كيكة كاكاو كل اللي يشوفها يحسبها جاهزه

[همس الليل]

أول شيء المقادير


4 باوند كيك جاهز النكهه اللي تحبون

مربى فراوله ناعمه يعني مايكون فيها حبيبات

علبة مووس كاكاو ماركة نستله

علبة كريمة كاكاو جاهزه وفي منهم نكهات

فراوله طازجه للتزيين فراوله اناناس كيوي او حسب الرغبة

جوز الهند خشن محموس للزينه اختياري ( غير موجود بالصوره)



الطريقه

نقطع كل كيكه 3 شرايح طويله ونتخلص من الانتفاخ اللي يكون في الكيكه من فوق يعني يصير عندنا 12 شريحه نفس الصوره



نحضر علبة الموس نفس التعليمات ثلثين كوب حليب بارد حق الكيس ونخفق بالخلاطه الكهربائيه لغاية مايصير قوامه مثل القيمر تقريبا





نخذ شريحتين ونحطهم يم بعض وندهنهم بالموس وتكون اهي القاعدة نفس الصوره





نأخذ كل 3 شرايح وندهن 2 منهم بالمربى ونحطهم فوق بعض يعني وحده وترك مدهونه بالمربى ونسوي مجموعتين كل ثلاث شرايح مع بعض بعدين نحط الشرايح على كيك القاعده بطريقة عكسيه وندهن ناحيه الجانب بمووس الكاكاو ونلصقهم مع بعض ونضغط عليهم خفيف





نضع الثلاث شرايح الثانين يم الشرايح الأولى ونحاول نلصقهم ببعض ونضغط عليهم شويه وبعدين ندهنهم بالكاكاو ونحط شريحتين بطريقه عكسيه ونضغط شويه ونتخلص من أطراف الكيك الزايد عشان نحصل على شكل مربع متساوي





الحين ندهن كل الكيكه بكاكاو المووس لما تتغطى عدل مدل من كل النواحي ونخش أي عيوب الكيكه



الحين ننقل الكيكه على شبك معدني ونحط تحته صحن و ناخذ الكريمه الجاهزه اللي بالعلبه الحمراء

ونشيل غطا القصدير اللي عليها ونسخنها بالميكرويف لمده 45 ثانيه لغايه ماتسيح وبعدين نحركها

شوي بالمشبك اليدوي حتى تختلط عدل ونصبها صب فوق الكيكه نفس الصوره

ونحاول نصب من الوسط وبعدين نصب على الجوانب

ونقدر نكرر عملية الصب أكثر من مره عشان يصير اللون البني ثقيل بس كل مره دخلوا الكاكاو اللي

تجمعونه من الصحن اللي تحت الكيكه الميكرويف وسخونه 30 او 20 ثانيه لأن الكميه قلت.





ندخلها الثلاجه شويه لغاية ما تتماسك وبعدين نزينها بالفواكه على حسب الرغبه وهذا شكلها النهائي



وعقب ما تتقطع تصير على شكل طبقات



بالعافيه على قلوبكم

[الأصيلة]

تسلمين على الطبق والله يعطيك العافية .

[همس الليل]

يسلمج ربي خيتو فجوووره ومشكوره على الرد