نعم للمنتجات الدنماركيه :)

[واحد رجال]

بسم الله الرحمن الرحيم

اخواني الأعضاء والمشرفين والإداريين

مساء الخير والاحساس والطيبه & مساء مايليق إلا بأحبابي

مثل ماعوتنا منتديات الجميع - دوحة الجميع - على الصراحه .. وقول الحق ..

انا اليوم اشارككم بموضوع مهم جدا .. فأتمنى انكم تقرون موضوعي عدل

عشان تحكمون على رايي او بالأصح اقتراحي ..

لاحظنا في الآونه الأخيره في معظم المنتديات اللي احنا مشاركين فيها قسم إضافي

وهو البضائع الدنماركيه او قاطعوهم او غيرها من هالمسميات ومسمى القسم الموجود

في دوحة الجميع هو فداك ابي وامي .؟؟

اي فداك يا رسول بس مانقول لا للبضائع الدنماركيه ؟؟

ولا نسب ولا نسوي اي شي مثل الكلام الموجود في القسم في دوحة الجميع

اكيد انا غيور وهذا دينيا ومحمد نبينا .. ( صلى الله عليه وسلم ) بس الرسول كان جاره

يهودي ؟ وماسوى مثل ماسوينا احنا .. فالمفروض ان حنا نقلب هالقسم إلى قسم على مسماه

وهو فداك ابي وامي ونحط فيه مواضيع يشهد لها التاريخ ونعتز فيها ونفتخر فيها .. ومواقف للرسول

مع اعدائه وكيف كان يتعامل معهم واللي حاصل الحين بيننا وبين الدنمارك ماله اي معنى ؟؟

لأن احنا مانشك في مذهبنا ؟؟ وكلنا مسلمين ومهما قالوا وفعلوا لايمكن ان حنا نصدق شي ماصار

وعلى فكره ترى احنا إن اتحدنا خليجين ؟ بس يعني ماناتي مثل الصين نصنع ونعمل ونسوي ونجتهد وننتج ؟؟

احنا لو دولنا بغت انها تتحد ضد الدنمارك المفروض توقف البترول عنها ... عشان (( نذلهم )) ... وهذا مستحيل يصير

لأن احنا ماعندنا مصدر ثاني للدخل ؟؟ فكروا عدل يااخواني واخواتي ...

هذا القسم ماله داعي .. لأن حنا نكتب هنا .. ونروح للجمعيه ونحصل فيها بضائع دنماركيه ؟؟ يعني نكذب على انفسنا

او احنا منافقين ؟؟

يعني التفتت انظارنا على الدنمارك .. واتركت فلسطين ؟ اللي صار لها اكثر من 40 سنه وبدون اي شي ؟؟ لا ومع اليهود ؟

وتركنا العراق وافغانستان ؟؟ والحين عشان كم من جبنه ولبن ؟؟

فلسطين كل يوم يموت منها اكثر من 10 شهداء ؟؟ وهم مسلمين ومنهجهم الإسلام ونبيهم محمد ؟؟ بس مافيه مساعده .. ولا مقاطعه

والعراق مثل الشي ... كم من عراقي مسلم مات راحت نفسه لباريها ولا تكلمنا وقلنا وسوينا وفعلنا وعملنا ؟؟؟

ليش يعني الدنمارك ... انا معاكم في الدفاع عن الرسول صلى الله عليه وسلم خاتم النبين .. اما انكم تقاطعون المنتجات الدنماركيه

انا ضدكم في هالشي .. لأن فيه منتجات امريكيه وبريطانيه .. وامريكا وبريطانيا انتوا تعرفونها زين واهي سبب الفتنه اللي بين

السنه والشيعه في العراق ... عشان نفرق المسلمين ويتشتت رايهم ...

ارجوا منكم السموحه وسامحوني على الأطواله لأن هالقسم ياإنه يبدل إلى قسم يشهد له التاريخ من مواقف شديده لرسولنا الكريم

او انه يغلق لأنه ومثل ماشرحت لكم ... ( انقص على انفسنا ) ؟؟

وجزاكم الله خيرا ..

... واحد رجال ...

[بو شهد]

أول شي أبي أعرف هل أنت كتبت هذا الموضوع خصيصاً حق منتدانا ولا لقيته ونقلته هني؟
ثاني شي أنت تقول كلام غريب، محد بيصكر القسم وكلامك مب متوزان في أشياء كثيرة، والظاهر إنك تبي تشهر نفسك بكتابة هذا الموضوع.

وبعدين شدخل الناس تلقى بضائع دنماركية في بعض المحلات ولا المجمعات؟ تبينا نمسك سكاكين ونوقف على بيبان المحلات ونقص راس أو نفتح بطن أي واحد يشتري منتجات دنماركية؟ وشو ها الكلام الله يهداك محد عاقل يقول اللي تقوله.

