الخــدم .. ( موضوع لنقـاش )

[راعي الفزعات]

هــلا وغــلا

سمعوا يالجمـاعه الخيـر
الموضوع طويـل شوي فاذا مالك خلق تقرأ اطلع من اللحيـن خخخخخخخخ

(( بسم الله الرحمن الرحيم ))

طبعـا في بيت كل منــا يوجــد خدم اذا مو الكــل الاغلبيــه

اول شــي الخــدم ذولا الاجــانب ليش جاايـن..؟؟؟؟
سواء كــانوا يشتغلون داخل البيت ( مثل الخدمات ) او بالخارج مثل ( الدريول )

انـا اقول لكم ليـش

جــاين علشان يعيشون
علشان يلقون لقمه العيش بالحلال
تراهم مو جاايــن طيب منهم
ولا علشان سوااد عيونكم < عصب الوالد خخخخ

لاااااااااااااا

هم مجبوورين يشتغلون خدم عنــدنـا
بسبب الظروف اللي يواجهونها هنـاك ببلادهم
من جووع وفقر

بس في نــاس الله يهــداهم
يعاملون الخدم معاملـه سـيـئه ..(( وحتى كلمـه سيئـه شويه عليهم ))

فمثــلا
...............

اللي تمسك لك الخدامــه وتطيح فيــها طق ليش ...؟
(حظرت جنابها كانت تناديهـا وهي ماسمعتها فقال اكيد مطنشتني اوريهـا )
وذبحــت المسكينـه طراقــات وبكسـات وهذا اذا مافيهـا تشوت وترفس

يعنــي ليش هالقسـوه هذي كلــها ؟؟؟؟؟؟؟
الله اعلم يمكن محتره من الخدامه ليش انها احلى منهـا ؟؟ خخخخخخخخخخخ
...............

المهم

سمعوا....
هــذا موقف صـار معاي او بالاصح مع اختــي
كــانت الوالــده عازمـه رفيجتهــا عندنا بالبيــت
ورفيجت امي فيها غرور حبتين < قام يحش في المره خخخخخخ

المهم
خلت خدامتهــا تبقى واقفه بالصـاله جنهـا لوح ( معطتها دروس انها ماتقعد الا بأذن منهـا )

عــاد انا اختي مطيحه الميـانه مع الكل (( ))
قالت للخدامـه تقعد بعد ماطقت سوالف مع الخدامــه
وكــل هذا جدام رفيجت امي ...

والظاهر الخدامـه كانت ميته تعب من الوقف فقعــدت على طـول
صــرخــت رفيجت امــي عليهــا صرخـه
لدرجــهـ انهـ انا .. انـا اللي كنت بالغرفه سمعتها
( تقولون واحد من الربع يصـارخ ) (( ))

تقـول اختي
من الخـرعه الخدامه فزت وقفت مره ثانيـه
وتقوم لهـا رفيجت امي ( مطيحه الكلافه في بيتنا لانها رفيجت الوالده الروح بالروح )
وتقـول لهـا : من سمح لج تقعدين هـاا وتعطيها كم طرااق تخليهـا تنسى التعب وتبرد حرتهـا وترجع تقعــد

...........................

يعنــي ليــش كــل هالقســوه في معــاملـه الخــدم ؟
انــا مااقول الكــل..
انـا اقول البعض..

يعنــي لهــدرجـه مافي رحمــه في قلوبهم على هالانسـان
اللي تــارك اهلــه وعشيرتــه وبلاده علشان يجي يشتغل عندكم ؟


بعــد ماقريتوا الموضوع ابيكــم تجاوبوني على هالاسئــله

لمــاذا يقسو بعض النــاس على الخــدم ؟
ولمــاذا يلجــؤون الى ضرب الخدم بوحشيـه اذا ثـاارر غضبهم ؟
ولمــاذا يحتــقرونهم احيـان ؟

واللي عنــده اي اضـافه على الموضوع لا يبخـل علينــا
فلـ موضوع لنقــاش

اخــوكم / راعي الفزعـات

[أسيرة الشوق]

أولا اشكرك على الموضوع الاكثر من رائع
الصراحه انا داشه الموضوع و انا في بالي انك راح تتكلم عن تربية الخدم للعيال و دورهم في البيت

لكن فاجئتني الفكره وايد حلوه والموضوع 100%

بجاوب عن هاذي الاسئله وان شاء الله اقدر اوضح وجهة نظري


لمــاذا يقسو بعض النــاس على الخــدم ؟

الاسباب وايده
هي باختصار قلة عقل وانسانية

يعني الواحد او الوحده اذا تضرب الخدامه او ما توفر لها حاجاجتها وتنسى انها انسانه فهي انسانه الانسانية غير موجوده فيها و ممكن تكون ثقافتها او ثقافة هذا الانسان قليلة بحيث انه ما زال يتعامل مع فئه من الناس "العاملين" بفروق وعنصرية

ولمــاذا يلجــؤون الى ضرب الخدم بوحشيـه اذا ثـاارر غضبهم ؟

احتمال انهم يشوفون انه الضرب هو الحل المناسب و هالشي مره ثانيه بسبب ممكن آثار نفسيه و احتمال يكون السبب ايضا تربية و عادات مجتمع معين

وهي بالاخص "أسلوب تعامل وتفاهم"




ولمــاذا يحتــقرونهم احيـان ؟


هذا شي متعلق بالذات و ايضا يرتبط لنفس الاسباب في النظره الدونية و العنصرية لفئه معينه

بس ما نغفل عن شي مهم انه في بعض الخدم مع احترامي الشديد .. البيئة اللي جاين منها مشكله .. يعني في خدم يتصرفون تصرفات مو طبيعية "مواقف صارت جدامي " وخارجه عن حدود الدين و حتى لو هاذي الخدامه مسلمه .. بس ايضا انا اقول انه ما يعطيهم الحق في انه الضرب يكون الحل ..

