الزواج المبكر ... مع ام ضد

[وردة قــطــر]

السلام عليكم ورحمة الله وبركاته

حبيت اطرح عليكم موضوع

والكل يقول اللي عنده

هل تؤيد الزواج المبكر ؟

ولماذا ؟

انا بصراحه ما اايد الزواج المبكر

لان تفكيرهم مايكون نفس الشي

وثاني شي مو متفاهمين

وبيؤدي الى الخلافات اللي مالها اول ولا تالي

بس انا اايد الزواج المبكر في حاله وحده اذا كانوا " متفاهمين "

وابي اشوف ارائكم .....

وان شاء الله اعجبج الموضوع اللي طرحته يا اسوره هههههه

تحياتي .... اختكم وردووه

[ريـ مدريديةـال]

اكيد ما أيد لانه المشاكل لو صارت في البدايه راح تستمر لأخر المطاف لكن يكونون ناضجين وكل واحد عند تجارب في الحياة....عشان يواجهون المشاكل ويحلونها مثل الكبار....مو مثل اليهالp:

[ALBNDERY]

انا بصراحه ما اايد الزواج المبكر
لان تفكيرهم مايكون نفس الشي
وثاني شي مو متفاهمين
وبيؤدي الى الخلافات اللي مالها اول ولا تالي
بس انا اايد الزواج المبكر في حاله وحده اذا كانوا " متفاهمين "

بسرااحة كلامج نصة عجبني حسستيني انج تفكرين
كلامج كله صح بستثناء شي واحد بقولج اياه
مستحيل يتهاوشون لانه بحالة الزواج المبكر
الزوج لما يتزوج راح يكتشف انها طفلة و انه يتعامل معى طفلة وانه مجبر يربيها بحكم انها طفلة
وبهالحالة بيكتشف انه صار اب بدل زوج

ساعتها اخونا في الله يا بينتحر يا بيطلق هههههه
اما لو كانو الثنين اطفال :73: فالافضل نفتح حضانة

تسلمينلي وردة :86:
تحياتي

[بو شهد]

أشكرج على اختيار الموضوع وردوه

في ها الوقت أنا مع الزواج المبكر بشرط إن يكون الشاب يقدر على إعالة زوجته
خصوصاً إن البنات ممكن ينحرفون بسبب البلوغ المبكر ونقص الإيمان وغير ذلك،
ولا تنسون حديث الرسول ( يا معشر الشباب من استطاع منكم الباءة فليتزوج ) فهذا الحديث فيه حث على الزواج مع وجود القدرة المادية والبدنية.

[ريـ مدريديةـال]

خصوصاً إن البنات ممكن ينحرفون بسبب البلوغ المبكر ونقص الإيمان وغير ذلك،

ولووووود شالأحسن؟؟؟
اللي بتنحرف اظن بتكون مسؤولة عن اللي تسويه،،،واظن يرجع لاختيار الشخص نفسه وممكن تخون ريلها حتى بعد الزواج ...
بس شالأحسن؟؟؟ زواااج مستقر والا متشتت ويجبون يهال ويبهدلونهم؟؟وطول حياتهم مشاكل؟؟ لأنه من البدايه كانوا يعاندون بعض؟؟
والا الأحسن وحده تعرف شتسوي في المواقف اللي تتعرض لهااا ؟؟تعرف شلون تعرف شلون تغير من ريلهااا ؟؟؟ مثل ما ذكرت في موضوعك
مع إنه البعض تتزوج وهي صغيرة لكن خبرتها في الحياة اكبر من سنهاا لأنه امها مثلا وعتهااا او اكتسبت خبرة من صديقاتهاا او اقاربهاااا المتزوجيين

[أسيرة الشوق]

هاااااااااااااياااااااااااااات

يس حلو الموضوع:)

انا مع الزواج المبكر و كلامكم ما اقنعني مع احترامي الشديد

اي يهال اللي تكلمون عنهم
في يومنا هاي البنت ام 15 سنه تعرف الي محد يعرفه

انا اشوف الزواج يعقل و طبعا ما انكر العوامل اللي تاثر
يعني التربيه عند كل واحد فيهم تجي وحده عمرها 18 سنه تفتح بيت وتاسس اسره عدله ولا وحده تربيته مب تربيه صحيحه وتاسيسها غلط و عمرها 25 ما تقدر تفتح بيت

انا اايد الزواج المبكر واشوفه حماايه للثنين البنت والرجال و الجمله المعتاده من الشباب والبنات " بس شنو تبي تعيش و يبي يعيش شبابه"
طيب عيش شبابك وعيشي شبابج مع زوجج/زوجك ليش انت يلي عمرك مادري كم بتاخذ وحده كبر جدتك
و غير جي وشو اتمتع بشبابي يعني شبتسون؟؟ الزواج دوم اظمن و حمايه
و غير جي ممكن بالنسبه للردود اللي اسمعها بس البنت تدرس و عيال و مش عارفه وشو
هني نرجع نقول هاي يعتمد على ال2 يعني الخطه اللي تنحط قبل الزواج لانه الزواج مو طلعه ودخله و ... نفس ما يتخيله البعض
لي صار بينهم اتفاق على امور حياتهم ما اعتقد الخلاف يجي بصوره كبيره بعد الزواج