[واحد رجال]

اخووي ولد فلان

لا والله يالغالي مب ناقله ولا شي

بس المواضيع اللي في القسم ضد الدنمارك ؟؟؟

يعني عشاني قلت لكم ونصحتكم تسكرونه لأن

ديننا مايخلينا نكره بعض حتى ولو اساء لنا ؟؟ مثل الدنمارك

انا اللي ابي اعرفه من اللي حط القسم .. شمعنى ضد الدنمارك ..

مع ان اعداء ديننا اكثار .. ومعروفين وبعدين ليش انقص على انفسنا

ونقول ان حنا ضد الدنمارك ودولتنا قطر تبحث وتعقد اجتماعات

وتشاورات بين قطر والدنمارك .. يعني عادي مافيها شي لو ان حنا

مع الدنمارك بس ضد اللي هم يسوونه سلبي ومعاهم في اللي يسونه

إيجابي مع الدنمارك ؟؟

اخووي .. احنا عايشين عليهم والقسم بكبره يحرضنا على ان حنا

نقاطع الدنمارك .. بشكل واضح وصريح ...

عشان كذا حبيت اني اقولكم خلااص ماينفع الكلام في القسم ولا شي

ولا يفيدنا في شي ... وهذي وجهة نظري اناا .. ويمكن تختلف عن وجهة نظرك

انت ويمكن في ناس كثير .. ولكن منتديات دوحة الجميع علمتني على

الصراحه والإقتراح ... وهذا مجرد اقتراح مو اكثر ..

وبعدين شلون بشهر نفسي في منتداكم ؟؟ ههههههههههههههههههههه

انا ماهمني الشهره اهم شي عندي افيد الاعضاء

واستفيد منهم .. واحبهم ويحبوني .. واغليهم ويغلووني .؟.

وبالنسبه لكلمتك : (( محد عاقل يقول اللي تقوله ))

والله صدمتني :) .... وجهة نظر ياخووي ياولوود

والله يوفقكم لما فيه من صالح المنتدى والأعضااء .. وسووري على الإطاله...

مع التقدير:
واحد رجال

[بو شهد]

أعيد وأكرر إن الشعوب هي التي انتصرت لرسول الله وليس الحكومات العربية، والكل يعرف بأن معظم الحكومات العربية لديها علاقات مع إسرائيل فهل يعني هذا مثلاً أن الشعب القطري يقبل بأن يتعامل مع اليهود؟

[واحد رجال]

اخوي ولد فلان

انا اعتقد ان جار الرسول صلى الله عليه وسلم كان يهودي

ولو اني اعرف يهودي عاادي بس ليش اسبه وليش اقاطعه ؟؟؟

الرسول زار جاره يوم كان مريض جاره يهودي وكان يأذيه وراح الرسول وزاره ؟؟

وجزاك الله خير

[أسيرة الشوق]

السلام عليكم
واحد رجال بسم الله عليك شماكل ؟؟
اولا لا تقعد تقارن سالفة فلسطين و العراق بشتم النبي في فرق واضح على ما اعتقد
ثانيا: على طاري البضايع اللي ما تبينا نقاطعها ياليتنا نقدر نسوي شي اكبر من جي ..يعني ليش ما نقاطعهم وانت تقول انه الدول صارت تعقد اجتماعات ومش عارفه وشو طيب الحكومات راح تسوي اللي تسويه انت تبده بذاتك اعتقد اهم لانه مافي يدك شي اكبر واي شي تقدر تسويه ضدهم يستاهلون الصراحه وياليت حكوماتنا نفس الدول اللي فكت العقود الأوربيه وغيرها


اخوي باختصار المعامله مع يهودي ولا مسيحي ولا ولا ....... كلها حث عليها الاسلام انها تكون بطيبه واحسان و لكن ما شفنا احترام من هذول الدنماركين وتمت الإساءه لأعظم شخصيه في الكون كله فما اعتقد مقاطعتهم الا نقطه في بحر من اللي لازم نسويه

خل عنك تنصحنا نهد المقاطعه يبه حتى لو الجمعيات ردت وباعت و الناس تشتري لكن الواحد يبده بنفسه لانه محد راح ينفعه


رجال اعقل لا اطلع لك الحين لووووووول

يلا تسلم على الاقتراح اللي ما عجبني لول و عساك ع القوه
بس تره ما اقنعتني كلش كلش على قولة ولود كلامك تقريبا مو متوازن كل كلمتين في وادي ههههههههه


اسمح لي على الاطاله ومخالفة الراي
اختك : أسيرة الشوق

[واحد رجال]

ياهلا فيك خيتوو اسووره

ولوو راايي يهمكم ولا ماكان كتبته

وبعدين الرسول صلى الله عليه وسلم ماضره يوم ضره اليهودي وكان يأذيه ولكن

يوم كان مريض اليهودي راح وزاره وهو على فراشه وبغاه يسلم ويدش الإسلام

ومادخل الإسلام ومات وهو يهودي ؟؟

شوفي شلون الرسول الكريم المصطفى يروح له من عقب ماآذاه وضره

واحنا الحين - العرب - نقاطعهم ههههههه شي غريب الصراحه

هذا بدل مانتعاون ونتشارك ونوقف مع بعض ..

