الحيوان صورتها لكم

هذا الباندا كان زعلان ومعطينا ظهره



اول مره اشوف الكوالا على الطبيعه



اهناك حتى البريعصي له لون خخخ



وهذا القرد اللي مو راضي يعطينا وجه



وهنا دخلنا مكان وكانت الطيور من حولنا اطير



حتى التمساح صورته لكم افا عليكم بس



عجبني لونها سبحان الله



واخيرا صورة الملك الحزين كان تعرفونه باسم الفلامينجو



انشالله اعجبتكم الصور ..



يتبع..

[ريانة العود]

هذي مقتطفات من سفرتنا

هذي الصوره بمنطقه اسمها زلامسي وطبعا هالمنطقه ولا في الخيال واللي يبي يروح النمسا نصيحه يروح يسكن بهالمنطقه لا فينا تكفيها 3 ايام بس



رحنا مكان بهالمنطقه يسمونه منطقة السبع بحيرات فيها سبع بحيرات وفي الطريق كان المقر الرئيسي لرد بوولطبعا كلكم تعرفونه شراب الطاقه اللي بيعطيكم جوااانح




احنا كنا نازلين هالمنطقه علشان انشوف منبع الماي من الجبل وكان منظر عمري ما انساه وكنت ابي اصور لكم الوالد بس ماعطاني وجه خخخ



هذي بحيره من البحيرات السبع اللي بالمنطقه



طبعا نزلنا باحد البحيرات واجرنا قوارب كان يوم حلو



قعدنا بهالمنطقه يوم واحد ورحنا ميونخ من هناك لانها اقرب وهذي صور لما كنا بالطريق





وهذا الفندق اللي سكنت فيه اهناك واسمه صعب صراحه بس مكانه حلوو واجد




يتبع...

[ريانة العود]

طبعا تدرون ان سفرتنا شوي طولت فكنا كل يوم انروح حديقه ينقال لها شتات بارك كلها عرب كنا نروح نغدي البط والحمام وناسه جنه البيكادلي حق لندن





هذي الحديقه كنا نروحها عالعصريه اما بالليل كنا نروح الملاهي ونشوف نفس الاشكال يوميا كان وناااسه





طبعا تعرفون هناك السكارى ماقصروا كنا نمشي ونشوف سكاراى نايمين بالشارع



وهذا كان نايم على سكة القطار الحمدالله والشكر على نعمة الاسلام





مره كنت طالعين من السوق وكان فيه مظاهره للشعب اللبناني الله ينصرهم




مره كنت بالحديقه وكنت اشوف هالحيوان جان يطب علي طبعا الشيخه ريانه ماقصرت صرخت صرخه ابد محد سمعها خخخخ





وهاي سنجاب بالغلط لقيته احذاي وجان اصوره لكم :)




وووووووووووووبس..
انشالله اعجبتكم الصور والسموحه على القصور حبايبي يالله انتظر ارائكم وردكم..

[همس الليل]

ونااااااااااااااسه رووووعه المكان فلللللللللللله

ماشاء الله عليج طلعتي مصوره
تسلم يمناج وعساج على القوه

[ريانة العود]

ههههههههه اما مصوره

تسلمين على المرور الطيب همس

[Ahmed Al-Ali]

ماشاء الله صور حلوة ، حمدالله ع السلامة اختي ريانة ..

وانشاء الله الصيف الجاي انا في النمسا هع

[ريانة العود]

ربي يسلمك اخوي الشقي

يالله نشوفك اهناك انشالله :)

اشكرك عالمرور والرد اخوي

[ريـ مدريديةـال]

الحمدلله على السلامة ريانة...وثانكس على الصووور...تسلمين والله ...عجيبة

[ريانة العود]

انتي العجيبه والله يسلمج حبوبه

اشكرج عالمرور والرد لا يهينج

[راعي الفزعات]

اولا : الحمدالله على السـلامه
"وانا اقول وينهـا ماتدخل اثاريج مسافره " خخخ

وثـانيـا: شلون تسافرين وماتاخذيني معااج هـا " اتغشمر معااج خخخ "

وثـالثا : الصور رهيييييييييييبـه بصراحـه ماعليهـا كلام تسلم يدج على هالتصوري الراائـع

واهم شي انج رديتي لنـا بالسـلامــه

[ريانة العود]

الله يسلمك الشيخ ياااااااااي وناسه مادري ليش :42:

اشكرك اخوي عالمرور الطيب والرد الله لايهينك الشيخ

[دلـggع قـطـر]

ريانة العود

اول شي احب اقول لج الحمدللـــه على الســـــلامــه

وبصراحــــــه الصـــــــور روووعه واكثر.. حتى من كثر ماهي حلوه

اندمجت وتخيلت نفسي مسافر معاكم خخخخخخخخ


ومشكوره على الصورالفنتك خخخ

والله يعطيـــــج العافيـــه

[ريانة العود]

ربي يسلمك الشيخ ويالله جهزوا اعماركم علشان المره الجايه آخذكم معاااي علشان نفتل عدل الله فللله

يعطيك العافيه اخوي عالمرور الطيب والرد الله لا يهينك الشيخ