ماحابه أخرج عن الموضوع واتكلم عن افعال الخدم وغيره

لكن انا بشكل عام اشوف اي مشكله الحل الاول والامثل لها "الدين الاسلامي "

ومن ثم ممكن تكن الحلول الثانيه هي اللي تاخذ دورها
مثل تطوير الذات و الشخصيه و اسلوب التعامل و الثقافه عند كل انسان و طبعا عوامل مختلفه كلها تاثر في الشخص

اخوي راعي اشكرك على الموضوع مره ثانيه واسمح لي على الاطاله
الموضوع حيل حلو واتمنى من الاعضاء يشاركون فيه ونشوف وجهات نظر مختلفه

الله يعطيك الف عافيه اختيار موفق

عساك على القوه
أختك :أسيرة الشوق

[راعي الفزعات]

هــلا اسيــره

تسلمين على ابــداء رأيج بالموضوع
وجواابج على الاسئــلـه
والله يجزيج الف خيــر على هذا التفــاعل الرائـع

[bettyஹஹboop]

السلام عليكم
تسلم ع الموضوع الحلو ..والطرح الاحلى
وبخصوص الخدم انا عن نفسي مااحب شغلهم احب اسوي كل شيء بنفسي ولو بيدي شفرت خدامتنا وبالفعل في ناس يعاملون الخدم معامله سيئه رغم انهم محاسبين وفي حديث مخذينا في الشرعيه بس نسيته ..

[راعي الفزعات]

bettyஹஹboop

تسلميـن اختي على المرور
والله يعطيج الف عافيـه

[الوطن]

تسلم على الموضوع المهم بصراحة واللي كل عائلة لابد تظر للخدم على أنهم قنبلة موقوته ممكن تنفجر في أي وقت إذا لم تحسن أستخدامها لأنها ممكن تنفجر على الأبناء بالأساءة إليهم وتضر الأبناء بدون علم الآباء كم سمعنا من قصص ولانحتاج للإعادة وكم شاهدنا أفلام ؟؟؟؟؟؟؟؟؟؟؟؟
المهم في إعتقادي سبب الاساءة للخدم هو مرض نفسي ونقص ومحاولة أثبات وجود وحب سيطرة وتملك

سلام

[راعي الفزعات]

تسلمــ اخوي على المرور
وكل منــا عنده وجهــت نظر مختلفــه

والله يجزيكـ الف خير
على هذا الراي المنطقي والرهيب

[*أحاسيس الورد*]

مشكوور رعوي موضوعك رهيب مرره وان شاء الله كل الاعضاء
يتفالعون ويشاركونا برايهم

لمــاذا يقسو بعض النــاس على الخــدم ؟
انا من وجهة نظري انهم ايشوفون روحهم عليهم يعني
انا فوقج وانا اعلى منج مكان في هالبيت انتي مجرد خدامه عندي لا
أقل ولا اكثر وطبعا شي اكييد انه هالكلاام غلط وستين مليون غلط
يبه من قال انها عبده عندج هاي مهما كان انسانه وتستحق منج احترام وعندها مشاعر ولا اتفكرها حيوان ما ايحس لااا حتى الحيوان ايحس بعد !
ولمــاذا يلجــؤون الى ضرب الخدم بوحشيـه اذا ثـاارر غضبهم ؟
هاي اتوقع ناس متعقده الصراحه مفروض اذا وصلت لين الطق فهاي
مأساه وما ينسكت عنها ممكن ايسوون لها قصه على التعذيب اللي المسكينه
تلقاه منهم لانه هاي يعتبير تعدي عليها .....وبعدين اذا هم كلش معصبين
ليش ايحطون الحره فيها هي ايش ذنبها صج انا ساعات خدامتنا ترفع الضغط
وااه تسوي روحها ممفهيه ما تعرف.. بس شسوي والله استحملها
وعادي معاها بالعكس مفروض ماا تتعامل جنها حيوان بل انسانه...
ولمــاذا يحتــقرونهم احيـان ؟
ترى هاي كللله يعتمد على التربيه
وانا اشوف انهم يحتقرونهم لانهم يتعالون عليهم وهاي صفة التكبر
والاسلام نهانا عنها بس شنقول ....
بس ترى مو شرط على التربيه مثلاُ بنت خالي الصغيره والله اصغيررره
3 سنين كنا قاعدين الا نسمعها تهاوش الخدامه وتطردها من الصاله
وذيك مسكينه ما تدري وين لله قاطها طبعاً شي مثل جي ما ينسكت عنه
تدرون ايش قالت هاي الزعبوطه الصغير يوم هاوشناها
اتقول هاي خدامه تطبخ بس ما تقعد مني معااي ؟؟؟؟؟ تخيلو
هاي فكره هي خذتها عن الخدم فلازم من يوم هم صغار
ما يكونون هالفكره السيئه عنهم....

مشكور اخوي وسوري عــ الأطاله ــــ