قصيدة للشاعر طلال الرشيد تحفظها قبيلة شمر صغارها قبل كبارها

[بو شهد]

قصيدة لطلال الرشيد الله يرحمه ويسكنه فسيح جناته التي تحفظها قبيلته شمر صغارها قبل كبارها عندما قالها رداً على الشاعر محمد بن إبراهيم البراهيم المعروف بالوافي يوم قال ان طلال مايستحق يطلق عليه كلمة امير واني ماعرفه ومن هالكلام، ورد عليه طلال بالقصيده هذي وبعدها شالوا من طلال كلمة امير :

ياصغير مايكبرني لقب *** وما يصغرني إذا انكرني صغير

ماخذينا الصيت من جمع الذهب *** ولا نسابة شيخ او قربة وزير

كاسبينه من هل السيف الحدب *** الجنايز كان ماجاك النذير

صيتهم نجم على راسه لهب *** سمعوا الصقهان به واجهر ضرير

بالوفا تاريخ ابيض ينتصب *** لا حكوا بالحق حيين الضمير

ضيغمين لسناعيس انتسب *** لابةٍ طلنا بها عرش كبير

عند حدك ياكثير الهرج تب *** لا تمر النار وثيابك حرير

كان لك عز بذلي فتعقب *** والله الا تبطي وحبلك قصير

احسبنك من صناديد العرب *** واثر ساترتك عباتك ياغرير

ماحسب للسوس زراع القصب *** والقراده مادرى عنها البعير

ولو حسبنا للحسايف والتعب *** مابذرنا يالعصافير الشعير

عن هلك براي الله واحتسب *** الرجال اللي مجاراهم عسير

من قريش المصطفى وابو لهب *** والدغالب ما غشت عذب الغدير

للرجال من الرجاجيل العتب *** والزكاة تحل في حال الفقير

لعنبوا وقت غدينابه حطب *** تحرقه نار يثورها اجير

مالومك والزمن سوى العجب *** هو بقى غير الكرامه بالجفير

ما اذل وراسي يشم المهب *** لو بقى من شمر طفل غرير

ما اهاب ولا يزلزلني غضب *** الشجاعه ورث العاقل عزير

ياصغير مايكبر باللقب *** غير من هو كان من دونه صغير


للشاعر المرحوم باذن الله / طلال الرشيد

[همس الليل]

الله يرحمه ويسكنه فسيح جناته

وتسلم يمناك ولود على هالقصيده الحلوه

[المميز]

الله يرحمه ومشكور يا ولود

[ريانة العود]

ياصغير مايكبر باللقب *** غير من هو كان من دونه صغير

الله يرحمه انشالله
يعطيك العافيه ولد فلان على القصيده الحلووه

[الأصيلة]

ابيات جدا رائعة يسلمووو على الاختيار الراقي .

[بو شهد]

تسلمون هموس وريانة والفجر البعيد والمميز على المرور والرد

[أسيرة الشوق]

عند حدك ياكثير الهرج تب *** لا تمر النار وثيابك حرير

الله يرحمه وتسلم ولود عساك ع القوه