رد: يوميات الاعضاء"اقتراح"
شكله وااايد حلووو >>من كلامج الحلو<<
بالنسبه لي انا موافقه ..>>طببعا لازم مدير كبير يوافق<<
ومشكووره اسوور عالفكره الحلووه ..
رد: يوميات الاعضاء"اقتراح"
هل كرسي الاعتراف هذا عبارة عن أسئلة مثل ما كان في موضوع في دوحة النقاشات؟
ممكن توضيح فكرة القسم عشان نشوف إذا يصلح.
رد: يوميات الاعضاء"اقتراح"
تسلمين آخر العنقود ع ردج وماقصرتي ...
عساك ع القوه ولود
اوكي خل اوضح لك شلون..
اول شي تلاقي في معظم المنتديات قسم كرسي الاعتراف بروحه وقسم يوميات الاعضاء بروحه ... وفي الواقع اسور ماتعجبها السالفه جي هع
وافضل انه يكونون قسم واحد ..
الشي الثاني .. صح كرسي الاعتراف على الاقلب اختيار عضو اسبوعيا و ينعطى للاعضاء البقيه المجال للاسئله وغيره
وهاي الشي موجود عندنا في المنتدى مثل موضوع افتح تحقيق و غيره نفس ماقلت في دوحه النقاشات .. بس هني تكون الفكره اوسع لكن في هالحاله بيكون مايحتاج نفتح قسم لنفس الفكره
عشان جي قلت ندمج الفكرتين مع بعض .. "يوميات الاعضاء+ وكرسي الاعتراف"
الشي الثالث بالنسبه لموضوع يوميات الاعضاء .. يمكن ماتكون له اهميه بصورة الفايده وغيره لكن هي تسليه اكثر للامانه .. وكثير ما اشوف اكبر تجمع للاعضاء في مثل هالقسم
فيها يشارك العضو بحدث حلو ..مب حلو.. مضحك....الخ ويه باقي الاعضاء
لكن نفس الوقت حاطه في بالي في حالة موافقتكم على ذي الشي ماودي يكون لكل عضو يحط موضوع مني والدرب وجي "ترتيبات القسم شي ثاني" خلوها مفاجأه"ارجوج" هع
مادري حاولت اشرح الفكره كثر ما اقدر..
اي صحيح غير جي القسم بشكل عام مايختص بموضوع معين وكانه اكثر قسم تسليه مفتوح بصوره اكبر ... وودي انه يكون هو القسم الي يحمل مسابقات شبه شهريه اسبوعيه ماشرط تكون فيها جوائز وجي لا تكون بتقسم الاعضاء الى فرق وجي
ولود مايصير قلت كل افكاري .. حاول تستوعب الفكره انها قسم فرفشه غير عن قسم الالعاب والترفيه والتسالي ^_^
لانه اسور لو تمت تشرح بقول كل المواضيع الي ودي احطها
اذا للحين مو مقتنعين مادري مو فاهمين شاقول ...عادي الحياه حلوه بعيد لكم ^^
يلا منها للاحسن ان شاء الله .... ومو مشكله لو حابين نجرب لفتره ونشوف اذا الفكره مناسبه ولا لا ....
واذا صار وقلتوا اوكيك ... بس ندور اسم مناسب شوي لانه القسم به اكثر من فكرة "مو بس كرسي اعتراف و يوميات اعضاء" بس انتوا فضيحه ههههههه
عساكم ع القوه
رد: يوميات الاعضاء"اقتراح"
جيتي تكحلينها عميتيها كلش
إنتي الحين في ثالث ثانوي والمفروض مخج يكون مرتب مب فوضوي بهالدرجة والشرهة الصراحة على المعلمات الي شفنا بعضهم وطلحت فضايحهم العقلية والتدريسية (على الدنيا السلام).
المهم عشان ما تطول السالفة وتكون السالفة واضحة للجميع جاوبي على الأسئلة باختصار ومن غير هذرة عشان توصل الفكرة للكل مب بس أنا:
( الإجابة باللغة العربية الفصحى)
1- هل مواضيع هذا القسم (اللي ماعرف اسمه للحين) لا يمكن تصنيفها ضمن مواضيع دوحة الترفيه والتسالي أو دوحة النقاشات؟
2- إذا كان القسم المذكور من الممكن أن يكون فيه شبه لدوحة الترفيه والتسالي فيمكن جعله قسماً فرعياً منه، أليس كذلك؟
3- هل من الممكن في حالة فتح القسم نقل بعض المواضيع الموجودة في دوحة الترفيه والتسالي ودوحة النقاشات إليه؟
رد: يوميات الاعضاء"اقتراح"
اقتباس:
المشاركة الأصلية كتبت بواسطة دوحة(ولدفلان)الجميع
جيتي تكحلينها عميتيها كلش
إنتي الحين في ثالث ثانوي والمفروض مخج يكون مرتب مب فوضوي بهالدرجة والشرهة الصراحة على المعلمات الي شفنا بعضهم وطلحت فضايحهم العقلية والتدريسية (على الدنيا السلام).
<<<<<<البنت راحت فيها "مت ضحك الله يرج بليس"...
ما اعرف اعبر ^^...
المهم عشان ما تطول السالفة وتكون السالفة واضحة للجميع جاوبي على الأسئلة باختصار ومن غير هذرة عشان توصل الفكرة للكل مب بس أنا:
( الإجابة باللغة العربية الفصحى)
حسنا ... ساحاول انا اخربط باللغة العربية الفصحى ..
1- هل مواضيع هذا القسم (اللي ماعرف اسمه للحين) لا يمكن تصنيفها ضمن مواضيع دوحة الترفيه والتسالي أو دوحة النقاشات؟
والله ممكن اخ العرب بس مب كلها ... يوميات الاعضاء مثلا شكو في دوحه الالعاب..
2- إذا كان القسم المذكور من الممكن أن يكون فيه شبه لدوحة الترفيه والتسالي فيمكن جعله قسماً فرعياً منه، أليس كذلك؟
اذا اردت ذلك نعم انه كذلك ..فلندعه قسما فرعيا "وربي رحت فيها "
3- هل من الممكن في حالة فتح القسم نقل بعض المواضيع الموجودة في دوحة الترفيه والتسالي ودوحة النقاشات إليه؟
نعم انه كذلك .. مثل موضوع من أنا ؟ الذي لم يعجبك هع ...
اخي الكريم ولد فلان .. لا تغربلني بهذه الاسئله الفصيحه فان راسي يؤلمني منها
والسلام عليكم ورحمة الله .
يلا عاد والله حلو .. شايف موضوع احداث مدرسيه مادري شسمه يكون هناك مثلا... اخي الكريم انه القسم جميل "ن" بالنسبة لي ربما لانني احب التسالي .. فلا اعلم شعوركم الكريم نحو ذلك هءهءه "يلا زين باقي راي الاعضاء جان استوعبوا لان انا و ولود نواجه مشكله في التواصل ههههههه لا افهمه ولايفهمني ...