يم الاشارت .. " حق اختي"

**أسيرة الشوق** · 03-06-06 08:55 PM

السلام عليكم

لوول خذت عليكم كل يوم يايه بسالفه لول

المهم هاي مره انا قاعده ويه اختي " اللي بعدي على طول لول" المهم نسولف ونهذر ووووووووووووو .........الخ" يعني بنات وتجمعوا" المهم وصلنا على سوالف خواطر واشعار تقول خاطرها اني اكتب عن قصه انه بنت شافة ضابط في الشارع و عجبها وووو..... عاد انا تميت على راسها العوزها واقولها ابيات و نسينا السالفه و بس جي قبل جم اليوم قلت خل اكتب وافاجئها ... و بس عاد حابه انكم تعطوني رايكم

لا حد يصدق تره ما في ضابط صجي ولا شي بس جي خيال :) هءهء
واحلى شي اقولها خل اكتب عن فلان شفناه بالسينما وهي تقول ضابط لوووول اما صج هءهء

المهم عطوني رايكم :) واما يحليلي كاتبه مناسبة القصيده ههههههه
شوي طويله :)

__________________

يمـــــــ الاشارات

يوم جلسنا انا وخويتي نلعب شريط الاهدائات
انا اغني وهي تدندن و سوى نكمل فراغات

وتاخذنا السوالف ونجمع ضحكات
وبعدها نجيب طاري المعجبات

وتسولف عن شلة الجيكرات
شقد هم محترين من الفاتنات

ونغير الموجه ونحكي عن الصرعات
عن الملابس والمكياج والقصات

ونكمل سوالفنا عن هالمغنيات
وتقولي عن نانسي واصاله وبعد الشتات

ويازينها عاد لاتكلمت عن المذيعات
تقعد تسولف عن الحركتات

وبعدها اشوفها تتكلم عن راعي الشلات
المذيع سعود وجلسته جدام الكاميرات

وانا اجننها واقولها عاشوا المعجبات
ان ما علمت ريلج وخليته يوزع سطارات

وانا اقولها شبيه "أشرف" وهي تولع شرارات <<يعني المذيع سعود يشبه دريول بيت جدتي هءهء
اتالي البنت هيمانه وصارت من المغرمات

المهم خلوني اقولكم سالفة هالابيات
انا جايه بكتبت عن قصه من فكرة الخوات

تقول اختي كتبي عن ضابط شفتيه عند الاشارات
وانه عجبج وفر راسج فرات

عاد انا من هني قررت اكتب هالابيات
واحط فيها قصه من خيالي على شوية اضافات

واخلي اختي في القصه نفس الممثلات
واهم شي لا حد يصدق تره القصه مثل الروايات

مجرد فكره و خيال وافلام سينمات
وهذي كانت البدايات

تقوم خويتي الصباح وتقرا الآيات
تقول صباح الخير و توزع ابتسامات

تزف اختها العود "اللي هي انا" ليه افتحت الليتات
واحنا وش ذنبنا اذا انتي ما تروحين بالسيارات

وانا اطنش واكمل كشختي و اصير من المزيونات
وهي تحط راسها وتكمل نومه تحت المخدات

وتقعد الشيخه بعد ساعات
تلبس وتتعدل وتذم في الامتحانات

وتلبس السلاسل والخواتم والساعات
ولاهمها شي يسمونه مخالفات

مو منها من المديره والاداريات
اللي ما يدرون وين الله حاطهم بين المدرسات

وترجع خويتي على الفطور وماتكل الا زيتونات
وبعدها تركب السياره وتخش النظارات<<هاي سالفه خلوها بعدين لول

وتم واقف مع امي بين السيارات
وتعلق على الرايح والجاي والهنديات

لكن ذاك اليوم انقلبت كل الآيات
البنت ساكته وامي تناديها وتقول هايات

والبنت ماترد شكلها مصدومه وشويات
قلنا يمكن تعبانه من دراسة الرياضيات

وبعد التحقيق اكتشفنا المستخبيات
طلع ضابط يحرك السيارات

تقول آه من ابتسامته و وقفته عند الاشارات
ويا حلا شكله وهو على الدوارات

تقول اتمناه يوم يصكنا مخالفات
صارت تقط الحزام وتتكلم في الجوالات

وتنطره يجي يوم يقول تراكم مخالفات
لكن طال صبرها و ما دخلت في سوالف التوقيعات

جان تجن و تزيد المخالفات
الى ما جا اليوم وعطل سيد السيارات

امي تقول لحول واختي تقول هايات
امي منرفزه حدها وهي تدور طلبات

همها الوحيد انها تطول الساعات
وهو واقف وهي تتامل النظرات

وتعدي هالنص ساعه وهي من السعيدات
طايره وداشه المدرسه نفس المطيورات

يسالونها ربعها خير ان شاء الله وش سالفة هالضحكات
تقول و اخيرا وقعت على ورقة مخالفات

و وقفونا المرور والدوريات
وشفت الحلو راعي النظارات

ولعن اليوم اللي مافيه مناوبات
دموعها من الصبح تقول قلق امتحانات

وهي همها وش تسوي في الاجازات
جمعه وسبت وباقي العطلات

وانا اضحك عليها واقول يعلني اشوفج من المخطوبات
من واحد شغله مرور و دوريات

ولف من الصبح بين السيارات
وهي وش تقول غير الله يتقبل هالدعوات

و تخليني اتخيل لها نهايات
ماتكون نفس روميو و قيس والحبيبات

المهم خلو النهايه في قاموس الروايات
وهاذي سوالف الافلام بلا نهايات

يمكن دمعه يمكن ضحكه وابتسامات
وحطوا في بالكم القصه نفس الاسطورات

بقلم : أسيرة الشوق
2.6.06
الجمعه

**بو شهد** · 03-06-06 09:21 PM

الله يرجج أسيرو

من كثر إعجابي بالخاطرة ودي وخاطري ومنى عيني وقلبي إني أسنعج بالعقال شوي
شوي ترى مب وايد بس أسويلج علامات حمرة في ظهرج

**أسيرة الشوق** · 04-06-06 10:56 PM

لوووووووووووووول علامة الجوده هههههههه

حـــــــرام عليك

بس يله اهم شي عجبتك:) <<<رفعت معنوياتها :42:

تسلم ولود و الله يعطيك العافيه و لا يحرمنا من ردودك ان شاء الله
عساك على القوه

" مستااااااانسه البنت لوول" وهاي بيضربونها هههه

***أحاسيس الورد*** · 09-06-06 01:40 AM

اسور يالخاااايسه حلوووه واايد حلووه الخاطره عجيبه مرره
ههههههههه ذكرتيني بسوالفنا في الباص
كل ما مرينا على دوارلازم نسلم على (بابا شرطي)

ههههه
....والصراحه في شك من ورانا اسوور هاا هاا اعترفي خخخ

...

**أسيرة الشوق** · 09-06-06 08:49 PM

بــوووووووووووو عــــــــاد احساسيو الحين ههههههههه
وشو وشو تشكين انتي وباصج كل اربعه على كرسي ههههههههههههههه

تره انتي 2 وحده تقرينها من بنات الصف لوول " زنبق" خخخخ الله يستر شكلهم عما قريب ناوين علي لووول " خلينا جي يكفي اللي طلع جدام ابلة العربي" ههه

تسلمين غلاي على المرور والرد وعساج على القوه
مرروج حلو مرررررره " اشعندح مره ومره ههههه"

الموضوع: يم الاشارت .. " حق اختي"

أدوات الموضوع