والزواج المبكر للبنت اهم لانه مع الكبر فرصه زواجها تقل و انا اشوف البنت تكبر اسرع من الرجال ... والعمر يختلف بما انه الريال محتاج فتره ياسس فيها نفسه عشان يفتح بيت

يعني الزواج المبكر حل لكثير من المشاكل الاجتماعيه اللي صارت موضه في حياتنا اليوميه و الزواج ما جاء في الدين الا وهو الصح

واسمحوا لي على الاطاله وتسلمين ورده على الموضوع الحلو وعساج على القوه

[بو شهد]

وأنا ما أختلف وياج ريالو ولا مع أسيرو

[bettyஹஹboop]

موضوع حلو
وانا ايد الزواج بسن مبكر وبعدين الزواج بسن مبكر مو سبب حق المشاكل بالعكس حتى اللي يتزوجون وهم كبار راح تكون عندهم مشاكل بس يعتمد على شحصيه الازواج ..

[الوطن]

أنا مع الزواج المبكر

بس مابينتو والعمر المبكر ماحددتوه إذا كان من 18 وفوق تراه معقول وأشوفه جداً مناسب وهنيه ميزة هي أن العيال اذا كبروا يكون عمر الأب جداً مناسب يخاوي عياله
مب اذا كبر تزوج عياله كبرو يكون هو ريل في القبر وريل في الدنيا وكله مريض وكحته توصل لين باب الحوش يغربل عياله في الرقاد كله مسهرهم هههههههههههه
سلام

[بو شهد]

خخخخخخخخخخخخخخ

الله يرجك الوطن أدري بك حق ها السوالف

[الأمورة]

... تحيــــــــــــاتي ... لكِ يا وردة قطـــر ...
وتحياتي لكل إلي تناقشواا وأبدءوا آرائهم


إسمحولي .. إبدي رأيي .. أنا مع الزواج المبكر ...
وهو أقضل شيء للبنت .. أولاً وأخيراً مصير البنت الزواج ..
الشاب ممكن بأخر زواجة إلي أن يستقر مادياً ويصبح أهلاً لمسؤولية زوجة وأولاد ..
أما البنت فالأفضل لها الزواج المبكر .. يعني البنات إلي تبي تكمل دراستها وإلي لحين ما تفكر بالزواج وإلي بتعيش شبابها ..
صدقاً ماراح ينفعها أبداً هالكلام..
وطبعاً لو كل بنت حطت في بالها إن الزواج ستره لها وحطت في بالها إنها في كل ليله تمر عليها يحسب لها أجر وحسنات من الله .. وتطلع من راسها الغزو الغربي إلي أفسد أمتنا...
ويارب يستر على كل بنات حواء ويرزق الشباب الصبر والستر.
وما بحضر على ذهني إسم القائل لكن مقولته ...
( إن الزواج هو أفشل نظام إجتماعي ... ولكنه الوحيد )
الوحيد طبعاً لإن أي نظام ثاني أو أي إسلوب للحياة خارج عن إيطار الزواج فهو ليس نظام إجتماعي.
+++++++++++++++
وعساكم عالقوه
أمورتكم ...

[الوطن]

تسلمن الامورة على الرد الطيب
بس الخط يعور العين أنا جبت دربين علشان أشون الكتابة )

[دبلوماسية]

لا يبه الله يبعدنا من الزواج المبكر لان بالفعل له عواقب وخيمه

[*أحاسيس الورد*]

السلام لكل الأعضاء

مشكوره وردوه على الموضوع

انا قريت ردودكم بس ما فمت الحين بعض الاعضاء قالو ان الزواج المبكر يسبب مشاكل ويؤدي إلى الانحراف .....!! بس ما اقتنعت بهاي الفكره الا ان الزواج عكس الكلام هاي.... المشكله ان الحين الناس بدو ياخذون فكره غلط ويحطون في بالهم ان الزواج المبكر آخرته هواش ومشاكل وانحراف من الطرفين ونهايته طلاق
لكن كلً يقدر يثبت العكس...صح ولا نا غلطانه؟؟؟ والله الزوج والزوجه لو يبون بيحاولون قد مايقدرون ليثبتون هالشي مشكلتنا احنا انه المعتقدات الي حاطينها في راسنا هي اللي مأثره فينا والي هي اصلاً من الغرب ....
شنو اللي يمنع المراءة من انها تتزوج في سن مبكر ((ما اقصد وااايد صغيره
لا يعني في سن تكون فيه عاقله وفاهمه علشان تعرف كيف تتعامل مع زوجها واولادها )) اذا كان الرجل اللي متقدم لها رجل زين صاحب خلق ودين
..ليش ترفضه؟؟ ما عندها عذر ...ليش تبي اتكمل دراستها تقدر اتكملها وهي متزوجه ولا الدنيا بتتغير ..الا بالعكس بيكون احسن لها هههههه مرتاحه في بيتها
شتبي اكثر من جي خخخ ..
ومتأسفين على الأطاله
اختكم ..*احاسيسوو*

[عمر]

انا بصراحه ارفض الزواج المبكر لاسبب كثيره

هذا بختصار