غرف الدردشة ( الشات )

[بو شهد]

أرجو من الجميع التعبير عن رأيه ويمكنكم اختيار أكثر من إجابة

[همس الليل]

تسلم ولود على الموضوع

الصراحه اظن اغلب الي يدخلون الشات بس عشان يقضون وقت فراغهم وانا كنت مثلهم زمان قبل لا اعرف على المنتدى ، حتى اني كونت صداقات عن طريق الشات مع البنوتات والحمد لله الحين هم مثل خواتي واكثر :42:

[ALBNDERY]

مشكور ولد فلان على الموضوع
شوف انا بقولك شي بس موب من عندي
اثبتت دراسات عليا انا 98 بالمئة يدخلون الشات نقص بالشخصية والحاجة في اثبات الذات او بالاحرى اهتزاز بالشخصية
اما الثنين بالمية فيكونون مثل ماقالت هموس لملىئ الفراغ او لاشياء اخرى
تحياتي

[ريـ مدريديةـال]

يعطيك العافية ولوووود
وثانكس اختي البندري على المعلمومة...
والله انا اشوف الفراغ...وحق العبط اكثر شي...اممم وصدقات...بس لازم الواحد يكون حذر ..لأنه الشات مب مجال عشان تعرف اخلاق الشخص اللي بتعرف عليه
والله كونا صدقااات ما في احلى منهاا ...وتعرفنا منه على ناس غاليين بعد *_^

[bettyஹஹboop]

انا الصراحه مااحب ادخل الشات ملل..
بس لو بدخل اكيد لاني متملله ... وابي اقضي وقت الفراغ
وتسلم على الموضوع الحلو

[*أحاسيس الورد*]

والله شي حلو ولود ان شاء الله الكل يحط رايه
وعني اعتقد انه الملل وما يفعل
لحد يضحك خخخ مره جربت ادخل الله وكيلكم ما عرفت شسالفه
حسيت روحي مسبهه قلت اطلع احسن ومن يومها ما دخلت هههههههههههه

[بو شهد]

تسلمون كلكم على المرور والردود الطيبة

بس أنا حبيت أعرف سبب دخول الآخرين مب كل واحد يقول عن نفسه لأنه والحمد لله الأعضاء الي عندنا عيال ناس ومحترمين بس لو تدخلون الشاتات وتشوفون اللي يصير حزتها تقدرون تعطون الأسباب الحقيقية.

[أسيرة الشوق]

كح كح درب درب ......

تسلم اخوي ولود ع الموضوع وانا وقع اختياري الاول "الملل ولتقضية وقت الفراغ"
واشوف انه هذا السبب الاول اللي يقودنا للاسباب الثانيه

فالفراغ اللي يعانون منه الناس وخاصة فئة الشباب يدفعهم للتسلية بصورة خطأ تبتدي من كلمة او مصطلح "الملل" فمثلا فلان متملل يدخل الشات طيب وش راح يسولف عنه ... بدون لف و دوران اي موضوع بلا هدف وتضيعه للوقت و منها الحب ووو.... فتلاقي الواحد فيهم او الوحده توهم نفسها من الفراغ اللي هو فيه او اللي البنت فيه انه فلان حبني و انا حبيته فتبده قصة جديده ما تنتهي الا بالضياع

سو السبب الاول الفراغ ... اللي قادها لتكون علاقات حب وغيره او ما سميته" خداع الفتيات باسم الحب"وايضا "الفراغ العاطفي ومحاولة ملئه بتكوين علاقة حب"

السبب الثاني "تكوين صداقات حقيقية " ايضا هاذي جات من فراغ وملل ..ونوع الفراغ اللي اتكلم عنه هو فراغ اجتماعي يعني الواحد واجه صعوبه فانه يلاقي صديق في حياته الاجتماعيه فيظن انه اكو صداقه حقيقه ممكن تكون عبر الشات ويخلي هالشي هدف لكن في الواقع هو ما بحث عن السبب الرئيسي اللي خلاه يفكر في اللجوء للصداقات عبر النت ..
ونفس الشي "الشعور بالنقص والحاجة إلى الظهور "


اما آخر نقطتين "إظهار البراعة في السب والشتم "& "الدخول بنكات لأجل خداع الشباب ( مثال: أبي كرت تعبئة ) " فهاذي اللي للامانه ناس يسمونها فاضيه وما راح اقول فراغ هاي النوع من الناس اما معقدين نفسيا اللي جاي يوريك شوفني شلون انا قليل ادب او انه يكون انسان خالي وماله اهميه في الحياه بتاتا ...

ومادري هالنوعين احسهم من الناس اللي ما يعطون شي لانفسهم ولا لغيرهم مجرد غباء xغباء و تضيع وقت وهم في الاساس ماعندهم وقت يديرون بالهم عليه لو بشكل بسيط لانه في الارجح حياتهم مافيها شي مهم ..


يعني الفكره انه الفراغ والملل هو من وجهة نظري السبب الرئيسي والدافع وره الاسباب الثانيه ...

واسمحوا لي ع الاطاله والتفلسف :42: سوري جني تحجيت وايد لوول

عساكم ع القوه ..خوش موضوع والله يعطيك الف عافيه ..

[دبلوماسية]

الصراحه مادش النت واااااااايد

[نور الدنيا]

تم الاختيار

والسوالف عن الشاات كثيره يبي لهاا مجلدات مو صفحات

شكرا لك

[عابر سبيل]

الفراغ هو السبب الرئيسي وحد يقول تكوين علاقات ..
لانه موضوع غسلنا يدنا منه ..
الشات (( للدمار ))

والله يبعدكم عنه ..

شكرا