سؤال ... اتمنى الكل يرد ويساعد :)

[أسيرة الشوق]

السلام عليكم

شالسالفه العاب واجد ماشاءالله ولا حد يلعب من تقريبا اربع ايام كل الالعاب كنت تلعبون فيها اشفيكم قمتوا ماتلعبون لا يكون عشان انا جاتكم والا ترى قولوا لا تستحون بس صج وش السالفه

فكتني ريم الامارات من المقدمات ..... توني افكر اشوف شسالفه الا البنت سالت

ماشاء الله عليكم العدد كبير الحمد لله بس محد يشارك في الالعاب معنه القسم ممتع وانا ما ابي اجبركم بس الغريب انه قبل كنتوا تشاركون و الحين كلش ستوب بالايام تلاقون محد يلعب الا لعبتين 3
وخاطري اعرف الاسباب وضحوها خل نعرف و نتخار الشي الاحسن

هل لانه الالعاب مملله
مكرره
ما تنحسب فيها المشاركات ؟
ولا اي سبب آخر ؟

what is up ? :55:

يلا اتمنى اعرف الاسباب وهالشي بيساعد وايد

وشاكره لكم ونتقبل كل الاسباب بصدر رحب :) <<<بالعربي اخذوا راحتكم

بس على فكره مو بس قسم الالعاب بس هو الاكثر

اختكم : أسيرة الشوق

[فـــجـــر]

[align=center]تبين الصررررراحـــــــــــــه خيــــــتوووووو

قسم الالعاب والتسالي الواحد يشارك في الموضوع مره وحده تكفي لان اهناك في واضيع اهم وتستاهل ان الواحد يشارك فيها اكثر من الالعاب والتسالي

وانا عن نفسي ما احب اشارك واااااااااايد في الالعاب والتسالي

وليس الغرض كثرة المشاركات على ما هو قدر اني استفيد من الشي


تقبلي ردي المــــتـــــــواضع خيتوووووووو[/align]

[بو شهد]

كلام فجر صحيح الألعاب مب كل شي

[أسيرة الشوق]

اوووووووووووكيك :) نشل القسم ههههههه :)

بس مادري لانه فرضا انا وريانه وريم اللي نلعب اوكي فالصراحه نشبع من ويه بعض لوول فديتكم :) بس جي

مثلا ريم اليوم تسال ليش محد يلعب مسكينه شتسوي يعني

يلا اقترحوا حلول :) وانا ادري انه الاقسام الباقيه كلها اهم و اونس من الالعاب
"الحين يستغربون شقد تلعب وبعد تقول البقيه اونس لول" بس هاي الصج

يلا عساكم ع القوه

[ريم الامارات]

السلام عليكم ورحمة الله وبركاته


يعطيج العافيه اختي اسيره الشوق على طرحك للموضوع وانا بمطالعتي للالعاب كلها تقريبا كان في اثنين بس الي يلعبونهم والباقي يلعبون معاهم حتى قبل بعد يمكن اكثر من شهر او شهر ونص جو هالاثنين هم الي بدوا والعبوا هالعاب والحين بعد انقطعوا وانا ما اشوفهم بالمنتدى يمكن لانه انا مادخل المنتدى غير متاخر لكن بعد لاحظت ردودهم حصلتها بعد متاخره قلت يمكن عندهم مدارس وامتحانات حصلت في ردودهم واحد ينتظر شغل وواحد يدرس بالجامعه ..!!

لكن شالسالفه مايندرى عنهم

وهالعضوين هم :
1- العضو المشاكس
2- والعضو صاحب جروح
انا اقول اذا هم يدخلون المنتدى وانا مو موجوده ياريت اتكلمونهم يلعبون ايحركون القسم هاي اشوي لانه والله في العاب وايد وايد حلوه بس انا لما ادخل واحصل اخر رد من 5 او6 ايام ومافي حد يفكر انه يرد بعد والله اني اقول ما منا فايده اني اتكلم او اكتب او العب ..


