ضواحي قطر

[أسيرة الشوق]

قالت فمان الله بدلنا بها الدار دار



بكره نبي نمشي ونسكن في ضواحي قطر



كنت احسب انه ضحك والا مزح والا اختبار



لكن فجعني دمعها اللي هل مثل المطر


واظلم علي الوقت يا اهل العرف نص النهار



ضاقت بي الدنيا العريضه من سمعت الخبر


واكثر عذابي يوم شفت البيت مابه قشار



الا شظايا جام غرفتها الجميل انكسر


والبيت متغير بدى ينزل عليه الغبار



فيه المجلات القديمه طايحه والصور


قالت تعال اجلس ربع ساعه معي باختصار



ترى الليالي فرقتنا والقضاء والقدر


ولابقى من وقتي الا ساعة انتظار



بودع الجيران وانا حالتي في خطر


كفي دموعك ياحبيبه عندي اخر قرار



اصبح لنا بالديره اللي تسكنيها نظر


واليوم انا قررت اسافر يم ذيك الديار



واسكن معك في وادي الريان يا اغلى بشر


اخر دقيقه كنت اشاهدها على ارض المطار



نادى المنبه للتوجه كان وقت السفر


الطايره طارت وقلبي فز معها وطار



والعين هلت دمعها في ا لحال دم حمر





علي بن محمد القحطاني


اختكم :أســـــــــيرة الشـــــــوق
قلبي المشتاق متولع يباك
ياوله ياشوق قلبي والعيون

[همس الليل]

تسلم يمناج اسووورتي وصح لسان كاتبها

[أسيرة الشوق]

تسلم يمناج اسووورتي وصح لسان كاتبها

[glow=99FF66]الله يسلمج ويعافيج من كل شر منوره هموستي [/glow]