×?°مصطلحات قطريه قديمه 00اندثرت ×?°

[ريانة العود]

مصطلحات حلوه بس للاسف اندثرت ولا اصبحت تقال الا نادر جدا مما ادى الى ان البعض لا يعرفها

زتات = بسرعه

شهست = شعندك شصاير شسالفه

عويزه = الصوغه = الهديه

كرخانه = مكينة الخياطه القديمه

السيم = العريش

الرسته = الشارع

السكيك = الشوارع

الابه = رقبة الثوب

اصقه = اصمخ

البوقه = البنت الكسلانه الي ماتفهم شي

صه = اسكت

ور الليت = شغل الليت

لولب = ولف الماء =الحنفيه

زهب اغراضك = برز اغراضك

لبق اغراضك= يعني جمعهم مع بعض ملبقين

الغبقه = عشاء في رمضان وقت متاخر من الليل

بروي = العاب

مالي كار = مالي خص ..كلمه عليها غبار من قلب

مالك لوا = مافي امل= اغسل يدك يعني انسا الموضوع لاتعيده

زمران = زعلان

كشتات ومفردها كشته = بما معناها رحلات

صمه = الصمخ

الحيّه = الدورفه

[أسيرة الشوق]

الابه
وصمه
لولب

للحين نقولهم :)
تسلمين ريانه على الموضوع الحلو وعساج ع القوه :)

[ريانة العود]

الله يسلمج حبوبه واشكرج عالمرور خيتو

[ريـ مدريديةـال]

تسلمين ريانة على المصطلحات وصج في كلمات للحيين نستخدمهم

[ريانة العود]

بس نااادر وهاي اللي اشوفه انا ومادري عنكم والله
بس اشوف عجايزنا فعلا لحد الان يستخدمون بس اللي اعمارهم 13 وتحت مااااقد سمعت منهم كلمه من هالكلمات خخخخ

يعطيج العافيه ريال عالمرور الطيب

[كتكوتة قطر]

اانا للحين استعملهم هههههههههههه

<<عيوز



يعطيج العافية غلاي

تسلميين

[ريانة العود]

الله يسلمج يالعجوووز مع ان اسمج مهب راكب على نكج كتكوته لووول


منوره حبوبه

[الوطن]

مشكورة على الكلمات بس عندي ملاحظة
هل هذه الكلمة يستعملونها أهل قطر فعلاً
زتات = بسرعه
والله يمكن سمعت كل الكلمات السابقة بس هذه عليها تفظ
سلام

[ريانة العود]

وعليكم ...
يعطيك العافيه اخوي الوطن عالمرور الطيب
الله لايهينك اخوي

[خـــــبل]

يعطيج العافية اختى على الموضوع

اخوج وبعيد عنج الخبل

[بو شهد]

يسلمو خيتو ريانة على الموضوع

في كلمات اندثرت وقامت تدش مصطلحات جديدة وهذا حال أي لغة حية في العالم
بس ترى زتات يقولونها الهولة بس أما باقي القبايل ما يقولونها

[ريانة العود]

والله تبون الصج انا اول مره اسمع ابها ومادري عن الهوله بصراحه بس ان عرفت احد منهم بسأله خخخخ

يعطيكم العافيه ولد فلان واخوي الخبل عالمرور الطيب

الله لا يهينكم