واتمنى اني ما اكون طولت عليكم او ملغت عليكم لانه كله ايقولونلي بالبيت يالملغه

ويعطيكم كلكم الف افيه حبايبي وتراني انتظر رد على ردي يعني انا بادش المنتدى بس عشان هالموضوع من يوم ورايح

والسموحه اني طولت عليكم وملغت

[بو شهد]

لا والله صدقتي وبيتج أدرى بج يوم سموج ملغة

المنتدى مفتوح للكل وما في أي نوع من الأجبار لشخص معين إنه يدش قسم معين أو ما يدشه، لأن الكل حر يمكن واحد يبي يدش ويشوف ويطلع على هواه في هذا الشي، وترى إحنا مب مثل بعض المنتديات اللي تطلب إن الواحد يرد على الموضوع قبل لا يشوفه.
وبعدين مشكلتنا ما نتعلم من أخطاء الآخرين، الصحابة لما توفى الرسول الكريم صلى الله عليه وسلم ظنوا إن الدنيا انتهت، وكانت ردة سيدنا أبوبكر: أيها الناس من كان يعبد محمداً فإن محمداً قد مات، ومن كان يعبد الله فإن الله حي لا يموت.

وليس المجال هنا لتشبيه أحد برسول الله كلا وحاشا ولكني ذكرت لكم هذا المثال لنعرف كيف إننا لا نستفيد من تاريخنا وسيرة نبينا الذي هو قدوتنا.

وبناء على ذلك أقول: هذا المنتدى موجود بوجود الناس، ولا يعتمد نشاطه أو رغبة الناس فيه لشخص دون شخص، حتى لو لا سمح الله في يوم من الأيام وجدتم أن ولد فلان اختفى من المنتدى أو باعه لشخص آخر، فإن (دوحة الجميع) هي التي تربط بين أبناء هذا المنتدى، وليس فلان ولا علان.

أتمنى تصكرون الموضوع لأنه ما يستاهل كل هذي الضجة، وكل واحد حر ينام على الجنب اللي يريحه.

[ريـ مدريديةـال]

اقووووول ولوووووووود الحييين الألعاب صارت مش مهمة وما منها فايدة..انا عن نفسي ما كنت اشارك في الالعاب الا من وقت لي وقت...لكن فيه اعضاء كانوا يدخلون بشكل يومي تتوقع ليش هالشي تغير؟؟؟

[بو شهد]

ريالو أعتقد كلامي واضح بس الظاهر إنتي قريتي بشكل مستعجل وما تمهلتي فيه عدل.

[ريانة العود]

انا عن نفسي احب املغ على ولد فلان اهناك بس ثرى الصج الصج يعني قبل مايشيل ولد فلان المشاركات من اهناك كان الكل يدخل بس الله اعلم يمكن الواحد عنده ظروف ومايقدر يطووول بالمنتدى
مايندرى والله

[أسيرة الشوق]

هههههههههههههههه
الله يغربل بليسكم واحد وره الثاني لوول

لا خذت منكم حق ولا باطل

على العموم اللي عنده اسباب مقنعه ممكن تتعالج يقولنا هاي كل اللي نبيه وافكورس ولود كلن بنام ع الجنب اللي يريحه

حبوبه اشدعوه ريم ماتدشن المنتدى الا عشان موضوع واحد ليش يعني اشدخل؟

ريالو حبي ماقالج مو مهم هءهءه :) لوول يعني قصده كلن واللي يبيه

لو لا سمح الله في يوم من الأيام وجدتم أن ولد فلان اختفى من المنتدى أو باعه لشخص آخر، فإن (دوحة الجميع) هي التي تربط بين أبناء هذا المنتدى، وليس فلان ولا علان

ولودو اشوه انها لا سمح الله ....وي وي تخيل يجي واحد يلعب في حسبتنا هههه والله اطفشه لك لووووووول
ومشكور ع التعليق عاد اشدعوه الموضوع مو مهم الا مهم عشان في ناس وايد يحبون الالعاب بس مو لاقين حد فلازم نعرف الاسباب

ريانو الصراحه هو احسن مكان تملغين فيه على اي احد هههههههه لوول
ومادري اذا من يوم ما بدو ما يحسبون المشاركات صار هاي سبب يمكن وسبق وقلت انا انه الالعاب من غير شي ما يدشونها ويمكن المشاركات حافز


الزبذه مشكورين ع الرد اللي يه بلا حل ولا سبب هههه
وعساكم ع القوه و البيت بيتك أول اللي بدك اياه هههههههه

اسوره:)