وبعدين تعالي اختي اسوره انتي مغتره في الدول العربيه بواجد ؟؟

(( قول عيني من الله خير )) ترى كل هذا دعااايه وربي دعاايه

احنا نحاول نسترجع شي ناقص فينا بس شعقبه ومستحيل رده

اللي هي العزه والكرامه .. لأن حنا انتهينا بمعنى الكلمه

ومع ذلك انا كلمتكم وقلت لكم .. وانا قاعد اتكلم جد ومن صجي

وانتوا تضحكون ؟

الحين انا بسألك قاطعيهم شستفدتي ؟؟

راح تخسرينهم يعني ؟؟ ههههههه مستحيل

لو احنا نبي نقاطعهم كان قاطعنا غيرهاا .. وباللي اقوى منها

هذي هي السعوديه اللي انتي تقصدين عندها اكبر احتياطي نفط في العالم

وهي اكبر الدول المنتجه في العالم للنفط ؟؟

قوليلي في ايش استفدنا فيه يلا قاطعوها وشوفي شلي ينتج عنها ..

هذا مستحيل يصير ولا راح يصير اصلاً ...

انا تكلمت واللي علي سويته ..؟؟

واعتقد اني كفيت ووفيت وماقصرت ..

وعلى فكره ترى كل هالموضوع يرجع على شي واحد ويمكن رايي يختلف عن رايك

وماله داعي الإنضغاط الواجد عليك لا يضرب لك عرق ونبتلش هع

وسوري على الإطاله :)

مع التقدير:
واحد رجال

[أسيرة الشوق]

اي انضغاط
الا كنت ريلاكس حدي وانا ارد
لاني مقتنعه مليون%
يا اخي تعاملنا معاهم مافي شي يعني لو جانه فلان من الدنمارك وشو بنذبحه ولا نسلخ جلده مثلا لا طبعا ...... لكن مقاطعتهم لا تقول ما فادتني بشي بالعكس يكفي لابسط شي انها تعطي الانسان المسلم شعور انه ما قاعد ينفع من عاده الدين والرسول

و ما اعتقد انا او انت او اي واحد فينا افهم من علماء الدين ؟؟ صح ولا ؟
وما اعتقد قصة اليهودي بتغيب عن بالهم

فاشرايك ناخذ برايك ولا بما احنا مقتعنين فيه و علماء الدين قالوه

اخوي ليش ما تشوف الجانب الايجابي ..تراك عكسي تماما
ممكن ترجع للموضع " رب ضارة نافعه" قالها واحد من العلماء في الدين و بالفعل شدت انتباهي

السموحه على الاطاله
اسيرة الشوق

[واحد رجال]

يمكن نتخلف في الرااي

ومهما قلت ماراح نتفقت

ولكن نبقى حبايب بالمنتدى :)

ومشكوره على المرور

وترى كل هذا بالأخير وجهات نظر

[بوخطاب]

السلام عليكم ورحمه الله وبركاته



اخوي:واحد رجل
عندي سؤال؟
لو احنا ما قاطناهم على قولتك وسكتنا وما تكلمنا هل تعتقد انهم بيسكتون ولا اش رايك نصفق لهم ونرفع اعلامهم في كل مكان؟؟؟؟؟؟


بعدين لو كنت انت غيور على دينك وعلى نبيك جان ماقلت جي يبا هاي نبيك تعرف شنو يعني نبيك اقل شي ممكن تسويه (((اتقاطعهم))) مب تقعد تقول الحكومات وفلان وعلان ما قاطعوا....................

شو اتقول انت
وانا باقولك نصيحه
ترا انت قاعد تقول كلام ترى والله انت محاسب عليه
واطلب من صاحب المنتدى ان يمسح الموضوع للمصلحه العامه ترى في ناس نفوسهم ضعيفه وممكن اتصدق هاي الكلام.....
(((((((( حرام عليك يا واحد رجل)))))))))

وشكرا
المرعب

[واحد رجال]

حرام علي ؟؟؟؟
اخوي انا ما ابي ارد واقول لا واي ويمكن وماعرف ايش
كلن عقله فيه ويعرف وش يسوي ووين مصلحته ..
وإذا مسحه ولد فلان ... عشان المصلحه العامه على قولتك خله يمسحه ..
هو المدير ومن حقه انه يمسحه او يبقيه ...